മജ്സിയ പറഞ്ഞത്
ഡിംപലുമായുള്ള സൗഹൃദത്തില്‍ വിള്ളല്‍ വന്നുവെന്ന തരത്തിലും തന്നെ തിങ്കളും ഡിംപലും അവഗണിക്കുകയാണെന്നും പറയുന്ന മജ്‌സിയയുടെ ഓഡിയോ ക്ലിപ് സോഷ്യല്‍ മീഡിയയിലൂടെ വൈറലായിരുന്നു. വീട്ടിലേക്ക് പോലും പോവാതെ താന്‍ ഡിംപലിന്റെ വിശേഷങ്ങള്‍ അറിയിക്കാനായി അവരുടെ അടുത്തേക്കാണ് പോയത്. ഡിംപുവിന് കുഴപ്പങ്ങളൊന്നുമില്ലെന്ന് അറിയിച്ചതിന് ശേഷമാണ് വീട്ടിലേക്ക് മടങ്ങിയതെന്നും മജ്സിയ പറഞ്ഞിരുന്നു.
കാണിച്ച് കൂട്ടുന്നത്
ഡിംപലിനെ സപ്പോര്‍ട്ട് ചെയ്തതിന് നന്ദി. മജ്സിയ അയച്ചിരിക്കുന്ന കുറേ വോയ്‌സ് നോട്ടൊക്കെ ഞാന്‍ കേള്‍ക്കുന്നുണ്ട്. ഞാന്‍ ഡയറക്ടലി വിളിക്കുന്നില്ല. എന്താണെന്ന് വെച്ചാല്‍ അതിന്റെ ആവശ്യമുണ്ടെന്ന് തോന്നുന്നില്ല. ചിലപ്പോള്‍ അവരുടെ അറിവില്ലായ്മ കാരണമായിരിക്കും അവര്‍ ഇങ്ങനെയൊക്കെ കാണിച്ച് കൂട്ടുന്നതെന്ന് തിങ്കള്‍ ബാല്‍ പറയുന്നു.
ഫോണ്‍ ആക്ടീവാണ്
ഞങ്ങളുടെ പപ്പ മരിച്ചതാണ്. ഞങ്ങളുടെ മമ്മിക്ക് ഞങ്ങളെ ആവശ്യമുണ്ട്. ഞങ്ങള്‍ മൂന്നാളും അഖിമോനും മാത്രമേ ഇവിടെയുള്ളൂ. അവന്‍ ഞങ്ങളുടെ ബ്രദറാണ്. വേറെ ആരേയും ഞങ്ങള്‍ എന്റര്‍ടൈന്‍ ചെയ്യുന്നില്ല. പിന്നെ കോളുകള്‍ എടുക്കാത്തത്, ഞങ്ങള്‍ക്ക് ജോലി വിടാന്‍ പറ്റത്തില്ല. പപ്പ ഇല്ല. ഇനി എല്ലാം ഞങ്ങളുടെ ഉത്തരവാദിത്തമാണ്. എത്രയും വേഗം കാര്യങ്ങള്‍ സെറ്റിലാക്കണം. അതുകൊണ്ട് തന്നെ വര്‍ക്ക് നമ്പറും എന്റെ നമ്പറും ആക്ടീവാക്കാതെ വെക്കാന്‍ പറ്റില്ല.
ഞാനാണ് ഉപയോഗിക്കുന്നത്
ഡിംപലിന് ഞാന്‍ ഫോണ്‍ കൊടുക്കാതിരിക്കുന്നത് അത് ചിന്തിച്ചാണ്. ഡിംപലിന് എല്ലാം റീഡ് ചെയ്യാനുള്ള മനസ്സില്ല ഇപ്പോള്‍. ഇന്‍സ്റ്റഗ്രാമും ഫോണും മറ്റ് കാര്യങ്ങളുമൊക്കെ ഉപയോഗിക്കുന്നത് ഞാനാണ്. കുറച്ച് കാലം അത് അങ്ങനെ തന്നെയായിരിക്കും. വാക്ക് കൊണ്ടോ മെസ്സേജ് കൊണ്ടോ അവള്‍ വേദനിക്കരുത് എന്നുണ്ടെന്നും തിങ്കള്‍ ബാല്‍ പറയുന്നു.
വലിയ നഷ്ടം
3 മാസം അവള്‍ അച്ഛനെ കണ്ടിട്ടില്ല, മിണ്ടിട്ടില്ല. ആ വിഷമം ഒരാള്‍ക്കും മനസ്സിലാവില്ല. അവള്‍ക്ക് അത്രയും പ്രിയപ്പെട്ടയാളാണ് പപ്പ. ഞങ്ങള്‍ക്കെല്ലാവര്‍ക്കും വലിയ നഷ്ടമാണ്. ഞങ്ങള്‍ 4 പേരല്ലാതെ ആര്‍ക്കും ഞങ്ങളെ സപ്പോര്‍ട്ട് ചെയ്യാന്‍ പറ്റില്ല. ഞങ്ങളുടെ സ്‌പേസ് ഫില്‍ ചെയ്യാനും പറ്റില്ല. ഡിംപല്‍ എന്തെങ്കിലും ചെയ്യുന്നുണ്ടെങ്കില്‍ അത് ഞാന്‍ നിര്‍ബന്ധിച്ചിട്ടാണ്. ആ വീഡിയോ ഇട്ടതൊക്കെ അങ്ങനെയാണ്. അവളുടെ അച്ഛന്‍ എല്ലാവരും അറിയണമെന്നായിരുന്നു അവളുടെ ആഗ്രഹം. അവള്‍ ഇപ്പോഴും ഓക്കെയായിട്ടില്ലെന്നുമായിരുന്നു തിങ്കള്‍ ബാല്‍ പറഞ്ഞത്.