'സൗഭാഗ്യയെ അർജുന് അല്ലാതെ ലോകത്ത് വേറാർക്കും കൊടുക്കില്ല'; നിറകണ്ണോടെ താര!

താര ദമ്പതികളായ താര കല്യാണിന്റെയും- രാജാറാമിന്റെയും മകളാണ് സൗഭാഗ്യ വെങ്കിടേഷ്. ഒരു സിനിമയിലോ സീരിയലിലോ അഭിനയിച്ചിട്ടില്ലെങ്കിലും, ടിക് ടോക് ആപ്പിലൂടെ മലയാളികളുടെ പ്രിയങ്കരിയായി മാറിയ താരം കൂടിയാണ് സൗഭാഗ്യ. താരത്തിന്റെ ഒപ്പം നൃത്ത വേദികളിലും, ടിക് ടോക് വീഡിയോകളിലൂടെയും പരിചിതനായ അർജുനാണ് സൗഭാഗ്യയെ സ്വന്തം ആക്കുന്നത്.

ALSO READ: സൗഭാഗ്യ-അ‍ർജുൻ വിവാഹമാമാങ്കം തുടങ്ങി; കൂടുതൽ ചിത്രങ്ങൾ കാണാം

സൗഹൃദം പ്രണയമായി മാറിയപ്പോൾ, ഇരുവരുടെയും വിവാഹത്തിന് സന്തോഷത്തോടെ താൻ സമ്മതിച്ചത് തനിക്ക് അത്രയും ഇഷ്ടമാണ് അർജുനെയെന്ന് പറയുകയാണ് താര. വിവാഹ തലേന്ന് നടന്ന പാർട്ടിക്കിടെയാണ് താരം മകളെയും മരുമകനേയും പറ്റി ഇമോഷണൽ ആകുന്നത്.

" എനിക്ക് എന്റെ എല്ലാം എല്ലാം എന്റെ സൗഭാഗ്യയാണ്. ജീവാത്മാ, പരമാത്മാ, ആ സൗഭാഗ്യയെയാണ് ഞാൻ അർജുന് നൽകുന്നത്. അപ്പോൾ എനിക്ക് അർജുനെ എത്ര ഇഷ്ടം ആയിരിക്കണം. ഞാൻ ലോകത്ത് വേറെ ആർക്കും കൊടുക്കില്ല സൗഭാഗ്യയെ. പക്ഷെ ഞാൻ നിറഞ്ഞ മനസ്സോടെ, സന്തോഷത്തോടെ നൽകുകയാണ്. കാരണം, ഞാൻ മോൾടെ വിവാഹം ആദ്യം ചിന്തിക്കുമ്പോഴേ ആദ്യം വച്ചത് എന്റെ ഗുരുവായൂരപ്പന്റെ പാദങ്ങളിലാണ്. എല്ലാത്തിനും ശക്തിയായി നിന്നത് എന്നും എന്റെ ഭഗവാൻ തന്നെയാണ്. ഭഗവാൻ തന്നെ തീരുമാനിക്കട്ടെ, അങ്ങിനെ ഭഗവാൻ തീരുമാനിച്ച കല്യാണം ആണ് ഇത്. എനിക്ക് ദൈവം തന്ന സമ്മാനമാണ് അർജുനെന്നും താര പറയുന്നു.