ലക്ഷ്മിയോടുള്ള ഇഷ്ടം
ലക്ഷ്മി നക്ഷത്രയോടും കോമഡി സ്റ്റാര്‍സ് എന്ന ഷോയോടും ഉള്ള ആരാധന പലപ്പോഴും പുറത്ത് വന്നിട്ടുണ്ട്. കോമഡി സ്റ്റാര്‍സ് കണ്ട് അസുഖം ബേധമായവര്‍ വരെയുണ്ട്. സന എന്ന കുഞ്ഞ് കോമഡി സ്റ്റാര്‍സില്‍ എത്തിയതൊക്കെ ഉദാഹരണമാണ്. ഭിന്ന ശേഷി നേരിടുന്ന പലര്‍ക്കും സഹായവുമായി ലക്ഷ്മി നക്ഷത്ര എത്താറുണ്ട്.
കാണാന്‍ വെമ്പുന്നവര്‍
ലക്ഷ്മി നക്ഷത്രയെ ഒരു നോക്ക് കാണാന്‍ കാത്തിരിയ്ക്കുന്നവരും ഒരുപാടാണ്. അടുത്ത കാലത്ത് ഒരു പൊതു പരിപാടിയ്ക്കിടെ രണ്ട് വര്‍ഷമായി ലക്ഷ്മി നക്ഷത്രയെ കാണാന്‍ ആഗ്രിച്ച പെണ്‍കുട്ടി സ്റ്റേജില്‍ കയറിയതും അവിടെ നിന്ന് കരഞ്ഞതും എല്ലാം സോഷ്യല്‍ മീഡിയ ഏറ്റെടുത്തിരുന്നു. അത്തരത്തിലുള്ള പല മുഹൂര്‍ത്തങ്ങളും ലക്ഷ്മി തന്നെ സോഷ്യല്‍ മീഡിയിയല്‍ പങ്കുവച്ചിട്ടുണ്ട്. ലക്ഷ്മിയെ ദേവിയായ പ്രതിഷ്ടിച്ചവരുമുണ്ട്
നെഞ്ചിനകത്ത് ലാലേട്ടനല്ല, ലക്ഷ്മി
ഇപ്പോഴിതാ ഒരു കടുത്ത ആരാധകന്‍ ലക്ഷ്മി നക്ഷത്രയുടെ മുഖം തന്റെ നെഞ്ചില്‍ പച്ച കുത്തിയിരിയ്ക്കുകയാണ്. വീഡിയോ കണ്ട സന്തോഷത്തില്‍ ലക്ഷ്മി തന്നെയാണ് തന്റെ ഇന്‍സ്റ്റഗ്രാമില്‍ പങ്കുവച്ചത്. ഇത്രയധികം സ്‌നേഹം ചൊരിയുന്നതില്‍ സന്തോഷവും അഭിമാനവും ഉണ്ട് എന്ന് ലക്ഷ്മി നക്ഷത്ര പറയുന്നു. പക്ഷെ ഇന്‍സ്റ്റഗ്രാമില്‍ ആ ആരാധകനെ ടാഗ് ചെയ്യാന്‍ പേജ് കണ്ടെത്താന്‍ കഴിയാത്തതാണ് ലക്ഷ്മി നക്ഷത്രയുടെ സങ്കടം.
കഷ്ടം എന്ന് കമന്റുകള്
എന്നാല്‍ വീഡിയോയ്ക്ക് ലഭിയ്ക്കുന്നതില്‍ ഭൂരിഭാഗവും നെഗറ്റീവ് കമന്റുകളാണ്. എന്നത്തെയും പോലെ ലക്ഷ്മി നക്ഷത്രയോടുള്ള സ്‌നേഹം കാണിച്ചു കൊണ്ടുളള കമന്റുകള് ഉണ്ട് എങ്കിലും, ഭൂരിഭാഗം ആളുകളും ആരാധനയുടെ പേരില്‍ ഇത്തരം ഒരു പ്രവൃത്തി ചെയ്ത പയ്യനെ വിമര്‍ശിക്കുകയാണ്. കഷ്ടം എന്ന് കമന്റ് എഴുതുന്നവരുടെ എണ്ണമാണ് കൂടുതല്‍. ഇത്തരം പ്രവൃത്തികളെ പ്രോത്സാഹിപ്പിക്കരുത് എന്ന് ഉപദേശിക്കുന്നവരും ഉണ്ട്.