അയാളോടൊപ്പം ജീവിച്ചില്ലെങ്കിൽ കൊന്നുകളയും;ആത്മഹത്യയുടെ വക്കിലെന്ന് മുൻ ബിഗ്‌ബോസ് താരം!

ലിവിങ് ടുഗദറിൽ കൂടെയുണ്ടായിരുന്ന വ്യക്തി വധഭീഷണി മുഴക്കുന്നതായി മുൻ ബിഗ് ബോസ് താരം അഞ്ജലി അമീർ. ഒരുമിച്ചു ജീവിച്ചില്ലെങ്കിൽ കൊന്നുകളയുമെന്നും, മുഖത്ത് ആസിഡ് ഒഴിക്കുമെന്നും അയാൾ ഭീഷണി മുഴക്കുകയാണെന്ന് അഞ്ജലി ഫേസ്ബുക്ക് ലൈവിലൂടെ പറയുന്നു. തനിയ്ക്ക് എന്തെങ്കിലും സംഭവിച്ചാൽ അതിന് അയാൾ മാത്രമാകും ഉത്തരവാദിയെന്നും അഞ്ജലി പൊട്ടിക്കരഞ്ഞുകൊണ്ട്‌ ലൈവിലൂടെ പറയുന്നു.

ALSO READ: ഈ ഒരു അനുഭവത്തെപ്പറ്റി പറയാൻ എനിയ്ക്ക് വാക്കുകൾ മതിയാകില്ല; ബിഗ്‌ബോസ് താരം അഞ്ജലി!

കോഴിക്കോട് കൊടുവള്ളി കിഴക്കോത്ത് സ്വദേശി വി.സി അനസിനെതിരെയാണ് താരം ആരോപണം ഉന്നയിക്കുന്നത്. ഒട്ടും താത്പര്യമില്ലാതെയാണ് അയാളും ഒത്ത് ജീവിച്ചതെന്നും പലവിധത്തിൽ അയാൾ വഞ്ചിച്ചതായും താരം വെളിപ്പെടുത്തി. ലോകത്ത് ഒരാളെ വെറുക്കുന്നുണ്ടെങ്കിൽ അത് അയാളെ മാത്രം ആണെന്നും പൊലീസിലും വനിതാ കമ്മീഷനിലും പരാതി നൽകിയതായും അഞ്ജലി പറയുന്നു.

നാല് ലക്ഷം രൂപ അയാൾ തനിക്ക് നൽകാൻ ഉള്ളതായും, സാഹചര്യങ്ങൾ മൂലമാണ് അയാളും ഒത്ത് ഒരുമിച്ചു കഴിഞ്ഞു വന്നതെന്നും അഞ്ജലി അറിയിച്ചു. കഴിഞ്ഞ ഒരു വർഷമായി അയാൾ ഒരു ജോലിക്കും പോകുന്നില്ല, എനിയ്ക്ക് ചോദിക്കാനും പറയാനും ആരും ഇല്ല എന്നുള്ള ധൈര്യത്തിന്റെ പുറത്താണ് അയാൾ ഇങ്ങനെ ഒക്കെ ചെയ്യുന്നെതെന്നും അഞ്ജലി വ്യക്തമാക്കി.