ഡിവോഴ്സ് ആവശ്യപ്പെട്ടുവെന്ന വാർത്ത; മറുപടിയുമായി സുനിച്ചൻ!

ഉശിരേറിയ മത്സരത്തിനാണ് ഇപ്പോൾ ബിഗ് ബോസ് മലയാളം സീസൺ 2 ലെ പ്രേക്ഷകർ സാക്ഷ്യം വഹിക്കുന്നത്. ഷോ ആരംഭിച്ച് ഒരു മാസം പിന്നിടുമ്പോൾ, പങ്കെടുക്കുന്നവരുടെ വ്യത്യസ്ത രീതിയിലുള്ള ഭാവങ്ങളാണ് ഒരോ ദിവസം കഴിയുംതോറും പ്രേക്ഷകർ കാണുന്നത്. ബന്ധുക്കൾ ശത്രുക്കൾ ആകുന്നതും, ശത്രുക്കൾ ഉറ്റ സുഹൃത്തുക്കൾ ആകുന്നതും ഷോയിലൂടെ കാണാനാകും.

ഷോയിൽ പങ്കെടുക്കുന്നവരെ കുറിച്ച് പല വിധ അഭിപ്രായങ്ങളാണ് സോഷ്യൽ മീഡിയ വഴി ഉയരുന്നത്. അത്തരത്തിൽ കഴിഞ്ഞ ദിവസം മത്സരാർത്ഥിയായ മഞ്ജുവിനെതിരെ ചില വാർത്തകൾ പ്രചരിച്ചിരുന്നു. മഞ്ജുവിൽ നിന്നും വിവാഹ മോചനം ഭർത്താവും കുടുംബവും ആവശ്യപ്പെട്ടു എന്ന രീതിയിൽ ആയിരുന്നു വാർത്തകൾ പ്രചരിച്ചത്. ഇപ്പോൾ ഇതിനോട് പ്രതികരിക്കുകയാണ് താരത്തിന്റെ ഭർത്താവ് സുനിച്ചൻ.

ALSO READ: 'ജസ്ല നിലപാടുകളില്ലാത്ത അവസരവാദി', 'വീണ പഠിച്ച കള്ളി'; സത്യം, അസത്യം!

മഞ്ജുവിന്റെ ഒഫീഷ്യൽ ഫേസ്ബുക്ക് പേജിലൂടെയാണ് സുനിച്ചൻ വ്യാജ വാർത്തകളോട് പ്രതികരിച്ചത്. വ്യാജ വാർത്തകൾ പ്രചരിച്ചതിൽ തനിക്ക് ദുഃഖം ഉണ്ടെന്നും അതിൽ സത്യം ഇല്ലെന്നും സുനിച്ചൻ പറയുന്നു.

സുനിച്ചന്റെ വാക്കുകളിലൂടെ,

നമസ്കാരം ഞാൻ സുനിച്ചൻ ആണ് സംസാരിക്കുന്നത്. ഇപ്പോൾ ദുബായിൽ ആണുള്ളത്. ഒരു വര്ഷം ആയി ഇവിടെ എത്തിയിട്ട്. ഇടക്ക് ഒരു രണ്ടു മാസം നാട്ടിൽ ലീവിന് പോയിരുന്നു. പിന്നെ ബിഗ് ബോസ് എല്ലാരും കാണുന്നുണ്ട് എന്ന് എനിക്കറിയാം. ഞാൻ ഇടയ്ക്ക് ഏഷ്യാനെറ്റിൽ ചെന്നിരുന്നുവെന്നും മഞ്ജുവിൽ നിന്നും ഡിവോഴ്സ് വേണം എന്ന് ആവശ്യപ്പെട്ടുവെന്നും ചേർത്ത് ഒരു വാർത്ത ഇടയ്ക്ക് കണ്ടു "

" ഞാൻ അത് ഏഷ്യാനെറ്റിൽ വിളിച്ചു ചോദിച്ചു. അപ്പോൾ അവർ അത് പെയ്ഡ് ന്യൂസ് ആണെന്നു പറഞ്ഞു. എനിക്ക് ഒരുപാട് സങ്കടമായി. അങ്ങിനെ ഒരു വാർത്ത ഇല്ല. കാരണം എന്റെ കുടുംബവും അവളുടെ കുടുംബവും പിന്തുണ നല്കിയിട്ടാണ് അവൾ ബിഗ് ബോസിൽ പോയത്"

"ഞാനും എല്ലാരും അവളെ സപ്പോർട്ട് ചെയ്യുന്നുണ്ട്. പിന്നെ അവൾ കഴിഞ്ഞ ഒരു എപ്പിസോഡിനകത്ത് കുഷ്ഠരോഗി എന്ന പരാമർശം നടത്തുകയുണ്ടായി. അതിനു ഞാൻ നിങ്ങളോട് മാപ്പ് ചോദിക്കുന്നു. അവളുടെ വായിൽ നിന്നും അത് അറിയാതെ പറഞ്ഞു പോയതാണ്. പിന്നെ ഇത് ഒരു ഗെയിം അല്ലെ ആ രീതിയിൽ കണ്ടാൽ മതി. പിന്നെ എല്ലാരും ബിഗ് ബോസ് കാണണം മഞ്ജുവിനെ സപ്പോർട്ട് ചെയ്യണം, ഞാനും ചെയ്യാം" എന്നും ലൈവിലൂടെ സുനിച്ചൻ വ്യക്തമാക്കി.