എലീനയും,ഫുക്രുവും ജീവിതത്തിന്റെ ഭാഗം; അവരെ രണ്ടുപേരെയും വേണമെന്ന് ആര്യ!

ബിഗ് ബോസിൽ നിന്നും ഇറങ്ങിയ ശേഷവും ചില താരങ്ങൾ ആ വീടിന്റെ ഹാങ്ങോവറിലാണ്. ഇണക്കങ്ങളും, പിണക്കങ്ങളും, സന്തോഷവും സങ്കടവും എല്ലാം കൂടി ഒത്തിണങ്ങിയ 74 ദിനങ്ങൾ പൂർത്തീകരിച്ച ശേഷമാണ് ആര്യ ഉൾപ്പെടെയുള്ള ഒൻപതു താരങ്ങൾ ബിഗ് ബോസ് വീടിന്റെ പടിയിറങ്ങുന്നത്. ബിഗ് ബോസ് വീട്ടിൽ നിന്നും ഇറങ്ങിയ പാടെ തന്നെ, രാജ്യത്ത് ലോക് ഡൌൺ കൂടി പ്രഖ്യാപിച്ചതോടെ സ്വന്തം വീടുകളിൽ തന്നെയാണ് താരങ്ങളും. അതുകൊണ്ട് തന്നെ ബിഗ് ബോസ് വീടിനു സമാനമായ സാഹചര്യമാണ് നിലനിൽക്കുന്നതെന്ന് മിക്ക താരങ്ങളും അഭിപ്രായപ്പെടുന്നു.

ALSO READ: കൊറോണയിൽ നിന്നും എന്റെ കുഞ്ഞിനെ രക്ഷിക്കാനുള്ള ത്രാണിയെനിക്കുണ്ട്; റോബിന് ചുട്ടമറുപടിയുമായി ആര്യ

സോഷ്യൽ മീഡിയയിൽ സജീവമായ ആര്യയും മകളും കൂടി കഴിഞ്ഞ ദിവസം ഇൻസ്റ്റയിലൂടെ ആരാധകരുമായി സംവദിച്ചിരുന്നു. ആരാധകരുടെ സംശയങ്ങൾക്ക് മറുപടി നൽകുകയാണ് ഇരുവരും. ഇതിന്റെ ഇടയിലാണ് ചില ബിഗ് ബോസ് വിശേഷങ്ങൾ ആര്യ പങ്കിട്ടത്. ഒപ്പം ബിഗ് ബോസിൽ അമ്മ അല്ലാതെ ഖുശി കുട്ടിയ്ക്ക് ആരെയാണ് ഇഷ്ടമെന്നും പങ്കിടുന്നുണ്ട്.

ആരെ തിരഞ്ഞെടുക്കും ഫുക്രുവിനേയോ എലീനയെയോ , എന്ന ആരാധകന്റെ ചോദ്യത്തിന് മറുപടി നൽകിയപ്പോഴാണ് എലീനയും ഫുക്രുവും തന്റെ ജീവിതത്തിന്റെ ഭാഗം ആണെന്നും, ഇരുവരെയും തനിക്ക് വേണം എന്നും ആര്യ പറയുന്നത്. മാത്രമല്ല അമ്മ അല്ലാതെ ആരെയായിരുന്നു ബിഗ് ബോസ് വീട്ടിൽ ഇഷ്ടമെന്ന ചോദ്യത്തിന് ഫുക്രു എന്നാണ് ഖുശി മറുപടി നല്കിയത്.