രജിത് സാർ എവിടെ; പുറത്താക്കിയോ? രജിത്തിനെ കാണാഞ്ഞതിനെ ചോദ്യം ചെയ്ത് സോഷ്യൽ മീഡിയ!

ആകാംക്ഷഭരിതമായ നിമിഷങ്ങളിലൂടെയാണ് ഇപ്പോൾ ബിഗ് ബോസ് കടന്നുപോകുന്നത്. ടാഗ് ലൈനിൽ സൂചിപ്പിക്കും പോലെ കളികൾ വേറെ ലെവൽ ആയി മാറിക്കൊണ്ടിരിക്കുന്നു.സംഘർഷങ്ങൾക്കും , ബഹളങ്ങൾക്കും ഇടയിൽ ചില ആളുകളുടെ വിടപറച്ചിലുമാണ് ബിഗ് ബോസിൽ നടക്കുന്നത്.

കഴിഞ്ഞ ദിവസം നോമിനേഷനിലൂടെ ചില ആളുകൾ എലിമിനേഷൻ പട്ടികയിലേക്ക് എത്തപ്പെടുകയും ചെയ്തതോടെ വാശിയേറിയ മത്സരച്ചൂടിലാണ് മത്സരാർത്ഥികൾ. അതിന്റെ ഭാഗമായി ഇന്നുമുതൽ നിരവധി മത്സരങ്ങളാണ് ബിഗ് ബോസ് വീടിനുള്ളിൽ ക്രമീകരിച്ചിരിക്കുന്നതെന്ന് പ്രമോ വീഡിയോയിൽ നിന്നും വ്യക്തമാകുന്നു.

ALSO READ: ലാവണ്യയുടെ കിടിലൻ ചിത്രങ്ങൾ! മറുപടി നൽകാഞ്ഞതിൽ പരിഭവം; ഒടുക്കം മറുപടി!

വാശിയേറിയ മത്സരത്തിൽ രജിത് ഒഴികെ എല്ലാ മത്സരാർത്ഥികളും പങ്കെടുക്കുന്നുണ്ട്. എന്നാൽ ചാനൽ ഇപ്പോൾ പുറത്തുവിട്ട പ്രമോ വീഡിയോയിൽ രജിത്തിനെ കാണാഞ്ഞത് രജിത് ഫാൻസിനെ ചൊടിപ്പിച്ചിട്ടുണ്ട്.

ആരോഗ്യപരമായ കാരണങ്ങളാൽ അദ്ദേഹത്തെ മാറ്റി നിർത്തിയതാണോ എന്ന കാര്യത്തിൽ മാത്രം വ്യക്തത ഇല്ല. സാർ എവിടെ, സാർ ഇല്ലാതെ ഞങ്ങൾ പരിപാടി കാണില്ല. ബിഗ് ബോസ് ഞങ്ങൾ ബഹിഷ്കരിക്കും എന്ന് തുടങ്ങിയ കമന്റുകൾ ഇട്ടുകൊണ്ടാണ് ആരാധകർ പ്രമോ വീഡിയോ ഏറ്റെടുത്തത്.