നസ്രാണികൾക്ക് ഇങ്ങനെ ഒരു പേര് വരത്തില്ലാന്നേ; ആനിയുടെ സംശയത്തിന് മറുപടിയുമായി ജോസഫ് അന്നംകുട്ടി ജോസ്!

മോട്ടിവേഷണല്‍ സ്പീക്കർ അഭിനേതാവ്, റേഡിയോ ജോക്കി, എഴുത്തുകാരൻ തുടങ്ങി ഒട്ടനവധി വിശേഷണങ്ങളിൽ സമൂഹമാധ്യമങ്ങളില്‍ താരമായി മാറിയ ആളാണ് ജോസഫ് അന്നക്കുട്ടി ജോസ്. ആനുകാലിക വിഷയങ്ങളിൽ വ്യക്തമായ അഭിപ്രായം പ്രകടിപ്പിക്കുന്ന ജോസഫ് യുവ തലമുറയിലെ ചുണകുട്ടിയെന്നാണ് ആനീസ് കിച്ചൻ അവതാരകയും നടിയും ആയ ആനിയുടെ അഭിപ്രായം.

അനീസ് കിച്ചണിൽ അതിഥി ആയി എത്തിയപ്പോഴാണ് ജോസഫ് തന്റെ വിശേഷങ്ങൾ പ്രേക്ഷകരുമായി പങ്ക് വച്ചത്. ഈ പേര് എന്താന്നെ ഇങ്ങനെ ആയത് എന്ന തനി നാടൻ സ്ലാങിലാണ് ആനി ജോസഫിനോട് ചോദിക്കുന്നത്. ഇതിനു താരം നൽകിയ മറുപടിയാണ് ഇപ്പോൾ വൈറൽ ആയിരിക്കുന്നത്.

എനിക്ക് ഏറ്റവും ഇഷ്ടപെട്ട കാര്യം തന്റെ പേരാണ് അതുകൊണ്ട് ആദ്യ ചോദ്യവും അത് തന്നെയാണ്, എന്നുപറഞ്ഞുകൊണ്ടാണ് ആനി അഭിമുഖം ആരംഭിച്ചത് തന്നെ. "ഞാനും അന്നമ്മ ആയതു കൊണ്ട് ഈ പേര് എനിക്ക് ഇഷ്ടമായി. പെൺകുട്ടികൾക്ക് ഈ പേര് ഒക്കെയാണ് പക്ഷെ എങ്ങിനെ ഇത് തനിക്ക് വന്നു. നസ്രാണികൾക്ക് ഈ പേര് വളരെ റെയർ ആണ്.പിന്നെ എങ്ങനെ തനിക്ക് കിട്ടി എന്നായിരുന്നു ആനിയുടെ ചോദ്യം.

ALSO READ: ജീവിതത്തിലെ വലിയ സന്തോഷം പങ്കിട്ടതിന് പരിഹാസം: മറുപടിയുമായി സൂരജ്!

"അമ്മയുമായി കുട്ടികാലത്ത് അത്യവശ്യം അടിപിടി ആയിരുന്നു. പ്രധാനമായും ഭക്ഷണത്തിന്റെ പേരിൽ ആയിരുന്നു അടി. അമ്മ ടീച്ചർ ആയിരുന്നു. അറിഞ്ഞോ അറിയാതെയോ അമ്മയെ ഞാൻ അവഗണിച്ചിരുന്നു. അമ്മയാണ് വീട്ടിലെ കാര്യങ്ങൾ എല്ലാം നോക്കിയിരുന്നത്. എന്നാലും ക്രെഡിറ്റ് അച്ഛനായിരുന്നു കൂടുതൽ ലഭിച്ചത്. അങ്ങനെ ബാംഗ്ലൂരിൽ പഠനത്തിനായി പോയപ്പോഴാണ്, അമ്മയുടെ വില മനസിലാക്കുന്നതും, അമ്മയെ കുറച്ചുകൂടി പരിഗണിക്കാമായിരുന്നു എന്ന തോന്നൽ വന്നതും. അതിനുശേഷവുമാണ് പേരിനൊപ്പം അമ്മയെയും കൂട്ടിയത്",എന്നും താരം വ്യക്തമാക്കി.

മാത്രമല്ല തന്റെ ആദ്യ പുസ്തകത്തിൻെറ പേര് " ബറീഡ് തോട്ട്സ്" എന്നാണ്. ആ പുസ്തകത്തിന്റെ അർഥം ശരിക്കും പറഞ്ഞുതന്നത് മമ്മുക്ക ആണെന്നും അഭിമുഖത്തിനിടയിൽ താരം അറിയിച്ചു.