'എന്റെ സുഹൃത്തുക്കളോടൊപ്പമുള്ളപ്പോൾ ഞാൻ ഇങ്ങനെയാണ്'

സ്‌കൂളിലെ സുഹൃത്തുക്കൾക്കൊപ്പം ഞാൻ ചേരുമ്പോൾ ഇങ്ങനെയാണ് എന്നുപറഞ്ഞുകൊണ്ടുള്ള, വ്യത്യസ്ത ഭാവങ്ങളിൽ ഉള്ള ചിത്രങ്ങളാണ് ഇപ്പോൾ അമൃത പങ്ക് വച്ചത്. നിരവധി താരങ്ങളും ആരാധകരുമാണ് ചിത്രത്തിന് കമന്റുകളുമായി രംഗത്ത് വരുന്നത്!

സാരിയിൽ അതി സുന്ദരിയായിട്ടാണ് അമൃത ചിത്രത്തിൽ എത്തുന്നത്. ഒപ്പം പാട്ടുപാടുന്ന രംഗങ്ങളും സുഹൃത്തുക്കൾക്കൊപ്പം മതിമറന്നു ചിരിക്കുന്ന രംഗങ്ങളും ഇതിനോടകം വൈറൽ ആയി കഴിഞ്ഞു. ചേച്ചിയുടെ ചിരി ഒരൊന്നൊന്നര ചിരിയാ എന്നാണ് അധികവും ആരാധകർ കമന്റുകൾ നൽകുന്നത്.

ബിഗ് ബോസിൽ എത്തിയ അമൃതയെയും അഭിയേയും പുലികുട്ടികൾ എന്നാണ് സോഷ്യൽ മീഡിയ വിളിച്ചത്. ഇരുവരുടെയും എൻട്രി അക്ഷരാർത്ഥത്തിൽ ഷോയെ മാറ്റി മറിച്ചു. പവന്റെ എൻട്രിയ്ക്ക് ശേഷം പ്രേക്ഷകർ ഏറെ ആവേശത്തിൽ എത്തിയത് ഇവരുടെ വരയോടുകൂടിയായിരുന്നു.

അമൃതയെയും അഭിരാമിയെയും കുറിച്ച് ഷോ വിട്ടിറങ്ങിയ രജിത് പറഞ്ഞത് ഇരുവരും ഏറ്റവും നല്ല കുട്ടികൾ ആണെന്നാണ്. മാത്രമല്ല, മഴ കാത്ത് കഴിയുന്ന വേഴാമ്പലിനെ പോലെ ആയിരുന്നു താൻ എന്നും , അപ്പോൾ അവിടേക്ക് സ്നേഹ മഴയായി വന്ന ആളുകൾ ആണ് അമൃതയും അഭിരാമിയും എന്നാണ് രജിത് അഭിപ്രായപെട്ടത്.

ബിഗ് ബോസില്‍ നിന്ന് പുറത്തെത്തിയിട്ട് ആഴ്ച്ചകൾ കഴിഞ്ഞെങ്കിലും ബിഗ് ബോസിന്‍റെ ഹാങ് ഓവര്‍ മാറിയില്ല. ബിഗ് ബോസില്‍ നിന്ന് മറ്റൊരു ബിഗ് ബോസിലേക്ക് എത്തിയതുപോലെയുള്ള അവസ്ഥയാണിപ്പോള്‍ എന്നാണ് താരത്തിന്റെ അഭിപ്രായം.