അഭിയുടെയും അമൃതയുടെയും വഴക്ക്
അമൃത സുരേഷിന്റെയും അഭിരാമി സുരേഷിന്റെയും അമൃതംഗമയ എന്ന യൂട്യൂബ് ചാനലിന്റെ പ്രത്യേകത തന്നെ വഴക്കാണ്. രണ്ട് പേര്‍ക്കും രണ്ട് അഭിപ്രായങ്ങളായിരിയ്ക്കും. അതിനെ ചൊല്ലിയുള്ള വഴക്കുകള്‍ വളരെ രസകരമായി വീഡിയോയില്‍ അവതരിപ്പിയ്ക്കും. ആ വഴക്കോടു കൂടെ തന്നെയാണ് ഓണം സ്‌പെഷ്യല്‍ വ്‌ളോഗും ആരംഭിയ്ക്കുന്നത്.
പിന്നെ ഞാനെന്തിനാണ് എന്ന് അഭി
അമൃത സുരേഷും ഗോപി സുന്ദറും താമസിക്കുന്ന ഫ്‌ളാറ്റില്‍ വച്ചാണ് ഓണം സ്‌പെഷ്യല്‍ വ്‌ളോഗ് എടുത്തത്. പൂക്കളം തീര്‍ക്കുന്നതിന് ഇടയിലാണ് അമിയും അമൃതയും തമ്മില്‍ വഴക്ക് തുടങ്ങിയത്. അവസാനത്തെ ലെയറില്‍ മഞ്ഞപൂവ് കൂടെ വയ്ക്കണം എന്ന് അമൃത പറഞ്ഞപ്പോഴാണ്, 'ചേച്ചി ചേച്ചിയ്ക്ക് ഇഷ്ടമുള്ളത് പോലെ ചെയ്യുകയാണെങ്കില്‍ പിന്നെ ഞാന്‍ എന്തിനാണ് ഇവിടെ ഇരിയ്ക്കുന്നത്' എന്ന് അഭി ചോദിയ്ക്കുന്നത്. ചേച്ചി വെയ്‌സ്‌റ്റേജിന്റെ ആളാണെന്നാണ് അഭിയുടെ പക്ഷം.
അമൃതയെ പിന്തുണച്ച് ഗോപിയും
അവസാനം ഗോപി സുന്ദര്‍ എത്തി. അപ്പോഴേക്കും അവസാന ലെയറില്‍ പകുതിയോളം മഞ്ഞപൂക്കള്‍ അമൃത ഇട്ട് കഴിഞ്ഞിരുന്നു. എന്നാല്‍ പിന്നെ അത് പൂര്‍ത്തിയാക്കൂ, മഞ്ഞ ഭംഗിയാണ് എന്ന അഭിപ്രായത്തില്‍ ഗോപി സുന്ദറും എത്തി. അഭിരാമിയും അതിനോട് യോജിച്ചു. വല്യേട്ടന് ഒപ്പമുള്ള ആദ്യത്തെ ഓണം ആഘോഷിയ്ക്കുന്ന സന്തോഷം അഭിയും പങ്കുവച്ചു.
വഴക്കിന് ഇടയിലെ സ്‌നേഹം
വഴക്ക് കൂടല്‍ മാത്രമല്ല, വീഡിയോയില്‍ മൂവരും തമ്മിലുള്ള സ്‌നേഹ പ്രകടനങ്ങളും കാണാം. ചേച്ചിയുടെ തീരുമാനങ്ങളോട് എതിര്‍പ്പ് ഉണ്ടെങ്കിലും അതിനെ പിന്തുണയ്ക്കുന്ന ആളാണ് അഭി എന്ന് ഈ വീഡിയോയും സാക്ഷ്യപ്പെടുത്തി. അമൃതയ്‌ക്കൊപ്പം ഏത് കാര്യത്തിനും കട്ട സപ്പോര്‍ട്ട് ആയി ഗോപി സുന്ദര്‍ ഉണ്ടാവും എന്ന ഉറപ്പും ഇതിലൂടെ കിട്ടി. മധുരം പങ്കിട്ടു കുടിയ്ക്കുന്ന അമൃതയെയും ഗോപിയെയും വീഡിയോയില്‍ കാണാമായിരുന്നു.