മതവും ജാതകവും ഒന്നുമല്ല വേണ്ടത്; മനഃപൊരുത്തം; അതുണ്ട്; ഒന്നായ ശേഷം റോൺസനും നീരജയും പറയുന്നു!

ഭാര്യ എന്ന മെഗാ സീരിയലിൽ നന്ദൻ, സീതയിൽ ജഡായു ധർമ്മൻ, പിന്നെ അങ്ങോട്ട് ടെലിവിഷൻ പരമ്പരകളിൽ റോൺസൺ കാലം. വില്ലനായി എത്തി അത്ഭുതപ്പെടുത്തിയ താരം അടുത്തിടെയാണ് ബാലതാരമായി മലയാളികളുടെ പ്രിയങ്കരി ആയി മാറിയ നീരജയെ സ്വന്തം ആക്കിയത്. വെറും നീരജ അല്ല ഡോ. നീരജ എന്ന് പറയുന്നതാകും കൂടുതൽ ശരി.

കഴിഞ്ഞ ദിവസം നീരജ പങ്കിട്ട സോഷ്യൽ മീഡിയ ഫോട്ടോകളിൽ നിന്നാണ് ഇരുവരുടെയും വിവാഹം കഴിഞ്ഞ വിശേഷം പ്രേക്ഷകർ അറിയുന്നത്. ബന്ധുക്കൾ മാത്രം പങ്കെടുത്ത വിവാഹത്തിന് ആർഭാടങ്ങൾ കുറവായിരുന്നു. ഇപ്പോൾ ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ താര ദമ്പതികൾ മനസ്സ് തുറക്കുകയാണ്.

ALSO READ: എല്ലാവരും കാത്തിരുന്ന വിവാഹം ഇങ്ങെത്തി; വിവാഹ ക്ഷണക്കത്ത് പുറത്തുവിട്ട് സൗഭാഗ്യ!

പ്രണയവിവാഹം അല്ല ഇതെന്നും, പരസ്പരം എന്തൊക്കെയോ സാമ്യതകളും, സാദൃശ്യങ്ങളും ഉള്ളത് കൊണ്ടാണ് വിവാഹം നടന്നതെന്നും, അവിടെ ജാതിയോ മതമോ മറ്റൊന്നും പ്രശ്നം ആയിരുന്നില്ലെന്നും ഇരുവരും പറയുന്നു. സുഹൃത്ത് വഴി പരിചയപെട്ടു, വീട്ടുകാരെ അറിയിച്ചു. അവർക്കും സമ്മതം. അപ്പോൾ അവിടെ ജാതി മതം, ജാതകം ഒന്നും പ്രശ്നം ആയതായി ഞങ്ങൾക്ക് ഇരു കുടുംബങ്ങൾക്കും തോന്നിയില്ല അങ്ങിനെയാണ് ഒരുമിച്ചുള്ള യാത്ര ആരംഭിച്ചതെന്നും താരങ്ങൾ വ്യക്തമാക്കി.