എന്റെ ഭർത്താവിനേയോ, കുട്ടികളെകുറിച്ചോ പറഞ്ഞാൽ വിവരമറിയും; ദയ അശ്വതി!

എനിക്ക് കുറച്ചു കാര്യങ്ങൾ പറയാനുണ്ട്, ഞാൻ ഒരു അഭിപ്രായം പറയാൻ വേണ്ടി വരുമ്പോൾ ഓരോരുത്തരും വന്നു പറയുന്നു ഇപ്പൊ കൊറോണയല്ലേ കൊറോണയെ പറ്റി സംസാരിക്കാൻ. ബിഗ് ബോസിൽ നിന്ന് വന്നുകഴിഞ്ഞപ്പോൾ, ഞങ്ങളെ പഞ്ഞിക്കിട്ടപ്പോഴും ഉണ്ടായിരുന്നു ഈ കൊറോണ. അന്ന് ഞങ്ങളെ പരത്തെറി വിളിച്ചപ്പോൾ ഈ കൊറോണ ഒന്നും ഇല്ലായിരുന്നോ. അന്നും കൊറോണ ഉണ്ടായിരുന്നു. ഇന്നും കൊറോണ ഉണ്ട്. നിങ്ങൾക്ക് അഭിപ്രായം പറയാൻ ഉള്ള സ്വാതന്ത്ര്യം ഞങ്ങൾ തന്നില്ലേ. അപ്പോൾ ഞങ്ങൾ പറയുന്നത് കേൾക്കാൻ നിങ്ങൾക്കും മനസ്സ് ഉണ്ടാകണം.

പല യൂ ട്യൂബ് ചാനലുകാരും പല നുണ കഥകൾ ഇറക്കുന്നുണ്ട്. പലതും സത്യങ്ങൾ ആല്ല. ഞാൻ ഒരു സിന്ദൂരം ചാർത്തി ഫോട്ടോ ഇട്ടപ്പോൾ അല്ലെങ്കിൽ വീഡിയോ ഇട്ടാൽ ദയയുടെ കല്യാണം കഴിഞ്ഞു എന്നാക്കി. അത് ഏതുവകുപ്പിൽ ആണെന്ന് മനസിലായില്ല. എന്റെ വിവാഹം പതിനാറാമത്തെ വയസ്സിൽ കഴിഞ്ഞതാണ്. എനിക്ക് രണ്ടുകുട്ടികളും ഉണ്ട്. എന്റെ ഭർത്താവ് എന്നെ ഡിവോഴ്‌സാക്കിയിട്ടില്ല. പക്ഷെ അദ്ദേഹം വിവാഹിതനായി. അപ്പോൾ എനിക്ക് സിന്ദൂരം തൊടാനുള്ള അവകാശം ഇല്ലേ. അതുകൊണ്ടാണ് ഞാൻ സിന്ദൂരം തൊട്ടത്.

എനിക്ക് രണ്ടു ആൺകുട്ടികളാണ് ഉള്ളത്. പെൺകുട്ടികൾ എന്നാണ് പറയുന്നത് പലരും. അതും തെറ്റാണ്. കാര്യങ്ങൾ വരുമാനത്തിന് വേണ്ടി പറഞ്ഞോട്ടെ അല്ലാതെ നുണക്കഥകൾ പറഞ്ഞു ഇറക്കരുത്. എനിക്ക് പെൺകുട്ടികൾ ആരുന്നെകിലും ഞാൻ സ്വീകരിച്ചേനെ. എന്റെ കുഞ്ഞുങ്ങളെ ഇപ്പോൾ പണിയെടുത്താണ് എന്റെ ഭർത്താവ് നോക്കുന്നത്. കഷ്ടപ്പെട്ടാണ് പഠിപ്പിച്ചു വലുതാക്കുന്നത്. എന്നെ ട്രോളുന്നതിനു കുഴപ്പമില്ല. പക്ഷെ അവരെ പറഞ്ഞാൽ വിവരം അറിയും. അതിനു ഞാൻ സമ്മതിക്കില്ല. ഇനി അത് നടന്നാൽ ഞാൻ കേസ് കൊടുക്കും.

പ്രദീപിനെ പരിചയപ്പെട്ടത് 25 വയസ്സിലാണ്. 22 ആം വയസ്സിൽ ആണ് ഭർത്താവുമായി പിരിയുന്നത്. ഞാൻ ഒരിക്കലും പ്രദീപ് എന്റെ ബോയ് ഫ്രണ്ട് ആണെന്ന് സ്ഥാപിച്ചിട്ടില്ല. ജോലിതരാമെന്നു പറഞ്ഞു കോട്ടയത്തു നിന്നും തിരുവന്തപുരത്തേക്ക് വിളിച്ചുവരുത്തി പ്രദീപ് അപമാനിക്കുകയാണ് ചെയ്തതത്. എന്നെ ഇഷ്ടം ആയിരുന്നു ഒരു സുഹൃത്തിനോടുള്ള ഇഷ്ടം മാത്രമായിരുന്നു അത്. ആ ഇഷ്ടത്തിന് ഒരു അർഥം മാത്രമായി ആരും എടുക്കരുത് . പെട്ടിയും കിടക്കയും എടുത്ത് റെയിൽവേ സ്റ്റേഷനിൽ ചെന്നപ്പോൾ എന്നെ അറിയില്ല, എന്നെ തള്ളി കളഞ്ഞപ്പോൾ, പറ്റിച്ച വേദനയാണ് ഞാൻ ബിഗ് ബോസിൽ വച്ച് കാണിച്ചത്.