'നിങ്ങളൊരു മുതിർന്ന സ്ത്രീയല്ലേ, വളർന്നുവരുന്ന യുവജനതയ്ക്ക് നിങ്ങളൊരു മോശം മാതൃകയായിക്കൂട!'; ദയയോട് ആരാധിക!

ബിഗ്ബോസ് മത്സരാർത്ഥിയായി എത്തിയതോടെ ജീവിതം മാറിയ വ്യക്തിയാണ് ദയ അശ്വതി. സോഷ്യൽ മീഡിയയിൽ വൈറലായി മാറിയ വീഡിയോകളിലൂടെ കുപ്രസിദ്ധയായ ദയ അശ്വതി പ്രശസ്തിയുടെ പടവുകൾ കയറിയത് ബിഗ്ബോസ് സീസൺ 2 മത്സരാർത്ഥിയായി എത്തിയ ശേഷമാണ്. ബിഗ്ബോസ് വീട്ടിലേക്ക് വൈൽഡ് കാർഡ് എൻട്രിയിലൂടെയെത്തിയ മത്സരാർത്ഥികളിൽ ഒരാളാണ് ദയ അശ്വതി. ബിഗ്ബോസ് ഷോ നിർത്തിയ ശേഷം പുറത്തിറങ്ങിയ ദയ അശ്വതി സോഷ്യൽ മീഡിയയിലെ നിറസാന്നിധ്യമാണ്.

Also Read: പ്ലാസുവിൻ്റെ പുത്തൻ കൂട്ടുകാരെ കണ്ടാൽ നിങ്ങൾ ഞെട്ടും!; വീഡിയോ കാണണ്ടേ?

ടിക്ടോക്ക് വീഡിയോകളും ഓൺവോയിസ് വീഡിയോകളുമൊക്കെയായി ആക്ടീവാണ് ദയ. ഇപ്പോൾ ദയ ടിക്ടോക് വീഡിയോകൾ കൊണ്ട് നിറയ്ക്കുകയാണ് തൻ്റെ ഇൻസ്റ്റാഗ്രാം. പല വിധത്തിലുള്ള ടിക് ടോക് വീഡിയോകൾ ദയ ആരാധകരുമായി പങ്കുവെക്കുകയാണ്. അതിനിടെ ദയയുടെ ഒരു ടിക് ടോക് വീഡിയോയ്ക്ക് താഴെ വന്ന ഒരു കമൻ്റ് ഏറെ ശ്രദ്ധ ആകർഷിക്കുകയാണ് ഇപ്പോൾ. ഗായു എന്ന് പേരുള്ള ഒരാളാണ് കമൻ്റിന് പിന്നിൽ.

Also Read: ഉത്രയുടെ കൊലപാതകത്തിൽ പ്രതികരിച്ച് അശ്വതി; 'എന്റെ പെങ്ങളും ഇങ്ങനെ ചിന്തിച്ചിരുന്നെങ്കിൽ ഇന്ന് ജീവിച്ചിരുന്നേനെ' എന്ന് കമൻ്റ്!; ചർച്ച!

ഇംഗ്ലീഷിൽ കുറിച്ചിരിക്കുന്ന ആ കമൻ്റ് ഇങ്ങനെയാണ്. താങ്കളുടെ വസ്ത്രധാരണ ശൈലിയിൽ ഏറെ ശ്രദ്ധ പുലർത്തേണ്ടിയിരിക്കുന്നു. അത് ഒരു തരത്തിൽ നോക്കിയാൽ നിങ്ങളുടെ മാത്രം കാര്യമാണ്, നിങ്ങളുടെ ഇഷ്ടം ഒക്കെയാണ്. പക്ഷേ അത് സോഷ്യൽ മീഡിയകളിൽ പോസ്റ്റ് ചെയ്യുമ്പോൾ അതിൽ കുറച്ചുകൂടി ശ്രദ്ധിക്കേണ്ടതുണ്ട്. നിങ്ങളൊരു മുതിർന്ന സ്ത്രീയല്ലേ, വളർന്നുവരുന്ന യുവജനതയ്ക്ക് നിങ്ങളൊരു മോശം മാതൃകയായിക്കൂട. എങ്കിലും നിങ്ങളുടെ ജീവിതം എങ്ങനെ സന്തോഷകരമായി ജീവിക്കണമെന്ന് തീരുമാനിക്കാനുള്ള എല്ലാ സ്വാതന്ത്ര്യവുമുണ്ട്. ഗായു കുറിച്ചു.

Also Read: 'കുത്തിത്തിരിപ്പല്ല, പരിശുദ്ധമായ പള്ളിയിൽ വെച്ച് വിശുദ്ധ കന്യാമറിയം എങ്ങനപ്പാ ഗർഭം ധരിച്ചു?'; സംശയവുമായി ജെസ്ല!: പൊങ്കാല ഇരന്നു വാങ്ങിയതെന്ന് ആരാധകർ!

ഈ കമൻ്റിന് താഴെ ദയയെ പരിഹസിച്ചുകൊണ്ട് കമൻ്റിടുന്നവരും കുറവല്ല. ദയയ്ക്ക് ഇംഗ്ലീഷ് പരിജ്ഞാനമില്ലെന്നും ഇത് വായിച്ച് മനസിലാക്കാൻ അവർക്ക് സാധിക്കില്ലെന്നും ചിലർ ചൂണ്ടിക്കാട്ടുന്നു. ബിഗ്ബോസ് വീട്ടിൽ വെച്ച് നടന്ന ഒരു സംഭവത്തെ ആസ്പദമാക്കിയാണ് ചിലർ ഇക്കാര്യം വ്യക്തമാക്കുന്നത്. ബിഗ്ബോസ് വീട്ടിലെ ഒരു ടാസ്ക് മറ്റു മത്സരാർത്ഥികളെ വായിച്ചറിയിക്കാനായി ബിഗ്ബോസ് ചുമതലപ്പെടുത്തിയത് ദയയെ ആയിരുന്നു. എന്നാൽ അതിൽ നിറയെ ഇംഗ്ലീഷ് വാക്കുകൾ കടന്നു വരുന്നതിനാൽ തനിക്ക് വായിക്കാനാവില്ല എന്ന് ചൂണ്ടിക്കാട്ടി ദൌത്യം മറ്റൊരു മത്സരാർത്ഥിയായിരുന്ന ആര്യയെ ഏൽപ്പിച്ചിരുന്നു.