ബിഗ് ബോസ് മലയാളം 2; അവസാനഘട്ട ഒരുക്കങ്ങളെല്ലാം പൂർത്തിയായി; ഇനി മിനിറ്റുകൾ!

നൂറ് ദിവസങ്ങൾ മലയാളികളുടെ സ്വീകരണ മുറികളെ ഉണർത്തിനിർത്താൻ ബിഗ് ബോസ് ഇന്ന് അവതരിക്കും. ബിഗ് ബോസ് പ്രേക്ഷകരിലേക്ക് എത്താൻ ഇനി വെറും മിനിറ്റുകൾ മാത്രമാണ് ബാക്കി നിൽക്കുന്നത്. മെഗാസ്റ്റാര്‍ മോഹന്‍ലാല്‍ തന്നെയാണ് ബിഗ് ബോസ് രണ്ടിന്‍റെയും അവതാരകന്‍. ചെന്നൈ ഇവിപി ഫിലിം സിറ്റിയില്‍ അവസാന വട്ട ഒരുക്കങ്ങളെല്ലാം പൂര്‍ത്തിയായിട്ടുണ്ട്. പതിനേഴു മത്സരാര്ഥികളാകും ഇത്തവണ ഷോയിലേക്ക് എത്തുക എന്ന് തന്നെയാണ് സൂചന!

24 മണിക്കൂറും തുറന്നിരിക്കുന്ന 70 ക്യാമറാകണ്ണുകൾ ആണ് മത്സരാർത്ഥികൾക്ക് ചുറ്റും സജ്ജീകരിച്ചിരിക്കുന്നത്. സിനിമ ടെലിവിഷൻ താരങ്ങൾക്ക് പുറമേ സമൂഹത്തിന്‍റെ നാനാ മേഖലയില്‍ നിന്നുള്ള മത്സരാര്‍ത്ഥികളും ഇത്തവണ ബിഗ് ബോസ് ഹൗസിലുണ്ടാകും എന്നാണ് റിപ്പോർട്ട്.