പ്രണയം തുടങ്ങിയിട്ട് രണ്ട് വർഷം; കല്യാണം എപ്പോൾ; ഇഷ്ടം ആണെന്ന് ആദ്യം പറഞ്ഞതാര്; മനസ്സ് തുറന്ന് സൗഭാഗ്യ!

ടിക് ടോക് റാണി എന്നാണ് സൗഭാഗ്യ വെങ്കിടേഷിനെ സോഷ്യൽ മീഡിയ വിളിക്കാറ്. സ്വതസിദ്ധമായ ശൈലിയിലൂടെയാണ് സൗഭാഗ്യ ടിക് ടോക് വീഡിയോസിൽ പ്രത്യക്ഷപ്പെടുന്നത്. ആദ്യ കാലങ്ങളിൽ സൗഭാഗ്യയും അമ്മ താര കല്യാണും ഒരുമിച്ചും അല്ലാതെയുമായിരുന്നു ടിക് ടോക് വീഡിയോസിൽ പ്രത്യക്ഷപ്പെട്ടതെങ്കിൽ, അടുത്തകാലങ്ങളിൽ അർജുനും ഒരുമിച്ചുള്ള ടിക് ടോക് വീഡിയോകൾ ആയിരുന്നു താരം സോഷ്യൽ മീഡിയയിൽ പോസ്‌റ്റ് ചെയ്തിരുന്നത്.

അന്നുമുതൽ ആരാണ് ഈ അർജുൻ എന്ന രീതിയിൽ പ്രേക്ഷകർ ചോദ്യങ്ങൾ ഉന്നയിച്ചിരുന്നെങ്കിലും താരം കൂടുതലൊന്നും പങ്ക് വച്ചിരുന്നില്ല. എന്നാൽ അടുത്തിടെയാണ് താൻ വിവാഹിതയാകാൻ പോകുന്നുവെന്ന് സൂചന സൗഭാഗ്യ നൽകുന്നത്. തനിക്ക് ഇഷ്ടപെട്ട ആളെ നൽകിയതിന് അമ്മയ്ക്ക് നന്ദി പറഞ്ഞുകൊണ്ടായിരുന്നു വിവാഹനിശ്ചയ ഫോട്ടോകൾ താരം സോഷ്യൽ മീഡിയയിലൂടെ പങ്കിട്ടത്.

READ ALSO: 'അമൂല്യ രത്ന'വുമായി സൗഭാഗ്യയുടെ വിവാഹനിശ്ചയം; വൈറലായി ചിത്രങ്ങൾ

ദീർഘകാലമായി പ്രേക്ഷകർ ആവശ്യപെട്ട ചില ചോദ്യങ്ങൾക്കുള്ള ഉത്തരം നൽകുകയാണ് സൗഭാഗ്യ. സോഷ്യൽ മീഡിയയിൽ സജീവമായ സൗഭാഗ്യ ഇപ്പോൾ ഇൻസ്റ്റയിലൂടെയാണ് പ്രതികരണം നടത്തിയിരിക്കുന്നത്. എത്ര വർഷമായി നിങ്ങൾ തമ്മിൽ പ്രണയം ആരംഭിച്ചിട്ട് എന്നായിരുന്നു ഒട്ടുമിക്ക പ്രേക്ഷകരും താരത്തോട് ചോദിച്ചത്. രണ്ടുവർഷമായി ഇരുവരും തമ്മില്ലുള്ള പ്രണയം ആരംഭിച്ചിട്ട് എന്നാണ് താരത്തിന്റെ മറുപടി.

READ ALSO: ഞാന്‍ എല്ലാം അറിയുന്നത് അപ്പോഴാണ്; പത്ത് പൈസ ചിലവാക്കാത്ത തെണ്ടിയാണ് അദ്ദേഹം

വിവാഹം ഉടൻ ഉണ്ടാകുമെന്നും, സന്തോഷത്തിന്റെ ഏറ്റവും വലിയ നിർവ്വചനങ്ങൾ അർജുൻ സോമശേഖരനും, താര കല്യാണും ആണെന്നും താരം വ്യക്തമാക്കി. കൂടാതെ അർജുനെ എന്ത് കൊണ്ട് സ്നേഹിച്ചു എന്നതിനും താരം ഉത്തരം നൽകി. അദ്ദേഹത്തിന്റെ പേര് എന്താണ് സൂചിപ്പിക്കുന്നത് അതാണ് അദ്ദേഹം. ബോൾഡായ ബ്രേവ് ആയ, ബുദ്ധിയുള്ള, പ്രശംസ അർഹിക്കുന്ന ആളാണ് അദ്ദേഹം. അത് തന്നെയാണ് താൻ അദ്ദേഹത്തെ സ്നേഹിക്കാൻ കാരണവും.

അഞ്ചാം ക്‌ളാസിൽ പഠിക്കുമ്പോൾ മുതൽ അർജുനെ പരിചയം ഉണ്ടെന്നും, അപ്പോൾ ഒന്നും തോന്നിയില്ല, ഇപ്പോൾ തോന്നി. താൻ ആണ് ആദ്യം പ്രൊപ്പോസ് ചെയ്തത്. വിവാഹം കഴിഞ്ഞാൽ ആദ്യം അർജുനും ഒന്നിച്ചു മൂകാംബികയിൽ പോകാൻ ആണ് താത്‌പര്യമെന്നും സൗഭാഗ്യ വെങ്കിടേഷ് പറയുന്നു.