'കരുതലോടെ കാര്യങ്ങൾ ചോദിക്കുന്നത് അമ്മയും ഒപ്പം മഞ്ജു ചേച്ചിയുമാണ്'കെപിഎസി ലളിതയെ കുറിച്ച് വീണ!

ബിഗ് ബോസ് താരം വീണ നായർ ഇപ്പോൾ ഇൻസ്റ്റയിൽ സജീവമാണ്. സുഹൃത്ത് ആര്യയെപോലെ തന്നെ വീണയും സോഷ്യൽ മീഡിയ വഴി വിശേഷങ്ങൾ മിക്കവയും പങ്കിടാറുണ്ട്. ഒട്ടനവധി ടിക് ടോക് വീഡിയോകളാണ് വീണ ഇൻസ്റാഗ്രാമിലൂടെ ലോക് ഡൌൺ സമയത്ത് പോസ്റ്റ് ചെയ്യുന്നത്. ടിക് ടോക് ബാൻ ആകും മുൻപേ തന്നെ വീണ പങ്ക് വച്ച അനന്തഭദ്രം എന്ന സിനിമയിൽ കാവ്യ അവതരിപ്പിച്ച ഒരു രംഗം ഏറെ വൈറൽ ആയിരുന്നു.

വീഡിയോകൾ മാത്രമല്ല, വീണയുടെ മനോഹരമായ എഴുത്തും ആരാധകർ ചർച്ച ചെയ്യാറുണ്ട്. കുടുംബത്തെക്കുറിച്ചും സുഹൃത്തുക്കളെക്കുറിച്ചും എല്ലാം വീണ വാചാല ആകുന്നത് ഇപ്പോൾ സോഷ്യൽ മീഡിയയിലൂടെയാണ്. ദുബായിൽ ഭർത്താവിനും കുഞ്ഞിനും ഒപ്പമുള്ള വീണ നാട്ടിലേക്ക് വരാൻ സാധിക്കാഞ്ഞതിന്റെ ദുഖവും അടുത്തിടെ പങ്ക് വച്ചു.

ALSO READ: വിവാഹിത ആണെന്ന് കണ്ടാൽ പറയില്ല; ഹരി വീണുപോയ സൗന്ദര്യം
തട്ടീം മുട്ടീം പരമ്പരയിൽ കോകില ആയി വേഷമിട്ടു കൊണ്ടിരിക്കവെയാണ് വീണ ബിഗ് ബോസിൽ പങ്കെടുക്കാൻ പോകുന്നത്.. ശേഷം ദുബായിൽ മടങ്ങിയെത്തിയ വീണ കോകില ആയി തിരികെ എത്തുമോ എന്ന ചോദ്യം ആരാധകർ പങ്ക് വച്ചിരുന്നു. ഇതിനു പിന്നാലെയാണ് കെപിഎസി ലളിതയുമായുള്ള ആത്മ ബന്ധത്തെക്കുറിച്ചും വീണ പറയുന്നത്.

വീണയുടെ വാക്കുകൾ!

എന്റെ മായാവതിഅമ്മ... ലളിതാമ്മ, അങ്ങോട്ട്‌ വിളിച്ചില്ലേലും ഇങ്ങോട്ടു വിളിച്ചു എവിടെയാടി നീ എന്നാ ഇങ്ങോട്ടു വരുന്നേ. നിന്നെ കാണാൻ കൊതിയാവുന്നു എന്ന് പറഞ്ഞു വിളിക്കുന്ന ഒരാളെ ഉള്ളു, അത് ലളിതാമ്മ ആണ്. ഇത്ര നാൾ ഈ അഭിനയമേഖലയിൽ നിന്നിട്ട് എന്നെ ഇങ്ങോട്ടു വിളിച്ചു കരുതലോടെ കാര്യങ്ങൾ ചോദിക്കുന്നത് അമ്മയും ഒപ്പം മഞ്ജുചേച്ചിയുമാണ്.... പതിവുപോലെ കഴിഞ്ഞ ദിവസവും വന്നു കാൾ.. എവിടാ നീ എന്ന് ചോദിച്ചു.....നമ്മളെ ആത്മാർത്ഥമായി സ്നേഹിക്കാൻ വളരെ വളരെ കുറച്ചു ആൾക്കാർ മതി. നമ്മൾ സ്നേഹിക്കുന്നവരെ അല്ല, നമ്മളെ സ്നേഹിക്കുന്നവരെ വേണം സ്നേഹിക്കാൻ.