"മോഹൻലാലിനെക്കാൾ നല്ലത് സുരേഷ് ഗോപി തന്നെയാ"; രജിത് കുമാർ കോടീശ്വരന്റെ ഹോട്ട് സീറ്റിലേക്കോ?

ബിഗ് ബോസ് ഷോയ്ക്ക് ജന മനസുകളിൽ ഉള്ള സ്ഥാനത്തേക്കാൾ വലുതാണ് രജിത് കുമാർ എന്ന മത്സരാർത്ഥിക്ക് മലയാളി പ്രേക്ഷകർ നൽകുന്ന പിന്തുണയും സ്നേഹവും എന്നാണ് കഴിഞ്ഞ രണ്ടു മൂന്ന് ദിവസങ്ങളായി സോഷ്യൽ മീഡിയകളിൽ നടക്കുന്ന ചർച്ചകൾ തെളിയിക്കുന്നത്. ബിഗ് ബോസിന്റെ വിജയി ആയി ആളുകൾ കരുതിയിരുന്ന രജിത് കുമാർ അപ്രതീക്ഷിതമായി ഷോയിൽ നിന്ന് പുറത്തായത് ഏഷ്യാനെറ്റിനും മോഹൻലാലിനും ബിഗ് ബോസ് ഷോയ്ക്കും വലിയ തിരിച്ചടി ആണ് സമ്മാനിക്കുന്നത്. ബിഗ് ബോസ് ഷോ ബഹിഷ്കരിക്കുവാനും ഏഷ്യാനെറ്റ് ചാനൽ തന്നെ ബഹിഷ്കരിക്കാനും ആർമി ഗ്രൂപ്പുകൾ ക്യാംപയിൻ ആരംഭിച്ചു കഴിഞ്ഞു.

Also Read: "ആ കുട്ടിയ്ക്ക് ഭയം ആയിരുന്നു തിരിച്ചു വന്നാൽ തോൽപിക്കാൻ കഴിയില്ല എന്ന ഭയം"; രേഷ്മയ്ക്കും ബിഗ്‌ബോസിനും എതിരെ അശ്വതി!

സഹ മത്സരാർത്ഥികളിൽ ഒരാൾ ആയ രേഷ്മയുടെ കണ്ണിൽ ഒരു ടാസ്‌കും ആയി ബന്ധപ്പെട്ട് മുളക് തേച്ചതും തുടർന്നുണ്ടായ സംഭവവികാസങ്ങളും ആണ് രജിത് കുമാറിനെ ഷോയിൽ നിന്നും പുറത്താക്കാൻ കാരണം. എന്നാൽ ഈ സംഭവവും രജിത് കുമാർ മാപ്പ് പറഞ്ഞിട്ടും അദ്ദേഹത്തെ ഷോയിൽ നിന്നും പുറത്താക്കിയതും കുറച്ചൊന്നുമല്ല അദ്ദേഹത്തിന്റെ ആരാധകർക്കിടയിൽ പ്രതിഷേധം സൃഷ്ടിച്ചത്. ഈ പ്രതിഷേധം ഇപ്പോൾ എത്തി നിൽക്കുന്നത് മഴവിൽ മനോരമ സംപ്രേഷണം ചെയ്യുന്ന സുരേഷ് ഗോപി അവതാരകൻ ആയെത്തുന്ന 'നിങ്ങൾക്കും ആകാം കോടീശ്വരൻ' എന്ന ഷോയിൽ ആണ്.



മഴവിൽ മനോരമയുടെ ഫേസ് ബുക് പേജുകളിലെ എല്ലാ വീഡിയോകൾക്കും പോസ്റ്റുകൾക്കും താഴെ രജിത് ആർമി അഭ്യർത്ഥനയും ആയി എത്തി കഴിഞ്ഞിരിക്കുകയാണ്. ബിഗ് ബോസിന്റെ ഫൈനൽ ദിവസം നിങ്ങൾക്കും ആകാം കോടീശ്വരന്റെ ഹോട്ട് സീറ്റിൽ രജിത് കുമാറിനെ എത്തിക്കാൻ കഴിയുമോ എന്നാണ് രജിത് ആർമി മഴവിൽ മനോരമയോട് അഭ്യർത്ഥിക്കുന്നത്. നിരവധി ആളുകളാണ് മഴവിൽ മനോരമായോടും സുരേഷ്‌ ഗോപിയോടും ഈ ആവശ്യം ഉന്നയിച്ചു രംഗത്ത് വന്നിരിക്കുന്നത്.

Also Read: രജിത്ത് ആർമിയെ പരസ്യമായി ട്രോളി സാബുമോൻ; ആക്രമണമഴിച്ച് വിട്ട് രജിത്ത് ഫാൻസ്!

"ബിഗ്‌ബോസ് ഗ്രാൻഡ് ഫിനാലെ നടക്കുന്ന അന്ന്.. ഞങ്ങളുടെ രജിത് സാറിനെ ഗസ്റ്റ്‌ ആയ് കൊണ്ട് വരണം സുരേഷ് ചേട്ടാ .. ഇത് ഒരുകൂട്ടം ഫാൻസിന്റെ ആഗ്രഹം ആണ് ഒപ്പം ദുഃഖവും" എന്നാണ് ചിലർ അഭിപ്രായപ്പെടുന്നത്. "രജിത് + സുരേഷ് ഗോപി + മനോരമ നല്ലൊരു കോമ്പിനേഷൻ അല്ലേ എന്നും ധാർമ്മികതയെയും പ്രേക്ഷകരേയും മാനിക്കാത്ത കോർപ്പറേറ്റ് ഏഷ്യാനെറ്റിന് മറുപടി കൊടുക്കൂ' എന്നും അഭിപ്രായപ്പെടുന്നവരും കുറവല്ല. നിങ്ങൾക്കും ആകാം കോടീശ്വരന്റെ ഹോട്ട് സീറ്റിലേക്ക് രജിത് കുമാർ എത്തും എന്നു തന്നെയുള്ള ശുഭാപ്തി വിശ്വാസത്തിൽ ആണ് ആരാധകർ.