തിലകന്റെ അനിയനും മറ്റുമാണോ? ഉപ്പും മുളകിലെയും മാധവൻ തമ്പി; കുമാരേട്ടൻ സത്യത്തിൽ ആരാണ്?

പ്രേക്ഷകർ നെഞ്ചിലേറ്റിയ ഒരു പരമ്പരയിലും, ചുരുങ്ങിയ ദിവസത്തിനുള്ളിൽ ഹൃദയത്തിലേറ്റിയ ഒരു സിനിമയിലും വ്യത്യസ്തത ഭാവങ്ങൾ. അഭിനയത്തിന്റെ വ്യത്യസ്തത നിറഞ്ഞ നിമിഷങ്ങൾ നമ്മൾക്ക് സമ്മാനിച്ച ഒരു വ്യക്തി. ഈ വ്യക്തിയ്ക്ക് മണ്മറഞ്ഞ അഭിനയ കുലപതി തിലകനുമായി എന്തെകിലും ബന്ധമുണ്ടോ എന്ന് ചില ആരാധകർക്ക് എങ്കിലും സംശയം തോന്നാം. പറഞ്ഞു വരുന്നത് ആരെക്കുറിച്ചാണ് എന്ന് ഇപ്പോൾ മനസിലായി കാണും കോട്ടയം രമേഷ് എന്ന അതുല്യ കലാകാരനെ പറ്റിയാണ്. ഇപ്പോൾ രമേഷിനെപ്പറ്റി സോഷ്യൽ മീഡിയയിൽ വൈറലായ ഒരു കുറിപ്പാണ് ചർച്ചാ വിഷയം

ശബ്ദത്തിലുള്ള സാമ്യത, ചില ചേഷ്ടകൾ,ശരീരഭാഷാ അങ്ങനെ എല്ലാം കൊണ്ടും ആ സംശയം പ്രേക്ഷകർക്ക് തോന്നും. ഇതിനു മുൻപ് വൈറസ് എന്ന സിനിമ കണ്ട ആരാധകർക്കും ഇപ്പോൾ ഉപ്പും മുളകിന്റെയും ആരാധകർ ആയുള്ളവരും ഈ വ്യക്തി തിലകന്റെ അനിയനും മറ്റുമാണോ എന്ന ചോദ്യങ്ങൾ ഉയർത്തിയിരുന്നു എന്നാണ് പോസ്റ്റിൽ കുറിക്കുന്നത്.

READ ALSO: തനിക്ക് സുജോ ചേരില്ലെന്ന് വെൽ വിഷർ; സഞ്ജനയുടെ മറുപടി ഏറ്റെടുത്ത് ആരാധാകർ!

അയ്യപ്പനും കോശിയിലും കുമാരനെ കാണിക്കുമ്പോഴൊക്ക മഹാനടൻ തിലകനെ ഓർത്തു പോയി എന്ന് സൂചിപ്പിക്കുന്ന കുറിപ്പിൽ രമേശിനെ പറ്റി കൂടുതൽ വിവരങ്ങൾ പങ്കിടുന്നുണ്ട് .

തിലകന്റെ ബന്ധുവൊന്നും അല്ലെങ്കിലും തിരുവനന്തപുരം സൗപർണിക, അക്ഷരകല, അശ്വതി, കോട്ടയം നാഷണൽ, പാലാ കമ്മ്യൂണിക്കേഷൻസ്, പൂഞ്ഞാർ നവധാര, അരീന കൊല്ലം, എൻ. എൻ പിള്ളയുടെ വിശ്വകേരള കലാസമിതി, തൃശൂർ കലാനിലയം എന്നീ പ്രസിദ്ധ സമിതികളിലൂടെ അഹോരാത്രം തട്ടിനെ കർമമേഖലയാക്കി നാടകരംഗത്തെ മികച്ചനടനായി മാറിയ ആളാണ് കോട്ടയം രമേഷ് എന്നും കുറിപ്പിൽ പറയുന്നുണ്ട്.

ഉപ്പും മുളകിലെ മാധവൻ തമ്പി, കാർബൺ, വാരികുഴിയിലെ കൊലപാതകം, ഉരിയാട്ട്, വൈറസ് എന്നീ സിനിമകളിലും ഭാഗമായ ഈ നടന് ഇനിയുള്ള ചലച്ചിത്രയാത്രയിൽ മുതൽ കൂട്ട് തന്നെയാകും "അയ്യപ്പനും കോശിയിലെ കുമാരൻ എന്നാണ് പോസ്റ്റിൽ സൂചിപ്പിക്കുന്നത്.