ബിഗ് ബോസ് സീസൺ 2: ഈ കളിയിൽ അപരിചിതർ പ്രിയപ്പെട്ടവരാകും; വീണ്ടും ലാലേട്ടൻ!

മലയാളികൾ ഏറേ പ്രതീക്ഷയോടെ കാത്തിരിക്കുന്ന റിയാലിറ്റി ഷോയാണ് ബിഗ് ബോസ് സീസൺ 2. മോഹൻലാൽ അവതാരകൻ ആയി എത്തുന്നുവെന്നല്ലാതെ മറ്റ് യാതൊരു വിവരങ്ങളും പരിപാടിയുടെ സംഘാടകർ പങ്ക് വച്ചിട്ടില്ല. അത് കൊണ്ട് തന്നെ ആരെല്ലാം പങ്കെടുക്കുന്നുണ്ടാകും ഈ സീസണിൽ എന്നറിയാനുള്ള ആകാംക്ഷ പേക്ഷകർക്ക് കൂടുതലാണ്.

കഴിഞ്ഞ ദിവസം ലാലേട്ടൻ ലൈവിലൂടെയെത്തി ബിഗ് ബോസ് സീസൺ 2 പുതുവർഷ സമ്മാനമായിട്ടായിരിക്കും സംപ്രേക്ഷണം ചെയ്യുക എന്ന് അറിയിച്ചിരുന്നു. താൻ അവതാരകൻ ആയി എത്തുന്നതിനെപ്പറ്റിയും, കഴിഞ്ഞ സീസണിനെ അപേക്ഷിച്ച് ഇത്തവണ ഉൾപ്പെടുത്തുന്ന പുതുമകളെപ്പറ്റിയും അദ്ദേഹം സംസാരിച്ചിരുന്നു. ഇതിനു പിന്നാലെയാണ് ഇപ്പോൾ ബിഗ് ബോസ് സീസൺ രണ്ടിനെപ്പറ്റിയുള്ള ട്രെയ്‌ലർ വീഡിയോയും സംഘാടകർ പുറത്ത് വിട്ടിരിക്കുന്നത്.

ALSO READ: Mohanlal: കാത്തിരിപ്പുകൾക്ക് വിരാമം; ബിഗ്‌ബോസ് സീസൺ 2 നെ പറ്റിയുള്ള സംശയങ്ങൾ; ലാലേട്ടന്റെ മാസ് ലൈവ്!

ബിഗ്‌ ബോസ് ഷോയുടെ ഒഫീഷ്യൽ പ്രൊഡക്ഷൻ ഹൌസാണ് ട്വിറ്റർ അക്കൗണ്ട് വഴി വീഡിയോ പുറത്തു വിട്ടിരിക്കുന്നത്. സ്ത്രീ സുരക്ഷയാണ് വീഡിയോ തീം. വീഡിയോയ്ക്ക് ഒപ്പമുള്ള ടാഗ് ലൈനിൽ ഈ കളിയിൽ അപരിചിതർ പ്രിയപ്പെട്ടവരാകുമെന്ന് മോഹൻലാൽ പറയുന്നതും കേൾക്കാനാകും.

മോഡിലിംഗിലുമൊക്കയായി സജീവമായവരായിരുന്ന ആളുകളാണ് കഴി‍ഞ്ഞ തവണ മാറ്റുരയ്ക്കാനെത്തിയത്. സാബുമോന്‍ അബ്ദുസമദായിരുന്നു മത്സരത്തിലെ വിജയി. അപ്രതീക്ഷിത ടാസ്ക്കുകളും ട്വിസ്റ്റുമൊക്കെയായാണ് പരിപാടി മുന്നേറിയത്.