ഞാൻ ആ ഇമേജ് അങ്ങ് മാറ്റി; ബഷീർ ബഷി പറയുന്നു!

എന്റെ ജീവിതത്തിലെ ഏറ്റവും വലിയ അനുഭവമാണ് ബിഗ് ബോസ് നേടിത്തന്നതെന്ന് ബഷീർബഷി.
രണ്ട് ഭാര്യമാരുണ്ടെന്നതുകൊണ്ടുതന്നെ ഒരു പെണ്‍കോന്തൻ ഇമേജ് ആയിരുന്നു തനിക്ക് ഉണ്ടായിരുന്നത്. അത് അപ്പാടെ മാറ്റിക്കളഞ്ഞു. കുടുംബ പ്രേക്ഷകർ തന്നെ അംഗീകരിക്കാനും തുടങ്ങി അതിനു കടപ്പാട് ബിഗ് ബോസിനോടാണെന്നും ബഷീർ ബാഷി ടൈംസ് ഓഫ് ഇന്ത്യ ഓണ്ലൈന് നൽകിയ അഭിമുഖത്തിൽ പറയുന്നു.

ബിഗ് ബോസ് രണ്ട് എത്താൻ ദിവസങ്ങൾ മാത്രം ശേഷിക്കെ, മത്സരത്തിൽ പങ്കെടുക്കാൻ ഫുക്രു എന്ന കൃഷ്ണജീവനേയും താരം നിർദ്ദേശിക്കുന്നുണ്ട്. ഇത് വരെയും ആരൊക്കെയാകും ബിഗ് ബോസ് രണ്ടിൽ പങ്കെടുക്കുക എന്ന കാര്യത്തിൽ വ്യക്തത വന്നിട്ടില്ല.

ഫുക്രു നല്ലൊരു മത്സരാർത്ഥി ആയിരിക്കും എന്നാണ് ബഷീർ പറയുന്നത്. മാത്രമല്ല ഇത്തവണ മത്സരത്തിന് എത്തുന്നവർക്ക് ഒരു ഉപദേശവും താരം നൽകുന്നുണ്ട്.മത്സരത്തിൽ പങ്കെടുക്കാൻ നല്ല ക്ഷമ വേണം എന്നും, എന്തും സഹിക്കാന്‍ നിങ്ങള്‍ തയ്യാറായി വേണം ബിഗ് ബോസ് വീട്ടിൽ എത്താനെന്നും താതാരം വ്യക്തമാക്കി.മാത്രമല്ല ബിഗ് ഹൗസില്‍ അഭിനയിച്ച് പ്രേക്ഷകരുടെ ഹൃദയത്തില്‍ സ്ഥാനം നേടാമെന്ന് നിങ്ങള്‍ കരുതരുതെന്നും ബഷീർ കൂട്ടിച്ചേർത്തു.