മോഹൻലാലിൻറെ കാലിൽ തൊട്ട് വണങ്ങാതെ ആ രണ്ട് പേർ; ആവശ്യപ്പെട്ടത് ഒന്ന് മാത്രം!

ബിഗ് ബോസ് രണ്ടാം സീസണിന്റെ കൊട്ടി കലാശം കഴിഞ്ഞ ദിവസമായിരുന്നു നടന്നത്. കെട്ടിലും മട്ടിലും മാറ്റങ്ങൾ വരുത്തി കൊണ്ട് ആരംഭിച്ച പുതിയ സീസൺ 75 ദിനങ്ങൾ പിന്നിട്ട ശേഷമാണ് അവസാനിക്കുന്നത്. കൊറോണ ലോകം മുഴുവനും ഭീഷണി ആയി നിലനിൽക്കുന്ന സാഹചര്യത്തിലാണ് ബിഗ് ബോസ് നിർമ്മാതാക്കളായ എൻഡമോൾ ഷൈൻ ഇന്ത്യ ബിഗ് ബോസ് സംപ്രേക്ഷണം നിർത്തി വയ്ക്കുന്നതായി അറിയിച്ചത്. ഇതിനു പിന്നാലെ ഷോ സംപ്രേക്ഷണം ചെയുന്ന ചാനലും വിവരം ഔദ്യോഗികമായി പ്രഖ്യാപിച്ചു.

ഷോ നിർത്തുന്ന വിവരം മോഹൻലാൽ ബിഗ് ബോസ് വീട്ടിൽ എത്തിയാണ് അറിയിച്ചത്. നിങ്ങളെ നേരിട്ട് കണ്ട് വിവരം അറിയിക്കാൻ ആണ് എത്തിയതെന്നും, തന്റെ ഉത്തരവാദിത്വം ആണ് ഇതെന്നും പറഞ്ഞ ശേഷമാണു മോഹൻലാൽ വിവരങ്ങൾ പറയുന്നത്. നിങ്ങൾ എല്ലാവരും വിജയികളാണ് എന്ന് പറഞ്ഞ ശേഷം മൊമെന്റോകൾ എല്ലാവർക്കുമായി ലാലേട്ടൻ വിതരണവും ചെയ്തു.

ALSO READ: കളികൾ വേറെ ലെവലെന്ന് അഭി; ഇതെന്നാ പിള്ളേര് കളിയാണോയെന്ന് ആര്യയും; ബിഗ് ബോസിന് ശേഷം പ്രതികരണം!

മോഹൻലാൽ വീട്ടിലേക്ക് എത്തിയപാടെ കാലിൽ തൊട്ട് തൊഴുതാണ് ഒട്ടുമിക്ക മത്സരാർത്ഥികളും അദ്ദേഹത്തെ സ്വീകരിക്കുന്നത്. പിന്നീട് ചായയും മറ്റും നൽകുന്നതും കാണാൻ സാധിക്കും. അതേസമയം മൊമെന്റോ കൈമാറുന്ന ചടങ്ങിൽ മോഹൻലാലിന്റെ കാലിൽ തൊട്ട് വണങ്ങിയ ശേഷമാണ് എല്ലാവരും അത് സ്വീകരിക്കുന്നത്. രഘുവും സുജോയും ഒഴികെ ഉള്ളവർ എല്ലാം ഇപ്രകാരം ചെയ്ത ശേഷമാണ് ഉപഹാരം ഏറ്റുവാങ്ങിയത്. " ഞാൻ ഒന്ന് ഹഗ് ചെയ്തോട്ടെ" എന്ന് ചോദിച്ചുകൊണ്ടാണ് രഘു ഉപഹാരം സ്വീകരിച്ചത്. സുജോയും മോഹൻലാലിനെ കെട്ടിപിടിച്ച ശേഷമാണ് ഉപഹാരം വാങ്ങിയത്.