മണ്ഡോദരി- ലോലിതൻ വിവാഹം; സത്യം തന്നെയോ; യാഥാര്‍ത്ഥ്യം

വര്ഷങ്ങളായി സിനിമ സീരിയലുകളിൽ നിറസാന്നിധ്യമായിരുന്ന മലയാളികളുടെ പ്രിയ ചിരി താരങ്ങൾ ജീവിതത്തിലും ഒന്നിക്കുന്നതിന്റെ ത്രില്ലിലാണ് പ്രേക്ഷകർ. വാർത്ത പുറത്തുവന്നപ്പോൾ മുതൽ പല വിധ അഭിപ്രായങ്ങൾ ആണ് ഉയർന്നു കേട്ടത്. മണ്ഡോദരി വിവാഹിതയല്ലേ? ലോലിതനുമായി വിവാഹമോ? ഇത് മാധ്യമങ്ങൾ റീച്ച് കൂട്ടാൻ നടത്തുന്ന പലവിധ കഥകളാണ്. എന്നുള്ള രീതിയിൽ സോഷ്യൽ മീഡിയയിൽ കമന്റുകൾ നിറഞ്ഞിരുന്നു.

വാർത്തകൾ പുറത്ത് വന്നിട്ട് രണ്ടു ദിവസങ്ങൾ കഴിഞ്ഞെങ്കിലും ഇതുവരെയും താരങ്ങൾ ഇരുവരും വിവാഹം സംബന്ധിച്ച് ഔദ്യോഗികമായ യാതൊരു സ്ഥിരീകരണം നൽകാഞ്ഞതും പ്രേക്ഷകരുടെ സംശയങ്ങൾ കൂട്ടിയിരുന്നു.പ്രേക്ഷകർ സ്നേഹയുടെയും ശ്രീകുമാറിന്റെയും ഫേസ്ബുക്ക് പേജുകളിൽ ഇത് സംബന്ധിച്ച് ചോദ്യങ്ങൾ ആരാഞ്ഞെങ്കിലും മറുപടി ഒന്നും ലഭിച്ചിരുന്നില്ല.

ഇരുവരോടും അടുത്ത വൃത്തങ്ങളുമായി ഞങ്ങൾ ബന്ധപ്പെടുകയുണ്ടായി, അപ്പോൾ ലഭിച്ച വിവരം അനുസരിച്ച് വിവാഹ വാർത്ത ശരി തന്നെയാണ്. ഡിസംബർ 11 ന് വളരെ ലളിതമായ ചടങ്ങുകളിലൂടെ ഇരുവരും വിവാഹിതരാകും. ഒരു പക്ഷെ വിവാഹത്തിനുശേഷമാകും ഇരുവരും മാധ്യമങ്ങളെ കാണുകയെന്നും അവർ സൂചന നൽകി.

ALSO READ: നുണകുഴി കവിളിൽ ചുന്ദരിയായ ഈ വാവ ഇന്ന് പ്രശസ്ത കോമഡി താരം; താരത്തിന്റെ തടി തന്നെയാണ് അഴക്! അഭിമുഖം വായിക്കാം

മറിമായം പരമ്പരയിലൂടെയാണ് മണ്ഡോദരിയും ലോലിതനുമായി എത്തി ഇരുവരും പ്രേക്ഷകര്‍ക്ക് പ്രിയങ്കരർ ആയി മാറിയത്. കഥകളിയും ഓട്ടന്‍തുള്ളലും അഭ്യസിച്ചിട്ടുള്ള സ്‌നേഹ അമേച്വര്‍ നാടകങ്ങളിലൂടെയാണ് സിനിമാ സീരിയൽ രംഗത്ത് എത്തിയത്

മറിമായത്തിലൂടെ നിരവധി അംഗീകാരങ്ങള്‍ നേടിയ ശ്രീകുമാർ ഉപ്പും മുളകും കുടുംബത്തിലെ കുട്ടികളുടെ കുട്ടുമാമ ആയി വന്നും പ്രേക്ഷകരുടെ ഇഷ്ടം നേടിയ താരമാണ്. 25 ഓളം സിനിമകളിലും ശ്രീകുമാര്‍ അഭിനയിച്ചിട്ടുണ്ട്. മെമ്മറീസ് എന്ന പൃഥ്വിരാജ് ചിത്രത്തിലെ ശ്രീകുമാറിന്റെ ശക്തമായ വില്ലന്‍ വേഷം ഏറെ പ്രശംസ നേടിയിരുന്നു.