ശബരിയുടെ അനിയൻആണോ, ബന്ധുവാണോ? ചോദ്യത്തിനുള്ള ഉത്തരമിതാ!

കഴിഞ്ഞ മൂന്നു നാല് വർഷമായി മിനി സ്‌ക്രീൻ പ്രേക്ഷകരുടെ പ്രിയങ്കരനായ താരമാണ് ആനന്ദ് നാരായണൻ. അഭിനയത്തോടുള്ള അഭിനിവേശമാണ് താരത്തിനെ ഈ മേഖലയിലേക്ക് എത്തിച്ചത്. അവതാരകനായിട്ടാണ് താരം ആദ്യമായി ക്യാമറയ്ക്ക് മുൻപിലേക്ക് എത്തിയത്. 2014 ലാണ് ഒരു ടെലിവിഷൻ സീരിയൽ വഴി അഭിനയരംഗത്തേക്ക് ആനന്ദ് കടക്കുന്നത്.

ആദ്യത്തെ സീരിയലിൽ താരത്തിന് ശോഭിക്കാൻ ആയില്ലെങ്കിലും പിന്നീട് കാണാകണ്മണി, എന്ന് സ്വന്തം ജാനി, അരുന്ധതി, തുടങ്ങിയ സീരിയലുകളിലൂടെ മുൻ നിര നായകന്മാരുടെ ഇടയിലേക്ക് താരം ഉയർന്നു.

വില്ലൻ കഥാപാത്രങ്ങളും, നായക കഥാപാത്രങ്ങളും തനിക്ക് കൂളായി വഴങ്ങും എന്ന് തെളിയിച്ച ആനന്ദ് ഇപ്പോൾ സ്വാതി നക്ഷത്രവും ചോതിയിലാണ് മിന്നിത്തിളങ്ങുന്നത്. സോഷ്യൽ മീഡിയയിൽ സജീവമായ താരത്തിന്റെ ഏറ്റവും പുതിയ എഫ്ബി പോസ്റ്റാണ് ഇപ്പോൾ ആരാധകർ ഏറ്റെടുത്തത്.

ALSO READ: രജിത് വിഷയം;സീക്രട്ട് റൂം ടാസ്‌ക്കിന്റെ ഭാഗമോ;സംശയം കൂട്ടി ഈ കാര്യങ്ങൾ; സോഷ്യൽ മീഡിയ പറയുന്നു!

അഭിനയം തുടങ്ങിയതുമുതൽ ഏറ്റവും കൂടുതൽ കേൾക്കേണ്ടിവന്നൊരു ചോദ്യത്തിനുള്ള ഉത്തരമാണ് താരം പങ്ക് വച്ചത്. നടൻ ശബരിയുടെ അനിയൻആണോ, ബന്ധുവാണോ എന്നൊക്കെ നിരന്തരമായി ആളുകൾ ചോദിക്കാറുണ്ട്. ആദ്യംഒക്കെ അല്ല ശബരിചേട്ടനെ അറിയാം എന്നായിരുന്നു താൻ മറുപടി നൽകിയതെന്നും ആനന്ദ് പറയുന്നു. " കൊടും ഭീകരൻ ആണ് മല്യയാ " അതെ ഇപ്പോൾ അദ്ദേഹം എനിക്ക് സഹോദരനെപോലെയാണ്" എന്നുപറയുകയാണ് ആനന്ദ്.