അപ്പുക്കുട്ടന് ഫ്രണ്ടിനെ കൊടുത്തെന്ന് ആദിത്യൻ: ദൈവത്തിന് നന്ദി പറഞ്ഞ് അമ്പിളി; ഇരുവരുടെയും വൈറൽ പോസ്റ്റുകൾ

നടീനടന്മാരായ അമ്പിളി ദേവിയും ആദിത്യനും കഴിഞ്ഞ വർഷമാണ് വിവാഹ ജീവിതത്തിലേക്ക് പ്രവേശിച്ചത്. ഇരുവരും സോഷ്യൽ മീഡിയയിൽ സജീവമാണ്. ജീവിതത്തിൽ ഇരുവർക്കും ഉണ്ടാകുന്ന കുഞ്ഞി സന്തോഷങ്ങൾ വരെ ഇരുവരും ആരാധകരുമായി പങ്കിടാറുണ്ട്. ഇപ്പോൾ മകന് അപ്രതീക്ഷിതമായി ലഭിച്ച സമ്മാനത്തിന്റെ സന്തോഷമാണ് അമ്പിളിയും ആദിത്യനും പങ്ക് വയ്ക്കുന്നത്.
തൃശൂരിൽ പോയ വന്ന ദിവസം മകന് അവൻ ആഗ്രഹിച്ച ഒരു ഫ്രണ്ടിനെ കൊണ്ടുവന്നു പക്ഷെ ഫ്രണ്ട്നെ കണ്ടു അപ്പുകുട്ടൻ ഷോക്കായി പോയി എന്ന് ആദിത്യൻ പങ്ക് വയ്ക്കുമ്പോൾ . ഈശ്വരന് നന്ദി അവന്റെ മനസ്സ് അറിഞ്ഞു സ്നേഹിക്കുന്ന ഒരു അച്ഛനെ കിട്ടിയതിന് ഞങ്ങളെ കാക്കണേ ദൈവമേ ഒരുപാട് വിഷമത്തിലൂടെ ആണ് ഇതൊക്കെ ചേട്ടൻ ചെയ്യുന്നത്, വിശ്വസിച്ച പലരുടെ ഭാഗത്തു നിന്നും കിട്ടുന്ന അനുഭവം പറയാൻ കഴിയുന്നതല്ല, എല്ലാം ദൈവം കാണുന്നു എന്നാണ് അമ്പിളി പങ്ക് വച്ച വീഡിയോയിൽ കുറിക്കുന്നത്.

ആദിത്യനാണ് അപ്പു ആഗ്രഹിച്ച സൈക്കിൾ സമ്മാനം നൽകിയത്. മകന്റെ സന്തോഷം നിറയുന്ന രംഗങ്ങൾ സോഷ്യൽ മീഡിയയിൽ വൈറലാണ് ഇപ്പോൾ. കഴിഞ്ഞ വർഷമായിരുന്നു പ്രേക്ഷകരെ അതിശയിപ്പിച്ചു കൊണ്ട് അമ്പിളി ആദിത്യൻ വിവാഹം നടക്കുന്നത്.