കളികൾ വേറെ ലെവലെന്ന് അഭി; ഇതെന്നാ പിള്ളേര് കളിയാണോയെന്ന് ആര്യയും; ബിഗ് ബോസിന് ശേഷം പ്രതികരണം!

ബിഗ് ബോസ് മത്സരാർത്ഥികളായ അഭിരാമിയും അമൃതയും ആര്യയും തമ്മിൽ വീടിനുളിൽ മിക്കപ്പോഴും തർക്കങ്ങൾ ഉണ്ടാവുക പതിവായിരുന്നു. ഇരു ഗ്രൂപ്പുകളായി തിരിഞ്ഞു നടന്ന മത്സരത്തിൽ ഒരിക്കൽ പോലും ഇരുകൂട്ടരും സ്നേഹത്തോടെ പെരുമാറുന്ന കാഴ്ച പ്രേക്ഷകർ കണ്ടിരുന്നില്ല. എന്നാൽ കഴിഞ്ഞ ദിവസം ബിഗ് ബോസ് അവസാനിച്ചതോടു കൂടി, പരസ്പരം വിയോജിപ്പുണ്ടായിരുന്നവർ കെട്ടിപിടിച്ചു സ്നേഹം പങ്കിട്ട ശേഷമാണു പിരിഞ്ഞത്.

ബിഗ് ബോസ് വീടിനുള്ളിൽ എത്തും മുന്നേ തന്നെ ഇരു കൂട്ടരും തമ്മിൽ മുൻപരിചയം ഉണ്ടായിരുന്നു. ബിഗ് ബോസിൽ നിന്നും ഇറങ്ങിയ ശേഷം അഭിരാമി പങ്ക് വച്ച ഒരു പോസ്റ്റും അതിന് ആര്യ നൽകിയ മറുപടിയുമാണ് ഇപ്പോൾ ആരാധകർ ഏറ്റെടുത്തിരിക്കുന്നത്.

ALSO READ: ആര്യയുടെ ജാൻ നിങ്ങളാണോ; സൈബർ അറ്റാക്ക് നേരിട്ട് ശ്രീകാന്ത് മുരളി!

കൊറോണ നിർദ്ദേശം പാലിക്കുന്നതും, ഒപ്പം പിന്തുണച്ചവർക്ക് നന്ദിയും അറിയിച്ചു കൊണ്ടാണ് അഭിരാമി രംഗത്ത് വന്നത്. അഭിയുടെ പോസ്റ്റിന് 'ബേബി'എന്ന് വിളിച്ചുകൊണ്ടാണ് ആര്യ എത്തിയത്, ശേഷം ഇരുവരും തമ്മിൽ കമന്റുകൾക്ക് മറുപടി നൽകുന്നത് കാണാൻ സാധിക്കും. "മിസ് ഔർ ഫൈറ്റ്‌സ്" എന്നും സുരക്ഷിതരായി ഇരിക്കാനും ആണ് അഭി കമന്റ് നൽകുന്നത്. ഇതെന്ന പിള്ളേര് കളിയാണോ, ഉടനെ കാണാം എന്നൊക്കെയാണ്, ആര്യ നൽകിയ മറുപടി.

എന്നാൽ ഇരുവരുടെയും സ്നേഹ പ്രകടനം കണ്ടിട്ട്, ചില പ്രേക്ഷകർ ബിഗ് ബോസിൽ നടന്ന ചില തർക്കങ്ങളും അതിന്റെ സ്‌ക്രീൻ ഷോട്ടുകളും പങ്ക് വയ്ക്കുന്നുണ്ട്.