ആ പേരിൽ ഇനി അനുഭവിക്കാൻ ഒന്നുമില്ല; അച്ഛനും അമ്മയും തന്നതാണ് ഐശ്വര്യം; പുതിയ തീരുമാനവുമായി ആദിത്യൻ ജയൻ!

വർഷങ്ങളായി മിനി സ്‌ക്രീൻ പ്രേക്ഷകർക്ക് സുപരിചിതമായ പേരാണ് ആദിത്യൻ ജയൻ. എന്നാൽ ഇനി മുതൽ ആ പേര് തനിക്ക് വേണ്ട എന്ന തീരുമാനത്തിൽ ആണ് ഇപ്പോൾ താരം ഉള്ളത്. ആ പേര് കൊണ്ട് ഇനി അനുഭവിക്കാൻ ഒന്നും ഇല്ല എന്നാണ് ആരാധകരുടെ സംശയത്തിനുള്ള മറുപടിയായി ആദിത്യൻ പറയുന്നത്. ആദിത്യൻ പങ്കിട്ട ഒരു പോസ്റ്റിലൂടെയാണ് താരത്തിന്റെ തീരുമാനം വൈറൽ ആയി മാറിയത്.

എന്റെ ഔദ്യോഗികമായ പേര് ജയൻ എസ് എന്നാണ്,ആയതിനാൽ അതേപേരിൽ തന്നെ ഫേസ്ബുക്ക് പ്രൊഫൈൽ, ഇൻസ്റ്റാഗ്രാം എന്നീ സോഷ്യൽ മീഡിയ പ്രൊഫൈലുകൾ അപ്‌ഡേറ്റ് ചെയ്യുന്നു എന്നായിരുന്നു ആദിത്യൻ പങ്കിട്ട പോസ്റ്റ്. എന്നാൽ പ്രിയ താരത്തിന്റെ തീരുമാനത്തെ അനുകൂലിച്ചും എതിർത്തും നിരവധിപേർ രംഗത്ത് വന്നു.

ആദിത്യൻ ജയൻ നല്ല പേരായിരുന്നു എന്നൊരാൾ കമന്റ് വയ്ക്കുമ്പോൾ അയ്യോ എന്റെ പൊന്നേ വേണ്ട ആ പേരിൽ ഇനി ഒന്നുമില്ല അനുഭവിക്കാൻ എന്നാണ് ആദിത്യൻ നൽകിയ മറുപടി. എന്തിനാണ് പേര് ഇപ്പോൾ മാറ്റിയതെന്ന ചോദ്യത്തിനും ആദിത്യൻ മറുപടി നൽകി. ഒന്നുമില്ല അച്ഛനും അമ്മയുമിട്ട പേര് ജയൻ എന്നാണ് അതിൽ മാറ്റം വരുത്തി ഞാൻ, അതിനാൽ ഗുണം ഉണ്ടായില്ല സ്വസ്ഥത പോയി കിട്ടി. എന്നാണ് താരം നൽകിയ മറുപടി.

ആദിത്യന്റെ പേര് മാറ്റത്തിനുപിന്നാലെ ഇനി അമ്പിളി ദേവിയുടെ പേരും മാറ്റുമോ എന്നായിരുന്നു മറ്റു ചിലർക്ക് അറിയേണ്ടിയിരുന്നത്. കഷ്ടം എന്റെ കാര്യം പറഞ്ഞപ്പോൾ എന്തിനാ സഹോദരാ അങ്ങോട്ടു പോകുന്നത് എന്ന മറുപടിയും താരം നൽകുന്നുണ്ട്.