ഈ കുഞ്ഞി ചെക്കന് ചേട്ടന്റെ വക ഒരു മണിമുത്തം!

ആദിത്യൻ - അമ്പിളി ദേവി താര ദമ്പതികൾക്ക് കഴിഞ്ഞ ദിവസമാണ് ആൺകുഞ്ഞു പിറന്നത്. മാധ്യമങ്ങളും, സോഷ്യൽ മീഡിയയും ഒന്നടങ്കം സന്തോഷത്തിടെയാണ് ഈ വാർത്ത സ്വീകരിച്ചത്. നിരവധി ആരാധകരാണ് ആശംസകൾ അർപ്പിച്ചുകൊണ്ട് രംഗത്ത് വന്നത്.

കഴിഞ്ഞ വർഷം ജനുവരിയിൽ ആയിരുന്നു ഇരുവരുടെയും വിവാഹം. വിവാഹ വാർത്തയും മാധ്യമങ്ങൾ ആഘോഷം ആക്കിയിരുന്നു. പിന്നീട്‌ അൽപ്പം വിവാദങ്ങളിൽ താര ദമ്പതികൾ ഉലഞ്ഞെങ്കിലും അതൊന്നും തങ്ങളുടെ ജീവിത യാത്രയ്ക്ക് തടസ്സം ആകില്ലെന്ന് തെളിയിക്കുകയാണ് ഇരുവരും.

മുൻനിര നായിക നടിമാർക്കൊപ്പം തന്നെയാണ് അമ്പിളി ദേവിയുടെ സ്ഥാനം. അഭിനയ മികവിന് അമ്പിളി ദേവിക്ക് 2005 ൽ മികച്ച ടെലിവിഷൻ നടിയ്ക്കുള്ള കേരള സംസ്ഥാന ടെലിവിഷൻ അവാർഡ് ലഭിച്ചിരുന്നു.പിന്നീടങ്ങോട്ട് ഓർത്തിരിക്കാൻ നല്ല കഥാപാത്രങ്ങളെ സിനിമയിലും സീരിയലിലൂടെയും അമ്പിളി നമ്മൾക്ക് സമ്മാനിച്ചു. ആദിത്യനും അഭിനയ മേഖലയിൽ തിളങ്ങി നിൽക്കുന്ന നടനാണ്. അനശ്വര നടൻ ജയന്റെ അനുജന്റെ മകൻ കൂടിയാണ് ആദിത്യൻ.

ഇരുവർക്കും ഒരു മകൻ കൂടിയുണ്ട് അപ്പു എന്ന് വിളിക്കുന്ന അമർനാഥ്; ഇപ്പോൾ അനുജന് അപ്പു മുത്തം നൽകുന്ന ഫോട്ടോയാണ് താര ദമ്പതികളുടെ ആരാധകർ ഏറ്റെടുത്തിരിക്കുന്നത്. കുഞ്ഞിക്കവിളിൽ ചേട്ടൻ മുത്തം വയ്ക്കുന്നതും കുഞ്ഞി കൈയ്യിൽ അച്ഛൻ പിടിച്ചു നിൽക്കുന്നതുമായ ഫോട്ടോകൾ ഇതിനോടകം വൈറൽ ആയിട്ടുണ്ട്.