മീനാക്ഷിക്ക് സുഖാണോ കണ്ണാ; മറുപടിയുമായി സിദ്ദു!

തട്ടീം മുട്ടീം പരമ്പരയിലെ മീനാക്ഷിയേയും കാണാനേയും അറിയാത്ത ആളുകൾ വിരളമാണ്. സ്‌ക്രീനിൽ സഹോദരങ്ങളായി എത്തുന്ന ഇരുവരും ജീവിതത്തിലും സഹോദരങ്ങൾ തന്നെയാണ് എന്നത് ഒട്ടുമിക്ക ആളുകൾക്കും അറിവുള്ളതും ആണ്. കലാപാരമ്പര്യം എന്ന് പറയുന്നതിനേക്കാളും ശരി, അച്ഛനും അമ്മയും മക്കൾക്കു മുൻപേ സ്റ്റാർസ് എന്ന് പറയുന്നതാകും. വലിയൊരു റിയാലിറ്റി ഷോയിലൂടെയെത്തി ഇരുവരും പ്രേക്ഷകരുടെ മനസ്സിലേക്ക് കയറി കൂടിയപ്പോൾ,ഇപ്പോൾ നമ്മൾ വിളിക്കുന്ന കണ്ണനും മീനാക്ഷിയും അന്നേ തന്നെ പ്രേക്ഷകരുടെ മനസ്സിൽ ഇടം നേടിയിരുന്നു.

വർഷങ്ങൾ കഴിഞ്ഞപ്പോൾ ഇരുവരെയും തേടിയെത്തിയത്, ജീവിതത്തിലെ വഴിത്തിരിവാകാൻ പോകുന്ന ഷോ തന്നെ ആയിരുന്നു. ഇരുവരും ഈ ഹാസ്യ പരമ്പരയിലൂടെയെത്തിയത് മൂലം, സീരിയൽ പ്രേമികൾ അല്ലാത്ത ആളുകളെ പോലും തങ്ങളിലേക്ക് ആകർഷിക്കാൻ മുതിര്ന്ന താരങ്ങൾക്കൊപ്പം ഈ സഹോദരങ്ങൾക്കും കഴിഞ്ഞു. ഇപ്പോൾ പഠന ആവശ്യങ്ങൾക്കായി മീനാക്ഷിയായി എത്തുന്ന ഭാഗ്യലക്ഷ്യ്ക്കു പിന്മാറേണ്ടി വന്നെങ്കിലും ഇപ്പോഴും മീനാക്ഷി ഉണ്ടാക്കിയ ഓളം കെട്ടടങ്ങിയിട്ടില്ല എന്നുവേണം പറയാൻ.

ALSO READ: ഈ മിടുക്കനൊപ്പം ചുവട് വെക്കാൻ സാധിച്ചത് അഭിമാനം; ലക്ഷ്മിയ്ക്ക് കൈയ്യടിച്ചു സോഷ്യൽ മീഡിയ!

ഇപ്പോൾ വൈറൽ ആകുന്നത് കണ്ണനായി എത്തുന്ന സിദ്ധാർത്ഥിന്റെ ഇൻസ്റ്റയിലെ Q & A സെക്ഷനിൽ മീനാക്ഷിയെ പറ്റി ആരാധകരുടെ സംശയത്തിന് മറുപടി പറയുകയാണ് സിദ്ദു. മീനാക്ഷിക്ക് സുഖമാണോ, ഞങ്ങൾ ഒരുപാട് മിസ് ചെയ്യുന്നുണ്ട്, എന്ന് പറയുന്നതിനാണ്, സുഖമായി ഇരിക്കുന്നു. ഞങ്ങളും മിസ് ചെയ്യുന്നതായി കണ്ണൻ പറയുന്നത്. എന്തുകൊണ്ട് സിനിമ നോക്കുന്നില്ല എന്ന ചോദ്യത്തിന് ചെയ്തു തുടങ്ങണം എന്ന മറുപടിയും താരം നൽകുന്നുണ്ട്. ദിവസം എത്ര വരുമാനം കിട്ടുന്നുണ്ട് എന്ന ചോദ്യത്തിന് വളരെ തുച്ഛം മാത്രം എന്നാണ് താരം പറയുന്നത്.