എനിക്ക് ഒന്നും സംഭവിച്ചിട്ടില്ല; ഞാൻ പൂർണ്ണ ആരോഗ്യവാൻ ആണ്; അവരുടെ തെറ്റാണ്; ഷാനവാസ്
മലയാളികളുടെ പ്രിയ സംവിധായകൻ ഷാനവാസ് നരണിപ്പുഴ കഴിഞ്ഞദിവസം ആണ് വിടവാങ്ങിയത്. കൊച്ചി ആസ്റ്റർ മെഡിസിറ്റിയിൽ വച്ചാണ് മരണം സംഭവിച്ചത്. മാധ്യമങ്ങൾ മരണവാർത്ത ഏറ്റെടുത്തതോടെ ആകെ ധർമ്മ സങ്കടത്തിൽ ആയത് സീരിയൽ താരം ഷാനവാസ് ആണ്. ഇരുവരുടെയും പേരിലെ സാമ്യത ആണ് പ്രമുഖ ചാനലിന് അമളി പറ്റാൻ ഇടയാക്കിയത്. മരിച്ചത് നടൻ ഷാനവാസ് ആണെന്ന് കരുതി നിരവധി ഫോൺ കോളുകൾ വന്നതോടെയാണ് താരം ലൈവിലൂടെയെത്തി കാര്യങ്ങൾ വ്യക്തമാക്കിയത്.
ALSO READ: 'സൂഫിയും സുജാതയും' സംവിധായകന് നരണിപ്പുഴ ഷാനവാസ് അന്തരിച്ചു; സ്ഥിരീകരിച്ച്
ALSO READ: 'സൂഫിയും സുജാതയും' സംവിധായകന് നരണിപ്പുഴ ഷാനവാസ് അന്തരിച്ചു; സ്ഥിരീകരിച്ച്
സംവിധായകന്റെ മരണം!
ഹൃദയാഘാതത്തെ തുടര്ന്ന് കോയമ്പത്തൂര് കെജി ഹോസ്പിറ്റലിൽ ഐസിയുവിലാരുന്നു ഷാനവാസ്. സ്ഥിതി ഗുരുതരമായതിനാൽ കൊച്ചിയിൽ എത്തിച്ച് ചികിത്സ നൽകാൻ തീരുമാനിക്കുകയായിരുന്നു. അട്ടപ്പാടിയില് പുതിയ സിനിമയുടെ എഴുത്തിനിടെയാണ് ഹൃദയാഘാതം സംഭവിച്ചത്. ജയസൂര്യ നായകനായെത്തിയ സൂഫിയും സുജാതയും എന്ന ചിത്രത്തിന്റെ സംവിധായകനും തിരക്കഥാകൃത്തുമാണ് ഷാനവാസ്. സംവിധായകന്, തിരക്കഥാകൃത്ത് എന്നതിന് പുറമെ മികച്ച എഡിറ്റര് കൂടിയാണ് അന്തരിച്ച കലാകാരൻ.
സീതയിലൂടെ!
മലയാളികൾ നെഞ്ചേറ്റിയ പരമ്പര സീതയിലെ ഇന്ദ്രൻ ആയെത്തി പ്രേക്ഷകരുടെ പ്രിയ നടൻ ആയി മാറിയ ആളാണ് ഷാനവാസ് ഷാനു. സോഷ്യൽ മീഡിയകളിൽ നിരവധി ഫാൻസുള്ള താരത്തിന്റെ 'മരണവാർത്ത' ആണെന്ന് കരുതി ചിലർ അനുശോചനവും രേഖപ്പെടുത്തി തുടങ്ങി. തങ്ങളുടെ പ്രിയ നടന്റെ ചിത്രങ്ങളും വീഡിയോയും വച്ചുകൊണ്ട് പ്രമുഖ ചാനലിൽ വാർത്തയും വന്നതോടെയാണ് ആരാധകർ സങ്കടത്തിൽ ആകുന്നത്..
നിറയെ ഫോൺ കോളുകൾ!
വാർത്ത ചാനലിൽ വരുന്ന സമയത്ത് ബിസിനെസ്സ് ആവശ്യത്തിനായി തൃശൂരിൽ നിന്നും ആലപ്പുഴയിലേക്കുള്ള യാത്രയിൽ ആയിരുന്നു നടൻ ഷാനവാസ്. ഷാനവാസിന്റെ നമ്ബറിലേക്ക് നിരവധി ഫോൺ കോളുകൾ വന്നതോടെയാണ് താൻ കാര്യം ശ്രദ്ധിക്കുന്നത് എന്ന് ലൈവിലൂടെയെത്തി പ്രിയ നടൻ വ്യക്തമാക്കി. താൻ പൂർണ്ണ ആരോഗ്യവാൻ ആയി ഇരിക്കുന്നുവേന്നും, തന്റെ പ്രിയപ്പെട്ടവർ വിഷമിക്കരുത് എന്നും താരം പറഞ്ഞു.
സ്ക്രീൻ ഷോട്ട് സഹിതം!
ചാനലിൽ പ്രചരിച്ച വീഡിയോയുടെ സ്ക്രീൻ ഷോട്ട് സഹിതവും ഷാനവാസ് ഫേസ്ബുക്കിലൂടെ പ്രതികരിച്ചു. ചാനലിൽ എന്റെ ഫോട്ടോയും വീഡിയോയും വെച്ച് ന്യൂസ് വന്നത് ഞാനല്ല അവർക്കെന്തോ തെറ്റ് പറ്റിയതാണ്, എന്ന വിശദീകരണത്തോടെ നടൻ സ്ക്രീൻ ഷോട്ടും സോഷ്യൽ മീഡിയ വഴി പോസ്റ്റ് ചെയ്തിട്ടുണ്ട് . മാത്രമല്ല തന്റെ പേരിൽ പ്രചരിക്കുന്ന ചിത്രങ്ങളും വീഡിയോയും ചാനലിൽ നിന്നും നീക്കം ചെയ്യണം എന്നും താരം അഭ്യർത്ഥിച്ചു.