'എന്നെ കണ്ടതും സെൽഫി എടുക്കണമെന്ന് ഒരേ നിർബന്ധം' മമ്മൂക്കയുടെ ഒപ്പം അശ്വതി!

വിനോദ പരിപാടികളുടെയും വാര്‍ത്താ അവതാരകയുമായും എഴുത്തുകളിലൂടെയും മലയാളികൾക്ക് സുപരിചിതയാണ് അശ്വതി ശ്രീകാന്ത്. റിയാലിറ്റി ഷോകളിലും, സ്റ്റേജ് ഷോകളിലും സ്വത സിദ്ധ ശൈലിയിലൂടെയാണ് അശ്വതി പരിപാടികൾ അവതരിപ്പിക്കുക. ടെലിവിഷനിലും സ്റ്റേജ് ഷോകളിലും അവതാരകയായി തിരക്കുകളിൽ നിന്നും തിരക്കിലേക്ക് തിരിയുമ്പോഴും സോഷ്യൽ മീഡിയയിൽ താരം സജീവമാണ്. കുഞ്ഞി കുഞ്ഞി സന്തോഷങ്ങൾക്കൊപ്പം താരം സോഷ്യൽ മീഡിയയിൽ പങ്ക് വയ്ക്കുന്ന ചിത്രങ്ങൾ എപ്പോഴും വൈറൽ ആകാറും ഉണ്ട്.

അശ്വതി ഏറ്റവും ഒടുവിൽ പങ്ക് വച്ച ചിത്രമാണ് ഇപ്പോൾ ആരാധകർ ഏറ്റെടുത്തിരിക്കുന്നത്. മെഗാ സ്റ്റാർ മമ്മൂട്ടിക്കൊപ്പം താരം പങ്കിട്ട ചിത്രവും വേറിട്ട ക്യാപ്‌ഷനും ആണ് അശ്വതിയുടെയും മമ്മൂട്ടിയുടേയും ആരാധകർ ഏറ്റെടുത്തത്.


ALSO READ: ഫോട്ടോ എന്ന് പറയുന്നതിന് മുൻപും ശേഷവും;അശ്വതി ശ്രീകാന്ത് പറയുന്നു!

'എന്നെ കണ്ടതും ഒരു സെൽഫി എടുക്കണമെന്ന് ഒരേ നിർബന്ധം. കുറെ കാലത്തെ ആഗ്രഹം ആണത്രേ. പിന്നെ ഞാനായിട്ട് എതിര് പറഞ്ഞില്ല !” എന്ന് മമ്മൂക്ക' എന്നാണ് താരം ഇൻസ്റ്റയിൽ കുറിച്ചിരിക്കുന്നത്. താരത്തിന്റെ കുറിപ്പിന് നിരവധിയാളുകളാണ് കമന്റുകളുമായി എത്തുന്നത്. ലാലേട്ടനൊപ്പം സെൽഫി എടുക്കാൻ നിന്ന കഥ ഞാനീയവസരത്തിൽ ഓർമിപ്പിക്കുന്നു എന്ന് ഒരാൾ കമന്റ് ചെയ്യുമ്പോൾ, ശവത്തിൽ കുത്തരുത് പിള്ളേച്ചാ എന്ന് മറുപടിയാണ് അശ്വതി നൽകുന്നത്.