എന്റെ പുഞ്ചിരികൾ നിന്നിൽ നിന്നും ആരംഭിക്കുന്നു; മഷൂറയെ നെഞ്ചോട് ചേർത്ത് ബഷീർ; സുഹാനയെ തേടി ആരാധകർ!

മോഡലായും ബിസിനെസ്സ് മാനായും തിളങ്ങിയ ബഷീർ ബിഗ് ബോസിൽ എത്തിയതോടുകൂടിയാണ് താര പരിവേഷം ലഭിക്കുന്നത്. തനിക്കെതിരെ ഉയർന്ന മോശം അഭിപ്രായങ്ങൾ മാറ്റാനായി ലഭിച്ച അവസരമായിട്ടാണ് ബിഗ് ബോസ് വീട്ടിലെ ജീവിതത്തെ ബഷീർ ബഷി വിലയിരുത്തുന്നത്.

മഷൂറയും സുഹാനയുമാണ് ബഷീറിന്റെ ജീവിത സഖികൾ. ആദ്യഭാര്യ സുഹാനയോട് അനുവാദം വാങ്ങിക്കൊണ്ടാണ് ബഷീർ മഷൂറയെ കൂടി തന്റെ ജീവിതത്തിലേക്ക് എത്തിക്കുന്നത്. തന്റെ ജീവിതത്തിൽ സുഹാനയ്ക്ക് വലിയ സ്ഥാനമാണ് നൽകുന്നതെന്ന് അദ്ദേഹം മുൻപ് പല തവണ വ്യക്തമാക്കിയിട്ടുണ്ട്.

ബഷീർ കപ്പലണ്ടി കച്ചവടം തടത്തുമ്പോളാണ് സുഹാനയുമായി പ്രേമത്തിലാകുന്നത്. കച്ചവടത്തിനിടയിലാണ് സുഹാനയെ പരിചയപ്പെട്ടതും പിന്നീട് വിവാഹത്തിലേക്ക് കടക്കുകയും ചെയ്യുന്നത്.

എന്റെ പുഞ്ചിരികൾ നിന്നിൽ നിന്നും ആരംഭിക്കുന്നു എന്നാണ് മഷൂറയെ ചേർത്ത് നിർത്തി പങ്ക് വച്ച ചിത്രത്തിന് ബഷീർ നൽകിയിരിക്കുന്ന ക്യാപ്‌ഷൻ. മഷൂറയുടെ പിറന്നാൾ ദിനവും ബഷീർ അടിപൊളി ഫോട്ടോ തന്റെ ആരാധകർക്കായി പങ്ക് വച്ചിരുന്നു.

ഉപ്പച്ചിയെപ്പോലെ തന്നെ താരങ്ങളാണ് ഈ രണ്ടു മക്കളും. മക്കളും ഒത്തുള്ള ചിത്രങ്ങളും വീഡിയോയും താരം സോഷ്യൽ മീഡിയ വഴി പങ്കിടാറുണ്ട്. താരത്തിന്റെ വെബ് സീരീസായ കല്ലുമ്മക്കായയിലും ഇരുവരും അഭിനേതാക്കളാണ്. കേരളത്തിന്റെ ഫ്രീക്കി ബേബി എന്നാണ് സുനൈന മുൻപ് അറിയപ്പെട്ടിരുന്നത്.