സെക്സ് വർക്കിന്‌ ട്രാൻസ് ജെൻഡേഴ്‌സ് ഇറങ്ങുന്നത് ഒന്ന് കൊണ്ട് മാത്രം; മനസ്സ് തുറന്ന്‌ രഞ്ജു രഞ്ജിമാർ!

സെലിബ്രിറ്റികളുടെ സ്വന്തം മെയ്ക്കപ്പ് ആർട്ടിസ്റ്റായിട്ടാണ് രഞ്ജുരഞ്ജിമാർ അറിയപ്പെടുന്നത്. കൊല്ലം സ്വദേശിയായ രഞ്ജുവാണ് കാവ്യാ മാധവന്‍, പേളി മാണി, തമന്ന, ഭാവന, മീരനന്ദന്‍, നവ്യ നായര്‍, ശ്വേത മേനോന്‍, അനുശ്രീ, റീമ കല്ലിങ്കല്‍, മിയ, പ്രിയ മണി, അമൃത് സുരേഷ് ശ്രീലക്ഷ്മി ശ്രീ കുമാർ തുടങ്ങി നിരവധി താരങ്ങളെ സുന്ദരിയാക്കി മാറ്റിയത്.രഞ്ജുവിന്റെ മാജിക്കൽ ടച്ചുണ്ടെകിൽ അവിടെയൊരു ടെൻഷന്റെ ആവശ്യം ഇല്ലെന്നാണ് ചില താരങ്ങൾ സോഷ്യൽ മീഡിയയയിലൂടെ പങ്ക് വയ്ക്കുന്നത്.

ട്രാൻസ്‌ജെൻഡർ ആയത് ഉണ്ട് മാത്രം സമൂഹത്തിൽ ഇപ്പോഴും നേരിടുന്ന ചില ബുദ്ധിമുട്ടുകളെ പറ്റി താരം തുറന്നു പറയുകയാണ്.

സദാചാരക്കാരോടു രണ്ട് വാക്ക് പറയാനുണ്ട് എന്ന് പറഞ്ഞാണ് രഞ്ജു ലൈവിലൂടെ കാര്യങ്ങൾ വ്യക്തമാക്കുന്നത്. പലരും മെസേജ് ചെയ്യാറുണ്ട് ട്രാന്സ്ജെന്ഡേഴ്സ് എല്ലാം സെക്സ് വർക്ക് ചെയ്യുന്നത് എന്തിനാണ് എന്ന ചോദ്യവുമായി. ഇതിനോട് എനിക്ക് പറയാൻ ഉള്ള ഒറ്റവാക്ക് നിവർത്തികേട്‌ എന്നാണ്.


സ്വന്തം വീട്ടിൽ സ്വന്തം ഐഡിന്റിറ്റി വ്യക്തമാക്കുമ്പോൾ ആദ്യം മനസിലാക്കേണ്ടത്, പത്തുമാസം ചുമന്നത്തിന്റെ കണക്ക് എണ്ണി എണ്ണി പറയുന്ന അമ്മയാണ്. പെറ്റമ്മമാർ ആണ് ആദ്യം അത് മനസിലാക്കേണ്ടത്. ഈ അമ്മമാർ മനസിലാക്കാത്ത കുട്ടികൾ ആണ് നാടും വീടും വിട്ട് പോകുന്നത്. ഇങ്ങനെ നാടും വീടും ഉപേക്ഷിച്ചു പോകുമ്പോൾ എത്തപ്പെടുന്ന ലോകമാണ് അവരുടെത്.

ഈ തെരുവിൽ നടക്കുന്ന എത്രയോ കുട്ടികൾ ഉണ്ട് ആരുടെയെങ്കിലും വിശപ്പ് നിങ്ങളിൽ ആരെങ്കിലും തീർത്ത് കൊടുത്തിട്ടുണ്ടോ. കൂടുതൽ ഒന്നും പറയുന്നില്ല. കാമം തീർക്കാനായി നിങ്ങളിൽ പലരും രാത്രി കാലങ്ങളിൽ സെക്സ് വർക്കേഴ്സിന്റെ അടുത്തേക്ക് എത്താറുണ്ട്. പകൽ സമയം നിങ്ങൾ ഇതേ വ്യക്തികളെ കണ്ടാൽ എപ്പോഴെങ്കിലും ഒന്ന് ചിരിക്കാറുണ്ടോ. ഇതൊന്നും നിങ്ങൾക്ക് ചെയ്യാൻ കഴിയില്ല. പിന്നെ എന്ത് കൊണ്ട് സെക്സ് വർക്കിന്‌ പോകുന്നു എന്ന ചോദ്യം ഇവിടെ പ്രസക്തമല്ല.

ALSO READ: അമ്മായിയമ്മ രഞ്ചുമ്മക്ക് പിറന്നാൾ ആശംസകൾ നേർന്ന് ഇഷാൻ; നെറ്റിചുളിക്കണ്ട അമ്മായി അമ്മ തന്നെ!എങ്ങനെ എന്നറിയണ്ടേ?

സ്വന്തം കുഞ്ഞുങ്ങളെ മാറോട് ചേർത്ത് നിർത്തേണ്ടതിന് പകരം മാതാപിതാക്കൾ ആട്ടി പായിക്കുന്നതാണ് ഞങ്ങളെ. ജീവിക്കാനായി എല്ലാം പയറ്റി തെളിഞ്ഞിട്ടാകും സെക്സ് വർക്കിന്‌ ഇറങ്ങുക. അതും ജീവിക്കാൻ വേണ്ടി മാത്രം. അവസാനത്തെ പിടിവള്ളി പോലെയാണ് അവർ സ്വന്തം ശരീരം ടോയ്‌സായി കൊടുക്കുന്നത്. സദാചാരം പറയുന്ന നിങ്ങൾ പലരും അവരെ തേടി പോകുന്നില്ലേ. അവരെ കല്ലെറിയാതെ ഇരിക്കുക ഗതികേട് കൊണ്ട് മാത്രമാണ് അവർ അത് ചെയ്യുന്നത്. കാലം മാറും അവരുടെയും അവസ്ഥ മാറും അതുകൊണ്ട്സ ഹോദരന്മാരെ ദയവ് ചെയ്തു അവരെ കല്ലെറിയാതെ ഇരിക്കുക. അവർ ജീവിച്ചു പോക്കോട്ടെ ദയവ് ചെയ്ത് അവരെ ഉപദ്രവിക്കരുത് എന്നാണ് രഞ്ജു പറയുന്നത്.