‘നിങ്ങളുടെ വീട്ടിലും ഭാര്യയും അമ്മയും ഇല്ലേ’ അപമാനിച്ച യുവാവിനെതിരെ ശാലു കുര്യൻ!

കുടുംബസദസ്സുകൾക്ക് പ്രിയപ്പെട്ട താരമാണ് ശാലു കുര്യൻ. വില്ലത്തിയായും കോമഡി താരമായും തിളങ്ങുന്ന ശാലു സോഷ്യൽ മീഡിയയിലൂടെ പങ്ക് വച്ച കുറിപ്പാണ് ഇപ്പോൾ വൈറൽ ആയിരിക്കുന്നത്. ശാലു സോഷ്യൽ മീഡിയയിലൂടെ പങ്ക് വച്ച ചിത്രത്തിന് മോശം കമന്റിട്ടതിനെ തുടർന്നാണ് ശാലു പ്രതികരണവുമായി രംഗത്ത് വന്നത്.

തന്റെ ചിത്രത്തിന് മോശം കമന്റിട്ട യുവാവിന്റെ ഫോട്ടോസഹിതമാണ് ശാലു പേജിൽ പോസ്റ്റ് ചെയ്തത് . സ്ത്രീകളെ ആദ്യം ബഹുമാനിക്കാന്‍ പഠിക്കണം. നിങ്ങളുടെ വീട്ടിലും ഭാര്യയും അമ്മയും ഇല്ലേയെന്നും താരം ചോദിക്കുന്നു. എന്നാൽ യുവാവ് പിന്നീട് കമന്റ് ഡിലീറ്റ് ചെയ്‌തെങ്കിലും അശ്ലീല കമന്റ് ചെയ്യുന്നവര്‍ക്കും മോശമായി ചിത്രീകരിച്ച് വീഡിയോ എടുത്ത് യൂ ട്യൂബിൽ ഹിറ്റ് അടിക്കുന്നവർക്കും താക്കീതുമായി ശാലു വീണ്ടും രംഗത്ത് എത്തിയതാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്.

ആർട്ടിസ്റ്റുകളുടെ പേജിലും ചിത്രങ്ങളിലും അശ്ലീലവും അനുചിതവുമായ അഭിപ്രായങ്ങൾ പോസ്റ്റുചെയ്യുന്ന ആളുകൾ അറിയുക ഇത് നിങ്ങളുടേതുപോലുള്ള ഒരു തൊഴിലാണെന്ന് മനസ്സിക്കുക. ടിവിയിലും സിനിമാ വ്യവസായത്തിലും ആയിരിക്കുന്നതിലൂടെ ഞങ്ങൾ ഞങ്ങളുടെ ധാർമ്മികതയിലും വിട്ടുവീഴ്ച ചെയ്യുന്നുണ്ടന്നു അർത്ഥമാക്കുന്നില്ല. ഞങ്ങളെ കുറിച്ച് നിങ്ങൾ ധാരാളം വ്യാജ കഥകൾ കേൾക്കുന്നുണ്ടാകാം അവയൊന്നും ഗൗരവമായി എടുക്കുക്കേണ്ടതില്ലെന്നും അവയിൽ മിക്കതും നുണ പ്രചാരണങ്ങൾ മാത്രമാണെന്നും ശാലു പറയുന്നു. മാത്രമല്ല എല്ലാ കലാകാരികൾക്കും സ്ത്രീകൾക്കും വേണ്ടിയാണ് താൻ ഇപ്പോൾ പ്രതികരിച്ചതെന്നും ശാലു പോസ്റ്റിലൂടെ വ്യക്തമാക്കി.

ALSO READ: ജീവിതത്തിൽ എല്ലാം നഷ്ട്ടപെട്ടു എന്ന് തോന്നിയ നിമിഷത്തെ പറ്റി സീരിയൽ താരം വീണ നായർ!

കേസ് രജിസ്റ്റർ ചെയ്യപ്പെട്ടിട്ടുണ്ടെന്നും അതിനാൽ ഫലം വരുന്നതുവരെ കാത്തിരിക്കാനും , നിങ്ങൾ ലോകത്തിന്റെ ഏത് ഭാഗത്തു ആണ് പ്രവർത്തിക്കുന്നതെങ്കിലും നിങ്ങളെ വളരെ എളുപ്പം സൈബർ പോലീസ് കണ്ടുപിടിക്കുമെന്നും താരം അറിയിച്ചു.

സോഷ്യൽ മീഡിയ വളരെ ശക്തവും ഇരുതല മൂർച്ചയുള്ള വാള് കൂടിയാണ്. സ്ത്രീകളെ കുറിച്ച് മോശം വാക്കുകൾ, ചിത്രങ്ങൾ, വീഡിയോകൾ എന്നിവ പോസ്റ്റുചെയ്യുന്നതിന് മുൻപ് ഭവിഷ്യത്തുകളെ പറ്റി ചിന്തിക്കാനും ശാലു ആവശ്യപ്പെട്ടു.

നിങ്ങൾ പിന്നീട് പോസ്റ്റ് ചെയ്ത കാര്യങ്ങൾ ഇല്ലാതാക്കുകയാണെങ്കിൽപ്പോലും, പോസ്റ്റുചെയ്ത ആളെ കണ്ടെത്താനും അത് തിരികെ നേടാനും ഒരു കേസ് ഫ്രെയിം ചെയ്യാനും പോലീസിന് സാധിക്കുമെന്നും ശാലു വ്യക്തമാക്കി. അറസ്റ്റുചെയ്തുകഴിഞ്ഞാൽ ക്ഷമിക്കണം എന്ന് പറഞ്ഞാലോ കരഞ്ഞിട്ടോ കാര്യം ഇല്ലെന്നും ശാലു പോസ്റ്റിലൂടെ പറയുന്നു. നിരവധിയാളുകളാണ് ശാലുവിന് പിന്തുണ അറിയിച്ച് രംഗത്ത് വരുന്നത്.

ALSO WATCH THIS VIDEO