അനുഷ്ക ഷെട്ടി - നാഗചൈതന്യ വിവാഹം തന്നെ അറിയിക്കാതിരുന്നത് കഷ്ടമായിപ്പോയെന്ന് നാഗാർജുന! താര വിവാഹമെന്ന അഭ്യൂഹത്തിന് നാഗാർജ്ജുനയുടെ മറുപടി

നാളുകള്‍ക്ക് മുമ്പ് ഗോസിപ്പ് കോളങ്ങളില്‍ നിറഞ്ഞ ഒരു വാര്‍ത്ത ആയിരുന്നു ബാഹുബലി താരം അനുഷ്‌ക ഷെട്ടിയും നാഗ ചൈതന്യയും തമ്മിലുള്ള പ്രണയകഥ. നാഗചൈതന്യയുടെ അച്ഛനും നടനുമായ നാഗാ‍ർജ്ജുനയോടൊപ്പം സൂപ്പർ, ഡോൺ, രാഗദ, താണ്ഡവം, ഓം നമോ വെങ്കിടേശായ, കേടി, കിംഗ്, കേടി, സോഗ്ഗഡേ ചിന്നി നയന, ഊപ്പിരി തുടങ്ങി നിരവധി സിനിമകളിൽ അനുഷ്ക അഭിനയിച്ചിട്ടുമുണ്ട്. താൻ നാഗാര്‍ജ്ജുനയെ ഒരു ഗുരുവായാണ് കാണുന്നതെന്നും അഭിമുഖങ്ങളിൽ അനുഷ്ക പറഞ്ഞിട്ടുണ്ട്.

എന്നാൽ ഒരിക്കൽ അനുഷ്‌ക ഷെട്ടിയും നാഗ ചൈതന്യയും തമ്മിലുള്ള വിവാഹ നിശ്ചയം കഴിഞ്ഞുവെന്ന രീതിയിൽ അഭ്യൂഹങ്ങള്‍ പരന്നിരുന്നു. ഈ വിഷയത്തെ കുറിച്ച് ഹൈദരാബാദ് ടൈംസിന് നൽകിയ അഭിമുഖത്തിൽ ഒരിക്കൽ നാഗാര്‍ജ്ജുന പ്രതികരിച്ചത് ഏറെ രസാവഹമായിട്ടായിരുന്നു. നാഗ ചൈതന്യ ആ സമയം ഒരു സിനിമയുടെ ഷൂട്ടുമായി ബന്ധപ്പെട്ട് സ്വിറ്റ്‌സർലൻഡിലായിരുന്നു.

പുലർ‍ച്ചെ ഞാൻ മകനെ വിളിച്ച് ചോദിച്ചു ‘ഇന്നലെ രാത്രി നീയും അനുഷ്‌കയുമാള്ള വിവാഹനിശ്ചയം എന്നോട് പോലും പറയാതെ നടത്തിയത് കഷ്ടമായിപ്പോയി’, ഇതുകേട്ട് നാഗ ചൈതന്യ നിര്‍ത്താതെ ചിരിക്കുകയായിരുന്നുവെന്ന് അദ്ദേഹം പറയുകയുണ്ടായി. ഇക്കാര്യം അനുഷ്കയോടും പറഞ്ഞിരുന്നുവെന്നും അവർക്കും ചിരിയടക്കാനായില്ലെന്നുമാണ് അന്ന് അഭിമുഖത്തിൽ നാഗാര്‍ജ്ജുന പറഞ്ഞത്.

ബന്ധം വേർപെടുത്തിയത്തിനു ശേഷം നാഗ ചൈതന്യ ഒരു പുതിയ അപ്പാർട്ട്മെൻ്റ് വാങ്ങിയതായി അഭ്യൂഹമുണ്ട്. എന്നാൽ സമാന്ത അവരുടെ പഴയ വീട്ടില്‍ തന്നെയാണ്. വിവാഹ മോചനത്തിന് ശഷം ഏതാനും ആഴ്ചകൾക്ക് മുമ്പ് നാഗ ചൈതന്യ ആദ്യമായി പൊതുവേദിയിൽ പ്രത്യക്ഷപ്പെട്ടിരുന്നു. 'മോസ്റ്റ് എലിജിബിൾ ബാച്ചിലർ' എന്ന സിനിമയുടെ പ്രൊമോഷൻ പരിപാടിയിലായിരുന്നു ഇത്.