അമ്പിളി ദേവി അമ്മയായി; ഇരട്ടി സന്തോഷം പങ്കിട്ട് ആദിത്യൻ!

നടി അമ്പിളീദേവി അമ്മയായി; നടനും ഭർത്താവുമായ ആദിത്യനാണ് സന്തോഷം ഫേസ് ബുക്കിലൂടെ അറിയിച്ചത്. ഞങ്ങൾക്ക് ഒരു ആൺകുഞ്ഞു ജനിച്ചതായും അമ്പിളി സുഖമായി ഇരിക്കുന്നതായും ആദിത്യൻ പറയുന്നു.

എന്റെ വല്യച്ഛന്റെ മാസമാണ് നവംബർ. അമ്മേടെ നക്ഷത്രം കൂടിയതിനാൽ സന്തോഷം ഇരട്ടിച്ചു. പ്രാര്ഥിച്ചവരോടും സഹായിച്ചവരോടും നന്ദിയും ആദിത്യൻ പോസ്റ്റിലൂടെ
അറിയിച്ചു.


നിരവധിയാളുകളാണ് ഇരുവർക്കും ആശംസയുമായി എത്തുന്നത്. സന്തോഷത്തോടെയാണ് ഇരുവരുടെയും പുതിയ വിശേഷം ആരാധകർ ഏറ്റെടുത്തിരിക്കുന്നത്. എല്ലാവര്ക്കും ആദിത്യൻ നന്ദി അറിയിക്കുന്നുണ്ട്.

ജനുവരിയിൽ ആയിരുന്നു അമ്പിളിയും ആദിത്യനും തമ്മിലുള്ള വിവാഹം നടന്നത്.

സീത സീരിയലിൽ അഭിനയിച്ചു കൊണ്ടിരിക്കവെയാണ് താൻ അഭിനയത്തിൽ നിന്നും കുറച്ചു നാളത്തേക്ക് ഇടവേള എടുക്കുകയാണ് എന്നും അമ്മയാകാനുള്ള തയ്യാറെടുപ്പിലാണ് താനെന്നും അമ്പിളി ആരാധകരോട് പങ്ക് വയ്ക്കുന്നത്.