മാരാരുടെ പെട്ടി തുറന്നപ്പോൾ ബിഗ്‌ബോസ് ഞെട്ടിപോയിട്ടുണ്ടാകും! എവിക്ഷന് മുൻപുള്ള രസകരമായ ഓർമ്മയുമായി ദേവു!

ബിഗ്‌ബോസ് സീസൺ ഫൈവിലെ ശക്തരായ മത്സരാർഥികളിൽ ഒരാൾ ആയിരുന്നു വൈബർ ഗുഡ് ദേവു എന്ന പേരിൽ അറിയപ്പെടുന്ന ശ്രീദേവി. മോട്ടിവേഷൻ വിഡിയോകളിലൂടെയും സാമൂഹിക പ്രസക്തി ഉള്ള എല്ലാ വിഷയങ്ങളിലും അഭിപ്രായം പറഞ്ഞുമൊക്കെ സോഷ്യൽ മീഡിയയിൽ സജീവമായിരുന്ന താരമായിരുന്നു ദേവു. എന്നാൽ ബിഗ്‌ബോസിൽ അധികം പിടിച്ചു നിൽക്കാൻ ദേവുവിന് കഴിഞ്ഞില്ല. ബിഗ്‌ബോസിലെ അഞ്ചാം ആഴ്ചയിൽ നടന്ന എവിക്ഷനിലൂടെ ദേവു പുറത്ത് പോകുകയായിരുന്നു. ഒട്ടും സത്യസന്ധമായ ഒരു എവിക്ഷനല്ല ഇത് എന്ന് ആയിരുന്നു എവിക്ഷൻ നടപടികൾ പൂർത്തിയാക്കി പുറത്തെത്തിയ ദേവു മാധ്യമങ്ങളോട് പ്രതികരിച്ചത്. എവിക്ട് ആകും എന്ന് താൻ ഒരു ശതമാനം പോലും പ്രതീക്ഷിച്ചിരുന്നില്ല എന്നും അതുകൊണ്ട് തന്നെ താൻ ഒരു രീതിയിലും പ്രിപ്പെയര്‍ഡ് ആയിരുന്നില്ല എന്നായിരുന്നു ദേവു എവിക്ഷനെ കുറിച്ച് പറഞ്ഞത്. പുറത്തിറങ്ങിയ ശേഷം നിരവധി മാധ്യമങ്ങൾക്ക് അഭിമുഖങ്ങൾ നൽകിയും പുതിയ വിഡിയോകളുമായും ദേവു തിരക്കിലാണ്. ഈ അടുത്തിടെ ഒരു ഓൺലൈൻ മാധ്യമത്തിന് ദേവു നൽകിയ അഭിമുഖത്തിൽ ബിഗ്‌ബോസ് വീടിനെ കുറിച്ചുള്ള രസകരമായ ഓർമ്മകൾ പങ്കിടുന്നതിനിടയിൽ അഖിൽ മാരാർ എന്ന തന്റെ സുഹൃത്തിനെ കുറിച്ചുള്ള ഒരു രസകരമായ ബിഗ്‌ബോസ് ഓർമ്മ പങ്കുവച്ചിരിക്കുകയാണ്.
Also Read: ഇതെന്താ മോർഫ് ചെയ്തതോ? ഇത്രയും വേണ്ടിയിരുന്നില്ല! 'ലാൽ സലാ'മിലെ രജിനിയുടെ ലുക്ക് കണ്ട് സോഷ്യൽ മീഡിയ
"എവിഷൻ ടൈമിൽ എലിമിനേഷൻ ലിസ്റ്റിൽ ഉള്ള എല്ലാവരും പെട്ടി പാക്ക് ചെയ്തു വയ്ക്കുന്ന രീതിയുണ്ട്. പെട്ടികളിൽ ഫുൾ സാധനങ്ങൾ പാക്ക് ചെയ്ത് എവിക്ഷനിൽ നിൽക്കുന്നവർ സ്റ്റോർ റൂമിൽ കൊണ്ട് വയ്ക്കണം.ഈസ്റ്ററിന്റെ എപ്പിസോഡ് തൊട്ട് മാരാർ നോമിനേഷനിൽ ഉണ്ട്. അവനു പക്ഷെ അതിനെ കുറിച്ച് ഒന്നും ചിന്ത ഇല്ല, വേണമെങ്കിൽ പോകാം ഇല്ലെങ്കിൽ പോകണ്ടാ എന്ന പോലെ ആണ്. പുള്ളിക്ക് അറിയാം പുള്ളി എത്ര ദിവസം നിൽക്കും എങ്ങിനെ കളിക്കും എന്നൊക്കെ. കറക്ട് പാത്തിൽ ആണ് പുള്ളി ഉള്ളത്. ആ സ്റ്റാറ്റർജി എന്താണെന്ന് പുള്ളി അവിടെ വെളിപ്പെടുത്തിയിട്ടും ഇല്ല. എങ്ങിനെ അവിടെ നിൽക്കും എന്നൊരു ഐഡിയ ആർക്കും അവിടെ പുള്ളി തരാറില്ല. പെട്ടി വന്നു കഴിഞ്ഞപ്പോൾ എല്ലാവരും പാക്കിങ് തുടങ്ങി. അവൻ മുണ്ടാണ് കൂടുതലും ഉടുക്കുന്നത്. പെട്ടി വന്നപ്പോൾ അവൻ പറഞ്ഞു എനിക്ക് ഇപ്പോൾ ഉപയോഗിച്ചില്ലേലും കുഴപ്പം ഇല്ലാത്തത് ഈ ഷെഡ്ഢി ആണെന്ന്, എന്നിട്ട് രണ്ട് ഷെഡ്ഢി എടുത്ത് പെട്ടിയിലേക്ക് ഇട്ടു. എന്നിട്ട് പെട്ടി റെഡി ആയി ബിഗ്‌ബോസ് എന്നും പറഞ്ഞ് പെട്ടി കൊണ്ട് പോയി വച്ചു. ഉടനെ തന്നെ ബിഗ്‌ബോസിന്റെ അറിയിപ്പ് വന്നു മാരാർ ഷെഡ്ഢി മാത്രം പോരാ എല്ലാ ഡ്രെസ്സും വേണമെന്ന്.അവൻ തിരികെ വന്നിട്ട് ഈ ബിഗ്ബോസ് എന്നെ കൊണ്ട് പണിയെടുപ്പിച്ചേ അടങ്ങൂ, പക്ഷെ ഞാൻ ഇവിടെ നിന്നും പോകാൻ ഒന്നും പോകുന്നില്ല എന്ന് പറഞ്ഞു. എല്ലാവരും ഇരുന്നു കഷ്ടപ്പെട്ട് പെട്ടി ഒക്കെ പാക്ക് ചെയ്യുമ്പോ എനിക്ക് ആവശ്യം ഇല്ലാത്തത് ഇതെന്ന് പറഞ്ഞു പെട്ടിയിൽ ഇടുന്നത് കണ്ടിട്ട് ചിരിച്ചു പോയി." - ദേവു പറയുന്നു. "ബിഗ്‌ബോസ് മാരാറുടെ പെട്ടി തുറന്നപ്പോൾ 2 ഷെഡ്ഢി മാത്രം കണ്ടു ഞെട്ടിപോയിട്ടുണ്ടാകും" എന്നാണ് ആരാധകരും പറയുന്നത്.
Also Watch:
ബിഗ്ഗ്‌ബോസിൽ എത്തിയതിനു ശേഷം വിഷ്ണുവുമായി ഉണ്ടായിരുന്ന ദേവുവിന്റെ സൗഹൃദത്തെ കുറിച്ച് നിരവധി ഗോസിപ്പുകൾ ആയിരുന്നു പുറത്ത് ഉണ്ടായിരുന്നത്. ഒരു ലവ് ട്രാക്ക് ആണോ ഇരുവരും പിന്തുടരുന്നത് എന്ന സംശയം സഹ മത്സരാർത്ഥികൾക്കുംഉണ്ടായിരുന്നു. ബിഗ്‌ബോസ് വീടിനുള്ളിൽ ദേവുവിന് അടുത്ത സൗഹൃദം ഉണ്ടായിരുന്നത് അഖിൽ മാരാരും ഷിജുവും മനീഷയും ആയിട്ട് ആയിരുന്നു. ഡബിൾ എവിക്ഷനിലൂടെ മനീഷയും ദേവുവും ഒരുമിച്ചാണ് ഷോയിൽ നിന്നും പുറത്തു പോയത്. മത്സരാർത്ഥികൾ എല്ലാവരും തന്റെ ജീവിത കഥ പറയുന്ന ടാസ്കിൽ ദേവു തന്റെ ജീവിതത്തെ കുറിച്ചും വിവാഹ ജീവിതത്തിൽ ഉണ്ടായ കയ്പ്പ് നിറഞ്ഞ അനുഭവങ്ങളെ കുറിച്ചും നടത്തിയ തുറന്നു പറച്ചിലുകളും വൈറൽ ആയിരുന്നു.
Also Read:എന്നെയും കുഞ്ഞിനേയും വെറുതെ വിട്ടേക്ക്: നിങ്ങളുടെ ആരുടെയും സഹതാപം ഞങ്ങൾക്ക് വേണ്ട; ദേവു പറയുന്നു