തന്റെ ചെറിയ ലോകം; സ്നേഹമാണ് പ്രധാനമെന്നും റോഹിത്; ആര്യ മകളെ ഏൽപ്പിച്ച കൈകൾ മനോഹരം!

അവതാരക, നടി, ഇപ്പോൾ ബിഗ് ബോസ് താരം അങ്ങനെ ആര്യയെ കുറിച്ച് പറയാൻ ഒരുപാട് വിശേഷണങ്ങൾ വേണ്ടി വരും. ഇംഗ്ളീഷ് കലർത്തി, മലയാളം നല്ല വ്യക്തമായി സംസാരിക്കുന്ന ആര്യയെ ചുരുങ്ങിയ സമയം കൊണ്ടാണ് പ്രേക്ഷകർ നെഞ്ചേറ്റിയത്.


താരത്തെ പോലെ തന്നെ താരത്തിന്റെ മകൾ കുഞ്ഞു റോയയും പ്രേക്ഷകരുടെ പ്രിയങ്കരിയാണ്. അമ്മ ആര്യയും ഒരുമിച്ചുള്ള ചിത്രങ്ങൾക്ക് നിറഞ്ഞ കൈയ്യടിയാണ് സോഷ്യൽ മീഡിയ നൽകിയത്

ബിഗ് ബോസിൽ ആര്യ പങ്കെടുക്കാൻ എത്തിയപ്പോഴും ഖുശി എന്ന് വിളിക്കുന്ന റോയ താരമായി. വേദിയിലേക്ക് മോഹൻലാൽ റോയയെ വിളിച്ചുവരുത്തുകയും സമ്മാനപ്പൊതി നൽകിയാണ് പറഞ്ഞയക്കുകയും ചെയ്തത്. മകളുടെ പിന്തുണ ഇല്ലാതെ തനിക്ക് ഇവിടെ വരാൻ ആകില്ലായിരുന്നുവെന്നും ആര്യ വേദിയിൽ വച്ച് പറയുകയും ചെയ്തിരുന്നു.



കഴിഞ്ഞ ദിവസമായിരുന്നു റോയയുടെ പിറന്നാൾ. മകളുടെ പിറന്നാൾ ദിനം ആഘോഷിക്കാൻ പറ്റാഞ്ഞതിന്റെ സങ്കടം ആര്യ പങ്ക് വച്ചത് നമ്മൾ കണ്ടതാണ്. എന്നാൽ ആര്യ വിചാരിച്ചതിലും മനോഹരമായിട്ടാണ് റോയയുടെ അച്ഛനും അപ്പച്ചി അർച്ചനയും ചേർന്ന് കുടുംബവും ഒത്ത് പിറന്നാൾ അടിച്ചുപൊളിച്ചത്.

ALSO READ: ആര്യയുടെ കുറവ് നികത്തി; ഖുശിയുടെ പിറന്നാൾ ആഘോഷമാക്കി അച്ഛനും അപ്പച്ചിയും!

അർച്ചന പങ്ക് വച്ച ചിത്രങ്ങൾക്ക് പുറമെ റോഹിത് മകളും ഒത്തുള്ള ഒരുപാട് ചിത്രങ്ങൾ സോഷ്യൽ മീഡിയയിലൂടെ പങ്കിട്ടു. എന്റെ ചെറിയ ലോകം,സ്നേഹമാണ് പ്രധാനം തുടങ്ങിയ ക്യാപ്‌ഷനുകളിലൂടെയാണ് ചിത്രം സോഷ്യൽ മീഡിയയിൽ വൈറൽ ആയിരിക്കുന്നത്.


അർച്ചനയ്ക്ക് പുറമെ കുഞ്ഞു റോയയുടെ പിറന്നാളിൽ അപ്പൂപ്പനും, അമ്മൂമ്മയും പങ്ക് ചേർന്നിരുന്നു. നിരവധിയാളുകളാണ് റോഹിത്- റോയ ചിത്രങ്ങൾക്ക് പ്രതികരണവുമായി എത്തുന്നത്. അതേ സമയം ബിഗ് ബോസിൽ എത്തും മുൻപ് മകളെ സുരക്ഷിതവും മനോഹരവുമായ കൈകളിൽ തന്നെയാണ് ആര്യ ഏൽപ്പിച്ചു പോയതെന്ന അഭിപ്രായവും പ്രേക്ഷകർ പറയുന്നുണ്ട്.