മലയാളം അറിയില്ലെങ്കിലും എല്ലാം ഞാൻ അറിയുന്നു; അസ്വസ്ഥയാണ്‌; സുജോയെ പറ്റി സഞ്ജന!

ബിഗ് ബോസ് സീസണിൽ പ്രേക്ഷക ശ്രദ്ധ ഏറെ നേടിയത് സുജോ- അലസാൻഡ്ര ബന്ധമാണ്. ആദ്യം മുതൽ തന്നെ ഇരുവരും തമ്മിൽ പ്രണയം ആണെന്ന സൂചനയിൽ പ്രേക്ഷകർ എത്തിയിരുന്നു. കുറച്ചു ദിവസങ്ങൾക്ക് മുൻപ് സുജോയുടെ ബന്ധു പവൻ വൈൽഡ് കാർഡ് എൻട്രിയിലൂടെ ബിഗ് ബോസ് വീടിനുള്ളിലേക്ക് എത്തിയതോടെയാണ് സംഗതി അൽപ്പം സീരിയസ് ആയി മാറിയത്.
സുജോയ്ക്ക് ബിഗ് ബോസ് വീടിന് പുറത്ത് സഞ്ജന എന്ന പേരിൽ ഒരു ഗേൾ ഫ്രണ്ട് ഉണ്ട് എന്ന് പവൻ തുറന്നു പറയുന്നതോടെ സ്ഥിതി അൽപ്പം ഗൗരവം ഏറിയതായി മാറി. എന്നാൽ തനിക്ക് സഞ്ജന വെറും ഒരു സുഹൃത്ത് മാത്രമാണെന്ന് സുജോ പറയുക കൂടി ചെയ്തതോടെയാണ് സോഷ്യൽ മീഡിയയിൽ സഞ്ജനയെ കുറിച്ചുള്ള ചർച്ചകൾ ചൂട് പിടിക്കുന്നത്. ഇപ്പോൾ പ്രചരിക്കുന്ന കാര്യങ്ങളിലെ നിജ സ്ഥിതിയെ പറ്റി സഞ്ജന മനസ്സ് തുറക്കുകയാണ് ഏഷ്യാനെറ്റ് ന്യൂസ് ഓണ്‍ലൈനിനോട് .
സുജോ ബിഗ് ബോസിലേക്ക് പോകുന്നുവെന്ന് അറിഞ്ഞപ്പോൾ തനിക്ക് ഒരുപാട് സന്തോഷം ആയെന്നും,അദ്ദേഹത്തോട് സംസാരിക്കാൻ പറ്റില്ലല്ലോ എന്ന സങ്കടം മാത്രമായിരുന്നു തനിക്കെന്നും സഞ്ജന പറയുന്നു. താൻ ആണ് ആ മഞ്ഞ ജാക്കറ്റും ലിപ്സ്റ്റിക് പുരണ്ട ടി ഷർട്ടും സുജോയ്ക്ക് നൽകിയതെന്നും, പവൻ തനിക്ക് സഹോദരനെ പോലെയാണെന്നും സഞ്ജന വ്യക്തമാക്കി.

READ ALSO: സാൻഡ്രയുടെ ലക്‌ഷ്യം മറ്റൊന്ന്: സഞ്ജന കഴിഞ്ഞ ദിവസം കൂടി വിളിച്ചു; എന്റെ ഭർത്താവ് ശുദ്ധൻ; മനസ്സ് തുറന്ന് ലാവണ്യ!
"എനിക്ക് മലയാളം അറിയില്ല. പക്ഷെ, സുജോയുടേതായി ഷോയില്‍ വരുന്ന ഓരോ ചെറിയ ശകലങ്ങള്‍ പോലും ഞാന്‍ കാണാറുണ്ട്. എന്‍റെ സുഹൃത്തുക്കളെല്ലാം എനിക്കത് ട്രാന്‍സ്ലേറ്റ് ചെയ്തുതരും. എന്‍റെയും സുജോയുടേയും ജീവിതത്തെ കുറിച്ച് അറിയുന്നവരാണവര്‍. ഫേസ്ബുക്കില്‍ അദ്ദേഹത്തെ കുറിച്ച് വരുന്ന കമന്‍റുകള്‍ ഞാന്‍ ഗൂഗിള്‍ ട്രാന്‍സിലേറ്റര്‍ ഉപയോഗിച്ച് തര്‍ജ്ജിമ ചെയ്യും."

" ഞാന്‍ ശരിക്കൊപ്പം മാത്രമേ നില്‍ക്കുകയുള്ളൂ. എന്നോടൊപ്പം നില്‍ക്കുന്ന പവനടക്കമുള്ള എല്ലാവരോടും എനിക്ക് നന്ദിയുണ്ടെന്നും സുജോ ഷോയ്ക്ക് പുറത്തുവന്നാൽ താൻ എങ്ങിനെ പ്രതികരിക്കും എന്ന് ഇപ്പോൾ പറയാൻ ആകില്ലെന്നും സഞ്ജന പ്രതികരിച്ചു. ഞാന്‍ ആകെ അസ്വസ്ഥയാണ്. എന്തായാലും പുറത്തുവന്നാല്‍ എന്തായിരുന്നു ശരിക്കും ഷോയില്‍ ചെയ്തതെന്ന് സുജോയോട് ഞാന്‍ ചോദിക്കുമെന്നും സഞ്ജന കൂട്ടിച്ചേർത്തു.