എന്നെന്നും നീയും ഞാനും മാത്രം; അരുണിന്റെ കൈപിടിച്ച് പാർവതി പറയുന്നു!

കുടുംബവിളക്ക് ടെലിവിഷൻ പരമ്പര റേറ്റിങ്ങിൽ മുൻനിരയിൽ നിൽക്കുന്ന സീരിയൽ ആണ്. നടി മീര വാസുദേവ് കേന്ദ്ര കഥാപാത്രമായി എത്തുന്ന പരമ്പരയിൽ ചലച്ചിത്ര താരങ്ങൾ വരെ ആണിനിരക്കുന്നുണ്ട്. പരമ്പരയിൽ മീരയുടെ മകളായിട്ടാണ് പാർവതി എത്തുന്നത്. മികച്ച അഭിനയം തന്നെയാണ് ശീതളിനായി പാർവതി കാഴ്ചവക്കുന്നത്.

കുടുംബവിളക്ക് സീരിയലിൽ എത്തിയപ്പോഴാണ് അരുണിനെ കാണുന്നതും പരിചയപ്പെടുന്നതും. മൂന്നുമാസത്തെ പ്രണയത്തിനൊടുവിൽ ആണ് ഇരുവരും വിവാഹം കഴിക്കുന്നത്. വളരെ രഹസ്യമായിട്ടാണ് ഇരുവരും വിവാഹിതർ ആയത്.

പരമ്പരയിൽ ഇനിയും ശീതളായി എത്തുമോ എന്ന കാര്യത്തിൽ പാർവതി ഇത് വരെയും തീരുമാനം അറിയിച്ചിട്ടില്ല. അതേസമയം പ്രണയബന്ധത്തെക്കുറിച്ചു വീട്ടുകാർക്ക് അറിവുണ്ടായിരുന്നില്ല. വിവാഹത്തിനുശേഷമാണ് എല്ലാവരും അറിഞ്ഞതെന്നും വളരെ പെട്ടെന്ന് നടന്ന ചടങ്ങ് ആയിരുന്നതായും പാർവതി മുൻപ് വ്യക്തമാക്കിയിരുന്നു.

അരുണിന്റെ കൈപിടിച്ച് വിവാഹ വേഷത്തിൽ നടക്കുന്ന ചിത്രമാണ് ഇപ്പോൾ പാർവതി പങ്ക് വച്ചിരിക്കുന്നത്. എന്നെന്നും ഞാനും നീയും മാത്രം എന്ന ക്യാപ്ഷൻ നൽകിയാണ് പാർവതി ചിത്രം പങ്ക് വച്ചിരിക്കുന്നത്. നിരവധി ആളുകളാണ് ഇരുവർക്കും ആശംസ നൽകി രംഗത്ത് വരുന്നത്.