പാപ്പുവിനെ കുറിച്ച് ബാല
ഇപ്പോഴിതാ ഇന്ത്യ ഗ്ലിഡ്സിന് നല്കിയ അഭിമുഖത്തില് സംസാരിക്കവെ മകള് പാപ്പുവിനെ കുറിച്ച് വാചാലയായിരിയ്ക്കുകയാണ് ബാല. മകളെ വല്ലാതെ മിസ്സ് ചെയ്യുന്നു എന്ന് പറഞ്ഞ നടന് അവളെ കുറിച്ചുള്ള തന്റെ ഓര്മകളും, അവളോടൊപ്പമുണ്ടായിരുന്ന നിമിഷങ്ങളും പങ്കുവച്ചു.
ഏറ്റവും അധികം മിസ്സ് ചെയ്യുന്നത്
ചെന്നൈയില് ആയാലും, കേരളത്തില് ആയാലും ജീവിതത്തില് ഞാന് ഏറ്റവും അധികം മിസ്സ് ചെയ്യുന്നത് എന്റെ മകളെയാണ് എന്നാണ് ബാല പറഞ്ഞത്. എന്താണ് സംഭവം എന്ന് നിങ്ങള്ക്ക് എല്ലാം അറിയുമായിരിയ്ക്കും. ആ വിഷയത്തില് എനിക്ക് കൂടുതല് സംസാരിക്കാന് താത്പര്യമില്ല എന്ന് പറഞ്ഞ് അക്കാര്യം ബാല അവസാനിപ്പിയ്ക്കുകയായിരുന്നു.
ആ വാര്ത്ത ആദ്യമായി കേട്ടപ്പോള്
ജീവിതത്തില് ഏറ്റവും അധികം സന്തോഷിച്ചത് അവള് ജനിച്ചു എന്ന വാര്ത്ത കേട്ടപ്പോഴാണ് എന്നും ബാല പറയുന്നു. ആ സമയത്ത് ഞാന് ഒരു സിനിമ പ്രൊഡ്യൂസ് ചെയ്യുകയായിരുന്നു. അഡ്മിറ്റ് ആയി എന്ന് പറഞ്ഞപ്പോള് തിരക്ക് പിടിച്ച് എയര് പോര്ട്ടിലേക്ക് ഓടി. തിരക്കിന് ഇടയില് അബദ്ധത്തില് ഒരു ചെറിയ കത്തി എന്റെ കീശയില് ആയിപ്പോയി. എയര് പോര്ട്ടില് എത്തിയതും പൊലീസ് എന്നെ തടഞ്ഞു വച്ചു. ആ സമയത്ത് ആണ് അവള് ജനിച്ചു എന്ന ഫോണ് കോള് വരുന്നത്. അപ്പോഴുണ്ടായ സന്തോഷം പറഞ്ഞറിയിക്കാന് കഴിയില്ല.
അവളെ ആദ്യമായി കണ്ടത്
ഓടിയണച്ച് ആശുപത്രിയില് എത്തി. അവളുടെ മുഖം ആദ്യമായി കണ്ടു, അപ്പോഴൊരു ചിരിയുണ്ടായിരുന്നു മുഖത്ത്. ഏറ്റവും സന്തോഷം തോന്നിയ നിമിഷമാണ് അത്. അവള് ആദ്യമായി കുമ്പിട്ട് കിടന്നത് മുതല് എല്ലാ കാര്യങ്ങളും മനോഹരമായ ഓര്മകളാണ്- ബാല പറഞ്ഞു