മീര അനിൽ വിവാഹിതയാകുന്നു! മോതിരമാറ്റ ചിത്രം വൈറൽ !

സ്റ്റേജ് ഷോകളിലും ടെലിവിഷന്‍ ഷോകളിലും അവാര്‍ഡ് നിശകളിലും തന്റേതായ വ്യക്തിമുദ്ര നേടിയ താരമാണ് മീര അനിൽ. താരത്തിന്റെ സ്വതസിദ്ധ ശൈലിയും, സിംപിൾ ആയുള്ള അവതരണവുമാണ് പ്രേക്ഷകരുടെ ഇടയിൽ മീരയുടെ സ്ഥാനം ഉറപ്പിച്ചത്. വേറിട്ട വസ്ത്രധാരണ രീതിയും മേക്കപ്പും കോളേജ് പെണ്‍കുട്ടികള്‍ക്കിടയില്‍ ഒരു സമയം വരെ ട്രന്‍ഡായിരുന്നു. ഇപ്പോൾ കോമഡി സ്റ്റാർസ് എന്ന പരിപാടിയുടെ മുഖമായി തന്നെ മീര മാറിക്കഴിഞ്ഞു.

പറഞ്ഞു വരുന്നത് താരത്തിന്റെ വിവാഹത്തെപ്പറ്റിയാണ്. താരം വിവാഹിതയാകാൻ പോകുന്നു . അതിനുമുന്നോടിയായി നടന്ന വിവാഹ നിശ്ചയത്തിന്റെ വീഡിയോ വൈറൽ ആണ്. വിഷ്ണുവാണ് മീരയുടെ ജീവിത പങ്കാളിയായി എത്തുന്നത്.

READ ALSO: ഈ 'എട്ടിന്റെ കുളമെന്താ; ജയിലും മുകേഷിന്റെ ഡയലോഗും; ബിഗ് ബോസ് തറവാട് വേറെ ലെവൽ!


തിരുവനന്തപുരം സ്വദേശിയായ മീര സിവിൽ എഞ്ചിനീയറിങ്ങും ജേര്‍ണലിസവുമെല്ലാം പൂര്‍ത്തിയാക്കിയാണ് ടെലിവിഷൻ മേഖലയിൽ എത്തുന്നത്. എൻജിനീയറിങ് മേഖലയിൽ ലഭിച്ച ജോലി വേണ്ടെന്ന് വച്ചാണ് താരം ടെലിവിഷൻ മേഖലയിലെ സ്ഥിര സാന്നിധ്യമായത്.

ടോപ് 3 മോഡല്‍സ്, ഹലോ ഗുഡ്‌ ഈവനിങ് തുടങ്ങിയ പരിപാടികളിൽ അവതാരക ആയിരുന്നുവെങ്കിലും കോമഡി സ്റ്റാര്‍സ് ആണ് താരത്തിന്റെ കരിയർ തന്നെ മാറ്റിമറിച്ചത്. അവതാരക മാത്രമല്ല നർത്തകിയും, നടിയുമാണ് മീര. മിലി എന്ന ലാല്‍ ജോസ് ചിത്രത്തിലും മീര വേഷമിട്ടിരുന്നു. നര്‍ത്തകി കൂടിയായായ താരം 2009ല്‍ യൂണിവേഴ്സിറ്റി കലാതിലകമാണ്.