മഞ്ജു അല്ലെങ്കിൽ പിന്നെ ആര് പുതിയ പോസ്റ്റ് എഴുതി; താരത്തിന്റെ ഫേസ്ബുക്ക് പോസ്റ്റ് ചർച്ചയാകുന്നു!

മലയാളം ബിഗ് ബോസ് താരങ്ങളിൽ പ്രേക്ഷകർ ഏറെ ഇഷ്ടപെടുന്ന ഒരു മത്സരാർഥിയാണ് മഞ്ജു പത്രോസ്. താരത്തിനോട് ഉള്ള ഇഷ്ടം ഒരു റിയാലിറ്റി ഷോ മുതൽ ഇങ്ങോട്ട് അളിയൻ വേഴ്‌സസ് അളിയൻ വരെ എത്തി നിൽക്കുകയാണ്. ഒട്ടനവധി സിനിമകളിലും യു ട്യൂബ് ചാനലിലും തിളങ്ങി നിന്നപ്പോഴാണ് മഞ്ജു പത്രോസ് ബിഗ് ബോസ് തറവാട്ടിലേക്ക് മത്സരത്തിനായി പോകുന്നത്. നൂറു ദിവസം പുറം ലോകവുമായി യാതൊരു ബന്ധവും ബിഗ് ബോസിലെ മത്സരാർത്ഥികൾക്ക് ഉണ്ടാവുകയില്ല. ഉണരുന്നതും ഉറങ്ങുന്നതും ക്യാമറ കണ്ണുകളുടെ മുൻപിൽ ആയതുകൊണ്ടും, എഴുതി പിടിപ്പിച്ച സ്ക്രിപ്റ്റ് അല്ലാത്തതുകൊണ്ടും ഷോയിൽ പങ്കെടുക്കുന്ന മത്സരാർത്ഥികളെ ഒട്ടുമിക്ക പ്രേക്ഷകരും പിന്തുടരും.

ഇപ്പോൾ കുറച്ചു മണിക്കൂറുകൾക്ക് മുൻപ് ബിഗ് ബോസിൽ പങ്കെടുക്കാൻ പോയ മഞ്ജുവിന്റെ പേജിൽ പ്രത്യക്ഷപ്പെട്ട പോസ്റ്റ് ആണ് സോഷ്യൽ മീഡിയയിൽ ചർച്ച ആകുന്നത്. ബിഗ് ബോസിലെ താരങ്ങൾക്ക് ഫോണിന്റെ ഉപയോഗം പാടില്ലെന്ന് പറഞ്ഞിട്ട് താരത്തിന്റെ എഫ് ബി പേജിൽ എങ്ങിനെ അപ്‌ഡേഷൻ നടക്കുന്നു എന്നതാണ് ആരാധകരുടെ സംശയം. കഴിഞ്ഞ ദിവസം താരം പാട്ടു പാടുകയും ഡാൻസ് കളിക്കുകയും ചെയ്ത രംഗങ്ങൾ ബിഗ് ബോസിൽ നിറഞ്ഞിരുന്നു. ഇതിനെ പറ്റി താരത്തിന്റെ ആരാധിക എഴുതിയ കുറിപ്പാണു ചർച്ചയ്ക്ക് ഇടയാക്കിയത്.

READ ALSO:Bigg Boss Malayalam 2: കണ്ണീരിന്റെ ഉപ്പ് കലർന്ന ജീവിത കഥയുമായി മഞ്ജു; ഷോയിലേക്ക് എത്താൻ കാരണമിത്!

ആരാധകരുടെ സംശയങ്ങൾക്ക് ഉടൻ തന്നെ മഞ്ജുവിന്റെ അക്കൗണ്ടിൽ നിന്നും മറുപടിയും വന്നു. പേജ് നോക്കാൻ മഞ്ജു തന്നെ ഏർപ്പെടുത്തിയിരിക്കുകയാണെന്നും, മഞ്ജുവിന്റെ സുഹൃത്ത് ആണ് താൻ എന്ന് സ്വയം പരിചയപെടുത്തിക്കൊണ്ടാണ് മറുപടി എത്തിയത്. എല്ലാവരുടെയും സപ്പോർട്ട് മഞ്ജുവിന് ഉണ്ടാകണമെന്നും ഫ്രണ്ട് പോസ്റ്റിലൂടെ വ്യക്തമാക്കി.

അതേസമയം പ്രേക്ഷകരുടെ സംശയം അവിടെ കൊണ്ടും തീർന്നില്ല. , മഞ്ജു സുനിച്ചനും മഞ്ജു പത്രോസും ഒരാൾ ആണോ എന്നും ചില ആളുകൾ സംശയം ഉന്നയിച്ചു .രണ്ട് ആളല്ല ഒരാൾ ആണ് അതെന്നും പത്രോസ് മഞ്ജുവിന്റെ അച്ഛനും, സുനിച്ചൻ മഞ്ജുവിന്റെ ഭർത്താവും ആണെന്നാണ് ലഭിച്ച മറുപടി. എന്തായാലും മഞ്ജുവിനെ കുറിച്ച് സുഹൃത്ത് എഴുതിയ പോസ്റ്റ് ഇതിനോടകം തന്നെ വൈറൽ ആയി കഴിഞ്ഞു. ഒപ്പം മഞ്ജുവിന്റെ സുഹൃത്തും.