ആരൊക്കെ ന്യായീകരിച്ചാലും ഇത് തെറ്റായിപ്പോയി; ഭാഗ്യലക്ഷ്മിക്കെതിരെ സുധീർ!

വിജയ് പി നായർ വിഷയത്തിലുള്ള ചർച്ചകൾ ആണ് സോഷ്യൽ മീഡിയയിൽ നിറയെ. സ്ത്രീകളെ അപമാനിച്ചുകൊണ്ട് യൂ ട്യൂബിലൂടെ മോശം വീഡിയോകൾ ചിത്രീകരിച്ചതിനെതിരെയാണ് ഭാഗ്യലക്ഷ്മിയും കൂട്ടരും വിജയ് പി നായരെ കൈയ്യേറ്റം ചെയ്‌തത്. എന്നാൽ ഇതിനെ അനുകൂലിച്ചും പ്രതികൂലിച്ചും നിരവധിപേരാണ് ഇപ്പോൾ തങ്ങളുടെ അഭിപ്രായം പങ്ക് വയ്ക്കുന്നത്. സിനിമ സീരിയൽ രംഗത്ത് പ്രവർത്തിക്കുന്ന നിരവധി ആളുകൾ ആണ് തങ്ങളുടെ പ്രതികരണം പങ്ക് വച്ചുകൊണ്ട് രംഗത്ത് എത്തുന്നത്.

ALSO READ: ഞാൻ കണ്ട ആദ്യത്തെ ഫെമിനിസ്റ്റ്; മാനത്തിന് വിലയിടാൻ ഒരുത്തനേം സമ്മതിക്കരുതെന്നു പഠിപ്പിച്ച ഫെമിനിസ്റ്റ്!
സീരിയൽ നടൻ സുധീർ സുകുമാരൻ പങ്കിട്ട വീഡിയോ സമൂഹ മാധ്യമങ്ങളിൽ ഏറെ വൈറൽ ആയിരുന്നു. ഭാഗ്യലക്ഷ്മിയെ പരക്കെ വിമർശിക്കുന്ന തരത്തിലുള്ള വീഡിയോ പോസ്റ്റ് ചെയ്തു കുറച്ചു മണിക്കൂറുകൾക്കുള്ളിൽ തന്നെ ആരാധകർ ഏറ്റെടുക്കുകയും ചെയ്തു.

ALSO READ: പ്രതിഷേധത്തിൻ്റെ രീതിയോട് ഒട്ടും തന്നെ യോജിക്കാനാകില്ല; കാരണം വ്യക്തമാക്കി ദീപൻ!
" ചേച്ചീ വളരെ മോശായി പോയി.. ഒരിക്കലും ഒരു പാവപ്പെട്ടവനെ.. എന്തോ ആയിക്കോട്ടെ അയാള്‍ എന്ത് തെറ്റോ ചെയ്യട്ടേ അയാളെ കരി ഓയിലൊക്കെ ഒഴിച്ച് തലയൊക്ക തല്ലി പൊട്ടിച്ച് ഇങ്ങനെ. ഞാൻ ഭാഗ്യലക്ഷ്മിയെ 'ഒരുപാട് സ്‌നേഹിക്കുകയും ബഹുമാനിക്കുകയും ചെയ്തിരുന്ന ഒരാളാണ്' ഞാൻ .കേരളത്തിലെ ജനങ്ങള്‍ നല്‍കിയ സ്വാതന്ത്ര്യം അത് കൈയിലെടുത്തുകൊണ്ട് ഇങ്ങനെയൊന്നും പ്രവര്‍ത്തിക്കാന്‍ പാടില്ലായിരുന്നു. ആരൊക്കെ ന്യായീകരിച്ചാലും ഇത്തരം കാര്യങ്ങളില്‍ ഞങ്ങളൊന്നും കൂട്ടുനില്‍ക്കില്ല തെറ്റായി പോയി",എന്നാണ് സുധീർ പറയുന്നത്.