പ്രതിസന്ധികളെ അതിജീവിച്ചത് എങ്ങനെ; ഫെയ്സ്ബുക്കിലെ കമന്റുകൾ വായിച്ച് അന്നു പൊട്ടിക്കരഞ്ഞു! അമൃത സുരേഷ്!

ഐഡിയ സ്റ്റാർ സിംഗറിലൂടെയെത്തി മലയാളികളുടെ പ്രിയ ഗായികയായി മാറിയ താരമാണ് അമൃത സുരേഷ്. പിന്നീട് നിരവധി സ്റ്റേജ് ഷോകൾ, സ്വന്തമായ യൂ ട്യൂബ് ചാനൽ, അങ്ങിനെ തിരക്കിൻറെ ലോകത്താണ് താരം. സോഷ്യൽ മീഡിയയിൽ സജീവമായ താരം തന്റെ വിശേഷങ്ങൾ പങ്ക് വയ്ക്കാറുണ്ട്. കുടുംബ ജീവിതത്തിൽ ഉണ്ടായ അസ്വാരസ്യങ്ങളെ തുടർന്നാണ് താരം നടൻ ബാലയുമായി വിവാഹ മോചനത്തിൽ എത്തുന്നത്. കഴിഞ്ഞ വർഷമാണ് താരം വിവാഹമോചിതയാകുന്നത്.

ഇപ്പോൾ വനിതയ്ക്ക് നൽകിയ അഭിമുഖത്തിലാണ് താരം വാചാലയാകുന്നത്. പ്രതിസന്ധികളെ അതിജീവിച്ചത് എങ്ങനെയെന്നും, അഭിനയത്തിലേക്ക് കടക്കുന്നതിന്റെ സൂചനയും താരം പ്രേക്ഷകരോട് പങ്കുവച്ചു.

READ ALSO; ഇനിയും രണ്ട് കല്യാണം കൂടി നടത്തണം ; അമൃതയുടെ പുതിയ ഫോട്ടോ വൈറൽ ആകുന്നു!

പ്രതിസന്ധിഘട്ടങ്ങൾ അതിജീവിക്കാൻ കരുത്ത് പകർന്നത് കുടുംബം ആണെന്നും, അനുജത്തി അഭിരാമിയുടെ പിന്തുണ എടുത്തു പറയേണ്ടതാണെന്നും താരം വ്യക്തമാക്കി. അമ്മയെന്ന നിലയിൽ മകൾ പാപ്പുവിനെ കുറിച്ചുള്ള സ്വപ്നങ്ങളും താരം പങ്ക് വച്ചു. സിനിമയിൽ അഭിനയിക്കാൻ താല്പര്യമുണ്ടെന്നും നല്ല റോളുകൾ കിട്ടിയാൽ ഒരുകൈ നോക്കുമെന്നും അതിന് ആദ്യ പടിയായി വെബ് സീരീസ് ഉടനെ തുടങ്ങുമെന്നും അമൃത വ്യക്തമാക്കി.

ലത മങ്കേഷ്കറുടെ വലിയ ഫാനാണ് താൻ. , ലതാജിയുടെ പാട്ടു പാടാൻ ഏറെ ഇഷ്ടമാണെന്നും അമൃത പറയുന്നു. മാത്രമല്ല ഫെയ്സ്ബുക്കിലെ ചില കമന്റുകൾ വായിച്ച് പൊട്ടിക്കരഞ്ഞിട്ടുണ്ടെന്നും താരം അഭിമുഖത്തിലൂടെ വ്യക്തമാക്കി.