സോണിയ റഷീദ് അഡ്വക്കേറ്റാണ്; ഒപ്പം രാഷ്ട്രീയക്കാരിയും; പെട്ടെന്നുള്ള ഒളിച്ചോട്ടത്തിനു പിന്നിലെ കാരണം തേടി ആരാധകർ!

പാരിജാതത്തിലെ മീരയേയും അമ്മയിലെ മാലതിയേയും പ്രേക്ഷകർ മറക്കാൻ ഇടയില്ല. ഒരു പിടി നല്ല പരമ്പരകളിലൂടെ മിനി സ്‌ക്രീൻ പ്രേക്ഷകരുടെ പ്രിയ നടി ആയിരുന്ന സോണിയ റഷീദാണ് ഈ കഥാപാത്രങ്ങൾക്ക് ജീവൻ നൽകിയത്.

പത്മരാജന്റെ ‘വാടകയ്ക്ക് ഒരു ഹൃദയം പാരമ്പരയിലൂടെയാണ് അഡ്വ. സോണിയ റഷീദ് എന്ന അഭിനേത്രിയെ മിനി സ്‌ക്രീൻ പ്രേക്ഷകർ കാണുന്നത്. സിനിമയിൽ ജയഭാരതി അവതരിപ്പിച്ച കഥാപാത്രമായിട്ടാണ് സോണിയ മിനി സ്‌ക്രീനിൽ തകർപ്പൻ പ്രകടനം കാഴ്ചവച്ചത്.

മലയാള സീരിയൽ – സിനിമാരംഗത്തും വേറിട്ട വ്യക്തിത്വത്തിന് ഉടമകൂടിയാണ് നടി സോണിയ. പാട്ടുകളുടെ പാട്ടി രാഗരഞ്ജിനി, കുഞ്ഞാലിമരയ്ക്കാറിലെ കനകാംഗി, മംഗല്യപ്പട്ടി ലെ നായിക, സത്യം ശിവം, സുന്ദര ത്തിലെ ഗംഗാദേവി, പറയി പെറ്റ പന്തിരുകുലം , മാർത്താണ്ഡവർമ, മാസ്ക്ക് , ആദിപരാശക്തി, സ്വാമിയേ ശരണമയ്യപ്പാ, ദേവിമാഹാത്മ്യം – ഇവയെല്ലാം സോണിയയുടെ അഭിനയമികവ് തെളിയിക്കുന്ന കഥാപാത്രങ്ങളും സീരിയലുകളുമാണ്. എന്നാൽ പിന്നീട്‌ അധികം സീരിയലുകളിൽ താരം പ്രത്യക്ഷപ്പെട്ടിട്ടില്ല.

READ ALSO: നിങ്ങളുടെ സ്നേഹം ഇനിയും വേണം; രശ്മി സോമൻ പറയുന്നു!

സോഷ്യൽ മീഡിയ പ്ലാറ്റുഫോമുകളിൽ സജീവമായിരുന്ന താരം ഇപ്പോൾ തിരക്കുള്ള രാഷ്ട്രീയ പ്രവർത്തകയും അഡ്വക്കേറ്റുമാണ്. സോഷ്യൽ മീഡിയയിലൂടെ രാഷ്ട്രീയ പ്രവർത്തന കാര്യങ്ങൾ പങ്കിട്ടിരുന്ന സോണിയ പെട്ടെന്നാണ് എഫ് ബിയിൽ നിന്നും അപ്രത്യക്ഷയാകുന്നത്. ഇതിനുള്ള കാരണം തേടുകയാണ് ഇപ്പോൾ താരത്തിന്റെ ആരാധകർ.

യൂത്ത് കോൺഗ്രസ് സംസ്ഥാന സെക്രട്ടറിയായിരുന്ന സോണിയ തിരഞ്ഞെടുപ്പിലൂടെ സംഘടനയുടെ നേതൃനിരയിലെത്തിയ വ്യക്തികൂടിയാണ്. ബിസിനസ്സുകാരനായ ഭർത്താവ് ബിനോയ് ഷാനൂർ കോൺഗ്രസ് നേതാവാണ്. ബിനോയ് – സോണിയ ദമ്പതികൾക്ക് ഒരു മകളാണ് അൽ – ഷെയ്ഖ പർവീൻ. അമ്മയെപോലെ മകളും കലാകാരിയാണ്. അമ്മ, ആർദ്രം, ബാലാമണി എന്നീ സീരിയലുകളിൽ ബാലതാരമായി ഷെയ്‌ഖ തിളങ്ങിയിട്ടുണ്ട്.