സൗഭാഗ്യ- അർജുൻ ബന്ധം
ഇരുവരുടെയും ടിക് ടോക് വീഡിയോയ്ക്ക് പ്രേക്ഷകർ മികച്ച പിന്തുണയാണ് നൽകിയിരുന്നത്. ഇരുവരുടെയും കെമിസ്ട്രി കണ്ടപ്പോൾ മുതൽ ഇവർ തമ്മിൽ ജീവിതത്തിലും ഒരുമിക്കേണ്ടവർ ആണെന്നായിരുന്നു പ്രേക്ഷകരുടെ വിധി എഴുത്ത്.
പ്രേക്ഷകരുടെ കണക്കുകൂട്ടൽ തെറ്റിയില്ല!
അർജുൻ ആരാണ് എന്ന് പലരും തിരക്കിയിരുന്നെങ്കിലും സൗഭാഗ്യ തുറന്നു പറഞ്ഞിരുന്നില്ല. പക്ഷെ പ്രേക്ഷകർ കണക്കുകൂട്ടിയ പോലെതന്നെ ഇരുവരും പ്രണയത്തിൽ ആണെന്ന് പിന്നീട് വ്യക്തമായി!
അധികം ആരും അറിയാതെ വിവാഹനിശ്ചയം!
അധികം ആരും അറിയാതെയാണ് ഇരുവരുടെയും വിവാഹനിശ്ചയം നടന്നത്. ഇരുവരും തമ്മിലുള്ള വിവാഹ നിശ്ചയത്തിന്റെ ചിത്രങ്ങൾ താരം പങ്കുവച്ചപ്പോൾ ആണ് മാധ്യമങ്ങൾ പോലും വിവാഹ വാർത്ത അറിയുന്നത്.
ആഘോഷമായി ഹൽദി ആഘോഷം!
ഫെബ്രുവരി 19,20 തീയതികളിലായാണ് വിവാഹം.നടക്കുന്നത്. ഇതിന്റെ ഭാഗമായി കഴിഞ്ഞ ദിവസമായിരുന്നു ഹൽദി ആഘോഷം നടന്നത്. തമിഴ് ബ്രാഹ്മണ ആചാരപ്രകാരമായാണ് വിവാഹം.മഞ്ഞ നിറത്തിലുള്ള സാരിയണിഞ്ഞ് സൗഭാഗ്യ എത്തിയപ്പോള്‍ അതേ നിറത്തിലുള്ള കുര്‍ത്തിയിലായിരുന്നു അര്‍ജുന്‍. അമ്മയും അമ്മൂമ്മയും സുഹൃത്തുക്കളുമുള്‍പ്പടെ ഹല്‍ദി ആഘോഷത്തിനെത്തിയവരെല്ലാം മഞ്ഞ നിറത്തിലുള്ള വസ്ത്രങ്ങളാണ് ധരിച്ചിരുന്നത്.
കൊച്ചച്ഛനും കുഞ്ഞമ്മയ്ക്കും ഒപ്പം അനുകുട്ടി!
കൊച്ചച്ഛനും കുഞ്ഞമ്മയ്ക്കും ഒപ്പം അനുകുട്ടി എന്ന ക്യാപ്‌ഷനിലാണ് സൗഭാഗ്യ ബന്ധുവായ കുട്ടിയുടെ ചിത്രം പങ്ക് വച്ചത്. ഈ ചിത്രത്തിന് നിരവധി ആരാധകരാണ് തങ്ങളുടെ ഇഷ്ടം പ്രകടിപ്പിക്കുന്നത്.