മലയാള സിനിമാപ്രേമികളുടെ ഏറെ പ്രിയപ്പെട്ട താരങ്ങളാണ് മെഗാസ്റ്റാർ മമ്മൂട്ടിയും മകൻ ദുൽഖർ സൽമാനും. ദുൽഖർ സിനിമയിൽ എത്തിയിട്ട് വർഷങ്ങളായെങ്കിലും ഇരുവരും ഒന്നിച്ച് അഭിനയിച്ചിട്ടില്ല. സ്വന്തം മകൻ ദുൽഖറിൻ്റെ ചിത്രങ്ങൾക്കായി അടുത്തിടെയാണ് മമ്മൂട്ടി സോഷ്യൽ മീഡിയയിലൂടെ പോലും പ്രൊമോഷൻ നടത്താൻ തുടങ്ങിയത്. ഒടുവിൽ തീയേറ്ററുകളിലെത്തിയ ദുൽഖർ ചിത്രം കുറുപ്പിന് വേണ്ടിയായിരുന്നു മമ്മൂട്ടി സോഷ്യൽ മീഡിയയിൽ പ്രൊമോഷൻ നടത്തിയത്. അതും ദുൽഖർ തനിയെ ചെയ്തതാണ് എന്നും ദുൽഖർ മാധ്യമങ്ങളോട് പറഞ്ഞിരുന്നു. ഇരുവരും ഒന്നിച്ച് അഭിനയിക്കുന്നതിനെ കുറിച്ച് മുൻപും പല അഭിമുഖങ്ങളിലും ഇരുവരും ചോദ്യങ്ങൾ നേരിട്ടിരുന്നു. അത് സമയമാകുമ്പോൾ സംഭവിക്കുന്നെങ്കിൽ സംഭവിക്കട്ടെ എന്ന തരത്തിലായിരുന്നു ഇരുവരുടെയും മറുപടികൾ. ഇപ്പോഴിതാ സോഷ്യൽ മീഡിയയിലെ മമ്മൂട്ടി ആരാധകരുട കൂട്ടായ്മയിൽ വരുന്ന റിപ്പോർട്ടുകൾ പ്രകാരം ഇരുവരും ഒന്നിച്ചുള്ള സിനിമ ഉടൻ ഉണ്ടാകുമെന്നാണ് വിവരം. മലയാളത്തിലെ സൂപ്പർ താരമായ മമ്മൂട്ടിയും മകൻ ദുൽഖറും ഒന്നിക്കുന്നതായി റിപ്പോർട്ടുകൾ പറയുന്നു. ഇതോടെ പ്രേക്ഷകരുടെ വളരെ നാളത്തെ കാത്തിരിപ്പിന് വിരാമമാവുകയാണെന്നാണ് ആരാധകർ ചൂണ്ടിക്കാട്ടുന്നത്. വാപ്പയേയും മകനേയും ഒരുമിച്ച് സ്ക്രീനിൽ കാണാനുള്ള ആവേശത്തിലാണ് ആരാധകർ. മമ്മൂട്ടി ഫാൻസ് ഇൻ്റർ നാഷണൽ എന്ന സോഷ്യൽ മീഡിയ ഗ്രൂപ്പിലാണ് ഇത്തരത്തിലുള്ള റിപ്പോർട്ട് പ്രചരിക്കുന്നത്. ലാൽ സലാം എന്ന ഫേസ്ബുക്ക് യൂസറാണ് ഇക്കാര്യം ഷെയർ ചെയ്തിരിക്കുന്നത്.
Also Read:
ഇരുവരെയും പ്രധാന കഥാപാത്രങ്ങളാക്കി വൈശാഖാണ് ചിത്രം സംവിധാനം ചെയ്യുന്നതെന്നും ചിത്രം നിർമ്മിക്കുന്നതും വൈശാഖ് തന്നെയാണെന്നും റിപ്പോർട്ടുകളിൽ പറയുന്നു. ഉണ്ണി ആറാണ് ചിത്രത്തിൻ്റെ തിരക്കഥ ഒരുക്കുന്നതെന്നും റിപ്പോർട്ടിൽ പറയുന്നുണ്ട്. എൺപതുകളിലെ സൂപ്പർസ്റ്റാറുകളുടെ നായികമാരായി തിളങ്ങിയ സുമലതയും സുഹാസിനിയും ഈ സിനിമയിലൂടെ മലയാള സിനിമയിലേക്ക് മടങ്ങിയെത്തുകയാണെന്നും റിപ്പോർട്ടിൽ പറയുന്നു.
ശോഭനയും ചിത്രത്തിലുണ്ടാകുമെന്നും റിപ്പോർട്ടിൽ പറയുന്നുണ്ട്. എന്നാൽ ഇതു സംബന്ധിച്ച ഔദ്യോഗിക പ്രഖ്യാപനമൊന്നും ഉണ്ടായിട്ടില്ല. ഈ സിനിമയെ സംബന്ധിച്ച റിപ്പോർട്ട് വാസ്തവമാണെങ്കിൽ മലയാള സിനിമ ഇന്നേവരെ കണ്ടിട്ടില്ലാത്ത ബോക്സോഫീസ് ഹിറ്റാകും ഉണ്ടാകുക എന്നും സിനിമാപ്രേമികൾ പ്രത്യാശിക്കുന്നുണ്ട്.
Also Read:
മുൻപും ദുൽഖറും മമ്മൂട്ടിയും ഒന്നിക്കാൻ പോകുന്നുവെന്നതായ റിപ്പോർട്ടുകൾ പുറത്ത് വന്നിരുന്നുവെങ്കിലും അത് സംഭവിച്ചിരുന്നില്ല. നാഗേശ്വരറാവു, നാഗാര്ജ്ജുന, നാഗചൈതന്യ എന്നിവർ പ്രധാന വേഷത്തിലെത്തിയ തെലുങ്ക് ചിത്രം മനത്തിന്റെ മലയാളം റീമേക്കിലാണ് ഇരുവരും ഒന്നിക്കുന്നതെന്നായിരുന്നു വർഷങ്ങൾക്ക് മുൻപ് പുറത്ത് വന്ന റിപ്പോർട്ടുകൾ.
മധു, മമ്മൂട്ടി, ദുല്ഖര് എന്നിവരാണ് പ്രധാന വേഷത്തിൽ എത്തുന്നത് എന്നായിരുന്നു അന്ന് പുറത്ത് വന്ന വാർത്തകൾ. തെലുങ്ക് വാര്ത്താമാധ്യമങ്ങളായിരുന്നു ഇക്കാര്യം അന്ന് റിപ്പോർട്ട് ചെയ്തിരിക്കുന്നത്. എന്നാൽ ഇത്തവണ മലയാളി സിനിമാസ്വാദകരാണ് മമ്മൂട്ടിയും ദുൽഖറും ഒന്നിക്കാൻ ഒരുങ്ങുന്നതായ വാർത്ത ആഘോഷമാക്കുന്നത്. ചിത്രത്തിൻ്റെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് സിനിമാസ്വാദകർ.
Also Read:
ഇരുവരെയും പ്രധാന കഥാപാത്രങ്ങളാക്കി വൈശാഖാണ് ചിത്രം സംവിധാനം ചെയ്യുന്നതെന്നും ചിത്രം നിർമ്മിക്കുന്നതും വൈശാഖ് തന്നെയാണെന്നും റിപ്പോർട്ടുകളിൽ പറയുന്നു. ഉണ്ണി ആറാണ് ചിത്രത്തിൻ്റെ തിരക്കഥ ഒരുക്കുന്നതെന്നും റിപ്പോർട്ടിൽ പറയുന്നുണ്ട്. എൺപതുകളിലെ സൂപ്പർസ്റ്റാറുകളുടെ നായികമാരായി തിളങ്ങിയ സുമലതയും സുഹാസിനിയും ഈ സിനിമയിലൂടെ മലയാള സിനിമയിലേക്ക് മടങ്ങിയെത്തുകയാണെന്നും റിപ്പോർട്ടിൽ പറയുന്നു.
ശോഭനയും ചിത്രത്തിലുണ്ടാകുമെന്നും റിപ്പോർട്ടിൽ പറയുന്നുണ്ട്. എന്നാൽ ഇതു സംബന്ധിച്ച ഔദ്യോഗിക പ്രഖ്യാപനമൊന്നും ഉണ്ടായിട്ടില്ല. ഈ സിനിമയെ സംബന്ധിച്ച റിപ്പോർട്ട് വാസ്തവമാണെങ്കിൽ മലയാള സിനിമ ഇന്നേവരെ കണ്ടിട്ടില്ലാത്ത ബോക്സോഫീസ് ഹിറ്റാകും ഉണ്ടാകുക എന്നും സിനിമാപ്രേമികൾ പ്രത്യാശിക്കുന്നുണ്ട്.
Also Read:
മുൻപും ദുൽഖറും മമ്മൂട്ടിയും ഒന്നിക്കാൻ പോകുന്നുവെന്നതായ റിപ്പോർട്ടുകൾ പുറത്ത് വന്നിരുന്നുവെങ്കിലും അത് സംഭവിച്ചിരുന്നില്ല. നാഗേശ്വരറാവു, നാഗാര്ജ്ജുന, നാഗചൈതന്യ എന്നിവർ പ്രധാന വേഷത്തിലെത്തിയ തെലുങ്ക് ചിത്രം മനത്തിന്റെ മലയാളം റീമേക്കിലാണ് ഇരുവരും ഒന്നിക്കുന്നതെന്നായിരുന്നു വർഷങ്ങൾക്ക് മുൻപ് പുറത്ത് വന്ന റിപ്പോർട്ടുകൾ.
മധു, മമ്മൂട്ടി, ദുല്ഖര് എന്നിവരാണ് പ്രധാന വേഷത്തിൽ എത്തുന്നത് എന്നായിരുന്നു അന്ന് പുറത്ത് വന്ന വാർത്തകൾ. തെലുങ്ക് വാര്ത്താമാധ്യമങ്ങളായിരുന്നു ഇക്കാര്യം അന്ന് റിപ്പോർട്ട് ചെയ്തിരിക്കുന്നത്. എന്നാൽ ഇത്തവണ മലയാളി സിനിമാസ്വാദകരാണ് മമ്മൂട്ടിയും ദുൽഖറും ഒന്നിക്കാൻ ഒരുങ്ങുന്നതായ വാർത്ത ആഘോഷമാക്കുന്നത്. ചിത്രത്തിൻ്റെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് സിനിമാസ്വാദകർ.