സുന്ദരിയായി എത്തി വൈറൽ ആയതിന് പിന്നാലെ കിടിലൻ ഡാൻസുമായി ശ്രീലക്ഷ്മി!

അഞ്ചു വർഷത്തെ പ്രണയത്തിന് ഒടുവിലാണ് ശ്രീയും കൊമേർഷ്യൽ പൈലറ്റായ ജിജിനും തമ്മിലുള്ള വിവാഹം നടക്കുന്നത്. പ്രതിസന്ധി ഘട്ടങ്ങളില്‍ അന്യോന്യം താങ്ങായി നിന്നവരാണ് ഇരുവരും. ഇരുവീട്ടുകാരുടേയും സമ്മതത്തോടെയായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹത്തിന് പങ്കെടുത്തത്. ശേഷം തിരുവനന്തപുരത്ത് വെച്ച് നടന്ന വിവാഹ വിരുന്നിൽ നിരവധി പ്രമുഖരാണ് പങ്കെടുത്തത്. വിവാഹത്തിന് മുന്‍പ് പപ്പയെ കണ്ട് അനുഗ്രഹം വാങ്ങണമെന്നും മോള് നല്ല വീട്ടിലേക്ക് പടി കയറി ചെല്ലുകയാണെന്ന് അറിയിക്കുമെന്നും ശ്രീലക്ഷ്മി മുൻപ് വ്യക്തമാക്കിയിരുന്നു.

ചുമന്ന പട്ടുസാരിയും നിറയെ ആഭരണങ്ങളും അണിഞ്ഞു ശ്രീ ലക്ഷ്മി എത്തിയപ്പോൾ, ഗോൾഡൻ കളർ കുർത്തിയും മുണ്ടുമായിരുന്നു കല്യാണ ചെക്കൻ ജിജിന്റെ വേഷം. ആഹ്ളാദ തിമിർപ്പിൽ നടന്ന ചടങ്ങിൽ ചെക്കന്റെ സുഹൃത്തുക്കൾ വരനെ കൈയ്യിൽ എടുത്ത് നൃത്തം ചെയ്തതും അതിഥികൾക്ക് ആനന്ദമേകി!

ഭാവന, കാവ്യ തുടങ്ങി നിരവധി താരങ്ങളെ അണിയിച്ചൊരുക്കിയ പ്രിയപ്പെട്ട മേക്കപ്പ് ആര്‍ടിസ്റ്റായ രഞ്ജുരഞ്ജിമാറാണ് ശ്രീലക്ഷ്മിയെ മുഗൾ രാജകുമാരിയെ പോലെ സുന്ദരിയാക്കിയത്. രഞ്ജുമ എന്നെ ഭയങ്കര സുന്ദരിയാക്കി വൃത്തിയാക്കി എന്നാണ് ശ്രീ വിവാഹ ശേഷം വ്യക്തമാക്കിയത്.

നടനായ ജഗതിയുടെ മകളാണ് ശ്രീ ലക്ഷ്മി ശ്രീകുമാർ! ശ്രീ ലക്ഷ്മി വിവാഹിത ആകുന്നത് അദ്ദേഹത്തിൻറെ സ്വപ്ന നിമിഷമായിരുന്നുവെന്ന് ശ്രീ യുടെ അമ്മ വ്യക്തമാക്കിയിരുന്നു. തന്റെ മകൾ അവളുടെ പപ്പയെ ഒരുപാട് മിസ് ചെയ്യുന്ന നിമിഷം അദ്ദേഹത്തിൻറെ പടം സമ്മാനമായി നല്കാൻ ആയതിന്റെ സന്തോഷത്തിൽ കൂടിയായിരുന്നു കല. എന്നാൽ തന്റെ ജീവിതത്തിലെ അമൂല്യ നിമിഷം പപ്പ കൂടെ ഉണ്ടാകണം എന്നായിരുന്നു തന്റെ ആഗ്രഹമെന്ന് ശ്രീ പറഞ്ഞു.

സുഹൃത്തുക്കളും ബന്ധുക്കളും എല്ലാവരും കൂടി ആടിപ്പാടി തകർത്തായിരുന്നു താരത്തിന്റെ വിവാഹ റിസപ്‌ഷൻ. പഴയ ബിഗ് ബോസ് താരം കൂടിയായിരുന്ന ശ്രീ ലക്ഷ്മിയുടെ വിവാഹത്തിന് ഒട്ടുമിക്ക ബിഗ് ബോസ് താരങ്ങൾ എല്ലാവരും പങ്കെടുത്തിരുന്നു.