ചില്ലറകാരിയല്ല ഗംഗ! മിസ് കേരള വിജയി; മോഡൽ; കളക്ടർ ആകാൻ ഒരുക്കം; കൂടുതൽ വിശേഷങ്ങൾ!

മോഡൽ ആയ ഹരിതയുടെ ഒട്ടുമിക്ക ചിത്രങ്ങളും സോഷ്യൽ മീഡിയയിൽ വൈറൽ ആണ്. ഗ്ലാമറസ് വേഷങ്ങളിലും അല്ലാതെയും ഹരിത പങ്ക് വച്ച ചിത്രങ്ങൾക്ക് ഏറെ ആരാധക പ്രീതിയാണ് ഇപ്പോൾ ലഭിക്കുന്നത്. മാത്രവുമല്ല, അപ്രതീക്ഷിതമായിട്ടാണ് താരം അഭിനയ രംഗത്ത് എത്തിയതെങ്കിലും പുതുമുഖ താരം എന്ന ഒരു സ്റ്റാർട്ടിങ് ട്രബിളും ഹരിതയ്ക്കില്ല

മിസ് ചെന്നൈ, മിസ് കേരള വിജയി കൂടിയായ ഹരിത അഭിനയത്തിലേക്ക് എത്തുന്നത് തികച്ചും അപ്രതീക്ഷിതമായിട്ടായിരുന്നു, തന്റെ ജീവിതത്തിൽ അഭിനയത്തിലേക്ക് എത്താൻ വഴിത്തിരിവ് ആയത് മിസ് കേരള മത്സരം ആയിരുന്നുവെന്നാണ് തരാം അഭിപ്രായപ്പെടുന്നത്. റെയിൻബോ മീഡിയയിലൂടെയാണ്‌ താരം അഭിനയത്തിലേക്കുള്ള എൻട്രിയെ പറ്റി സംസാരിക്കുന്നത്.

ജീവിതത്തിൽ ഇത് വരെ സംഭവിച്ചതെല്ലാം അപ്രതീക്ഷിതം ആയിരുന്നുവെന്നും, അഭിനയത്തെ കുറിച്ച് ചിന്തിച്ചിരുന്നില്ല എന്നുമാണ് താരം പറയുന്നത്. മാത്രവുമല്ല, ആനന്ദായി എത്തുന്ന സ്റ്റെബിൻ മുഖാന്തിരം ആണ് ചെമ്പരത്തിയിൽ എത്തിയതെന്നും ഹരിത പറയുന്നു.

പരസ്യങ്ങളും ആൽബങ്ങളിലും മാത്രമാണ് താൻ ഇതിനു മുൻപ് ക്യാമറയിൽ എത്തിയതെന്നും, ആദ്യമായിട്ടാണ് അഭിനയത്തിലേക്ക് എത്തിയതെന്നും, തന്റെ ഇഷ്ടങ്ങളുടെ ലിസ്റ്റിൽ ഒരിക്കലും അഭിനയമോഹം ഉണ്ടായിരുന്നില്ല എന്നും ഹരിത പറയുന്നു.പക്ഷേ കിട്ടിയ അവസരം വിട്ടുകളയാൻ താൻ ഒരുക്കം ആയിരുന്നില്ല എന്നും ഇനി കുറച്ചുനാൾ ഇതിൽ ഉണ്ടാകുമെന്നും താരം അറിയിച്ചു.

അച്ഛനും അമ്മയ്ക്കും ഒറ്റമകളായ ഹരിതയ്ക്ക് പഠനമാണ് പ്രധാനം. കളക്ടർ ആകാനാണ് താരത്തിന്റെ ആഗ്രഹം. എന്നാൽ അഭിനയിക്കാൻ അവസരം കിട്ടിയത് കൊണ്ട് ഒരു രണ്ടു മൂന്നു വര്ഷം ഈ മേഖലയിൽ തുടരുമെന്നും, ഇപ്പോൾ 23 വയസ്സാണ് അതിനു ശേഷം ഐഎഎസ് കോച്ചിങിനായി പോകുമെന്നും എന്തായാലും ആ ആഗ്രഹം നിറവേറ്റുമെന്നും ഹരിത പറയുന്നു. ചെമ്പരത്തി ടീം അഭിനയത്തിൽ നൽകുന്ന പിന്തുണ വളരെ വലുതാണെന്നും, അവർ പറഞ്ഞുവിടുന്ന വരെ അതിൽ തുടരുമെന്നും ഹരിത വ്യക്തമാക്കി.