ഓള് സാഡിസ്റ്റും സൈക്കോയും; ലക്ഷ്യം മറ്റൊന്ന്; ശ്രീയ അയ്യർ വിഷയത്തിൽ ബഷീർ ബഷി!

ജോഷ് ടോക്കിലൂടെ ആയിരുന്നു ശ്രീയ തുറന്നു പറച്ചിൽ നടത്തിയത്. ശ്രീയയുടെ വാക്കുകൾ വൈറൽ ആയതിനു പിന്നാലെ ബഷീറിനെ അനുകൂലിച്ചും പ്രതികൂലിച്ചും നിരവധി ആളുകൾ രംഗത്ത് വന്നിരുന്നു. ആട്ടിൻ തോലിട്ട ചെന്നായ ആണ് ബഷീർ എന്നും ചിലർ ആരോപിച്ചിരുന്നു. ഇപ്പോൾ ഇതിനെതിരെയാണ് ബഷീർ രംഗത്ത് വന്നിരിക്കുന്നത്.

ഫേസ്ബുക്കിലൂടെ പരിചയപെട്ട ബന്ധമാണ് എനിക്കും സുഹാനയ്ക്കും ശ്രീയയുമായി ഉണ്ടായിരുന്നത് എന്ന് പറഞ്ഞുകൊണ്ടാണ് ബഷീർ വീഡിയോ പങ്ക് വച്ചിരിക്കുന്നത്. പിന്നീട് ഒരിക്കൽ വീട് വിട്ടിറിങ്ങി ശ്രീയ വന്നു എന്നും സഹായിക്കണം എന്നുപറഞ്ഞുള്ള ഫോൺ വിളി ആണ് തങ്ങൾക്ക് വിന ആയതെന്നും ബഷീർ പറഞ്ഞു. പിന്നീട് വീട്ടിലേക്ക് കൊണ്ടുപോരേണ്ടി വന്നതായും, കുറെ ദിവസങ്ങൾ ഞങ്ങൾക്ക് ഒപ്പം അവർ കഴിഞ്ഞതാണ്. ഞാനും സുഹാനയും അവളുടെ അഭിനയത്തിൽ വീണു പോവുകയായിരുന്നതായും ബഷീർ വ്യക്തമാക്കി.

കുറേദിവസം ഇവളെ കാണാതെ ആയപ്പോൾ അവളുടെ വീട്ടുകാർ കേസ് കൊടുത്തുവെന്നും, എന്നാൽ പ്രശ്‌നം ഓവർ ആയപ്പോൾ ഇവൾ വീട്ടുകാർക്കെതിരെ കംപ്ലിയിൻറ് പേപ്പർ ഹൈക്കോടതിയിൽ നൽകി. എന്നാൽ പിന്നീടും വീട്ടുകാർ അടങ്ങുന്ന സാഹചര്യം ഉണ്ടാകാതെ ആയപ്പോഴാണ് തലയിൽ തട്ടമിട്ടും ചാനൽ പരിപാടിയിൽ എന്നെ കൂടി പങ്കെടുപ്പിച്ചുകൊണ്ടും രംഗത്ത് വന്നത്. അതു വീട്ടുകാരെ കാണിക്കാൻ വേണ്ടി മാത്രമാണ് എന്ന് അവൾ കരഞ്ഞു കാല് പിടിച്ചതുകൊണ്ടാണ് ഞാൻ സമ്മതിച്ചതെന്നും, സത്യത്തിൽ ഞാനും സുഹാനയും ട്രാപ്പിൽ ആവുക ആയിരുന്നതായും ബഷീർ വ്യക്തമാക്കി. ടിവി ഷോയിൽ വന്നതിനെത്തുടർന്ന് എന്റെയും സുഹാനയുടെയും വീട്ടിൽ വലിയ ഇഷ്യൂ ആയെന്നും ബഷീർ പറയുന്നു.

ചാനൽ ഷോയിൽ ഒക്കെ പങ്കെടുത്ത ശേഷം എന്റെ വീട്ടിൽ ഇരുന്നു അവൾ എന്നെ പ്രൊപ്പോസ് ചെയ്തു. പക്ഷെ അത് ശരിയാകില്ല എന്ന് പറഞ്ഞപ്പോൾ പിന്നെ പലവിധ ആക്ടിങ് ആണ് അവർ നടത്തിയത്. യൂട്രസിൽ കാൻസർ ആണെന്ന് വരെ പറഞ്ഞുണ്ടാക്കി. അധിക കാലം ഇനി ജീവിച്ചിരിക്കില്ലെന്നും പറഞ്ഞുകൊണ്ട് കുറെ ഗുളികകൾ എന്നെ കാണിച്ചു. എനിക്ക് അത്രവലിയ ബുദ്ധി ഒന്നും ഇല്ലാതിരുന്നത് കൊണ്ട് ഞാൻ അത് വിശ്വസിച്ചു. എന്നാൽ പിന്നീട് അവരുടെ ആറ്റിട്യൂട് മാറി തുടങ്ങി. സുഹാനയോടും മോളോടും വളരെ മോശമായി പെരുമാറാൻ തുടങ്ങി. വീട്ടിൽ നിന്നും മൂന്നും നാലും ദിവസം മാറി നിൽക്കും, ചോദ്യം ചെയ്‌താൽ ആകെ സൈക്കോ ആകും. സൈക്കോ മാത്രം അല്ല സാഡിസ്റ്റ് കൂടിയാണ് അവൾ.

ഇവൾക്ക് പലരുമായി ബന്ധങ്ങൾ ഉണ്ടെന്നു പിന്നീട് ആണ് എനിക്ക് മനസിലായത്. പാതി രാത്രിയിൽ ആണ് ആരുടെയൊക്കെയോ കൂടെ വീട്ടിൽ വരാൻ തുടങ്ങിയത്. അങ്ങനെ ഒരു ദിവസം വലിയ വിഷയം ഉണ്ടാക്കി ഇറങ്ങി പോയി. പ്രോഗ്രാം പ്രൊഡ്യൂസറുമായി പിന്നീട് ഉണ്ടായ ലിവിങ് ടുഗെദറിനെക്കുറിച്ചും ഞാൻ അറിഞ്ഞു. പിന്നീട് അതും തീർന്ന് തിരുവനന്തപുരത്തേക്ക് പോയി. ഒന്ന് രണ്ടുവർഷം ഒരു വിവരവും ഉണ്ടായില്ല. പിന്നെ മകൻ ജനിച്ചപ്പോൾ വിഷ് ചെയ്യാൻ വിളി വന്നു. അപ്പോഴാണ് കല്യാണം കഴിഞ്ഞ വിവരം പറയുന്നത്. എന്നാൽ അതും സന്തോഷത്തോടെയുള്ള ജീവിതം അല്ലെന്നും അവർ എന്നോട് പറഞ്ഞു. എന്നാൽ അത് ഭാവിയിൽ എനിക്ക് ദോഷം ആകും എന്നുള്ളത് കൊണ്ട് ഞാൻ ബ്ലോക്ക് ചെയ്തു. അത് അവർക്ക് സ്വാഭാവികമായും ദേഷ്യം ഉണ്ടാക്കി കാണും. പിന്നീടാണ് ഞാൻ മഷൂറയുമായി വിവാഹിതൻ ആകുന്നതും ബിഗ് ബോസിൽ എത്തുന്നതും.

ബിഗ് ബോസിൽ ഞാൻ എത്തിയപ്പോൾ, എനിക്കെതിരെ പൈസ ഇറക്കി അവർ കളിച്ചു. എല്ലാത്തിനും ഒടുക്കം ബ്ളാക് മെയിൽ ചെയ്തുകൊണ്ട് ഒരു കാൾ വന്നു. പൈസ കൊടുത്തില്ലെങ്കിൽ കേസ് കൊടുക്കും എന്ന് പറഞ്ഞു. കാശ് കൊടുക്കില്ലെന്ന് മനസിലായപ്പോൾ പോയതാണ് പിന്നെ വലിയ വിവരം ഒന്നും ഉണ്ടായില്ല. അതിന്റെ ഇടക്ക് അവരുടെ വിവാഹം ഒഴിഞ്ഞതായും, പുതിയ ഒരു ജിമ്മൻ ആയി ബന്ധം ഉണ്ടായതായും അറിഞ്ഞു. പിന്നെ ഇപ്പോഴാണ് പുതിയ അടവുമായി വരുന്നത്. അത് എനിക്കെതിരെ ആളുകളെ തിരിക്കാൻ വേണ്ടിയാണ്. മാത്രമല്ല പുതിയ യൂ ട്യൂബ് ചാനലിന് റീച്ച് കിട്ടാനും, സോഷ്യൽ മീഡിയയിൽ താരം ആകാനും വേണ്ടി മാത്രമാണ്. അങ്ങനെ വൈറൽ ആയാൽ, അടുത്ത ബിഗ് ബോസിലേക്ക് എടുത്തിടും. അത് മാത്രമാണ് ഇതിന്റെ ഒക്കെ പിന്നിലെന്നും ബഷീർ പറയുന്നു.